المصنع الإلهي شغال الإنتاج النهائي دايماً للخير

[walaa farouk]

في حاجات بنمر بيها شكلها مش خير خالص😭
ألم يوجع، خسارة تكسر، ظلم يخنق،
حاجات مالهاش أي معنى غير إنها بتوجع وخلاص.😥
بس في المصنع الإلهي،
حتى الحاجات اللي جواها وجع،
بتدخل تحت إيديه وتخرج في الآخر لخيرك!

"وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ"
(رومية ٨: ٢٨)

الله مش بيقول إن كل حاجة في ذاتها خير،
بس بيقول إنه بياخد كل حاجة،
حتى الحاجات المكسورة، ويحطها جوا خطته
، فتطلع في الآخر لصالحك.✨️
الألم نفسه مش نعمة، بس لما يدخل المصنع الإلهي،
يتحوّل لأداة تشكيل.

لكن خد بالك.. الآية ليها مفتاح: "للذين يحبون الله".
يعني مش أي حد بيختبر التحويل ده..
اللي بيحب الله هو اللي عارف يسلم، اللي واثق في إيديه
، اللي حتى لو شايف كل حاجة ضده،
عارف إن المصنع الإلهي شغال، وإن الإنتاج النهائي دايماً للخير.💜
سلم، وثق، وسيب إيديه تصنع من الألم معنى
، ومن الوجع مجد، ومن الانكسار قوّة💪