قالوا ازاى الله يتجسد ؟؟

محتاجه لايدك ياربى · رقم المشاركة : ( 1 ) 22 - 09 - 2012, 02:56 PM

قالوا ازاى الله يتسجد؟

قالوا أزاي الله يتجسـد ده كلام صـعب ومش مقـبول
غير محدود أزاي يتحدد في جسد بشري ده مش معقول
وعشـان أيه يتجسـد ليـه ده كــلام مـا هـيدخـلش عقول

احنا الهنا اله مرهوب فوق في السما علي العرش مهوب
مش زي ما بتقولوا وديع وعلــي الخشبة كمان مصلوب
بقـــي بالذمة ده برضه إله؟ فوقوا كفاية معاصي وذنوب

قـلت أدونـــي فرصـة أرد. وأوضـح أصـل الموضـوع
دي المسألة محتاجة بجد. قلوب متواضعة إيمان بخشوع
علشـان نعرف فين الحق وكمـان مـين فيـنا المخـدوع

قالوا أتكلم أدينا سامعين مهما تقول أحنا الصادقين
قلت ومالوا أسمعوا للأخر يمكن بعدي تقولوا أمين
ضحكوا عليا أستهذأوا بيا لكن جوه في قلبي يقين

إن الـرب هيـعمل فيــا وهيدينــــي كلام ممسوح
بالروح والنعمة الألهية راح أنطق بالصدق وأبوح
بكـلامك ربـــي وفاديـا والحـق هيظـهر بوضوح

قلت العدل ده صفه فــي الله قالوا تمام ربنا يهديك
والرحمة كمان موجوده جواه قالـوا فتح الله عليك
ده كلام ربي روح وحياه مش وزن وقافية ومزازيك

قالوا ما تدخل بقي في الجد وبلاش لت وعجن كتير
مش هنلاقــــــــي عندك رد أنت مراوغ بس خطير
قلت بلاش عصبية وشد وأدوا فرصــة لــرأي الغير

قُــلت الله عــــادل ورحـــــيم وأنـــتم مـتفـقـين ويـايا
فـــي التوراه العهد القــديم راح نعرف أصل الحكاية
وهلخصها في سين وفى جيم بس تفوقوا وتصحوا معايا

َخــلق الله بإرادتــه الحُــرة الأنســان وأداله حرية
بس َنهاه عن ثمر الشجرة الموجودة في الجنة دي هية
وده معنــاه لو أكـل الثمــرة يبقي إرتكب أكبر معصية

كان الحـكم علي الأنسان لو خالف عهده مع الله
المــوت وكمـان الحرمـان من أبديـــة سعيدة معاه
ووقع آدم في العصيان يعني الموت أصبح مسواه

ليا سؤال فــي النقطة دي هيه أيه هيكون حكم الرحمان
ده الموضـوع بقــــــي شكله قضية محتاج تطبيق الفرمان
والأنسـان ممسوك بخطية يعنـي خلاص فــي الحكم مدان

ردوا وقالوا سبحان الله هو غفور رحمان ورحيم
يغفــر للأنــسان خطـــياه مهما إن كان العبد آثيم
وبرحمـه كمـان يتولاه سبحــانه ستــار وعظــيم

قُـلت كــلام حــلـو ومحبـوب لكـن فين العـدل يبان
لما هيغفــر كـل ذنــوب ويغـير فـــي كلامـه كمـان
ده الحكم خلاص بقي مكتوب وما ينفعش معاه بطلان

لو قاتل فـــي قضية مثيرة قال للقاضـي سامحني بعطفك
عارف إن جريمتـي خطيرة لكن الرحمة برضه في قلبك
أصل عقوبتــي هتبقي كبيرة من فضلك أرحمنــــي بحبك

تفتكروا القاضــي يسامحــه خـلاص علشــان قلبـه حـــن عليه
أصل الرحمة دي صفة في الناس والمجرم قاله أرحمني يا بيه
قالـــــــــــــوا زمــــان العـــــدل أســاس المــلك طب يعمل أيه

طبعآ مش محتاجه سـؤال لازم العدل ياخد مجراه
أنا حبيت أديلكم مثال يعنـــي القاضــي ده رمز الله
أيه يا جمــاعة كيف الحـــــــال رُدوا بـ لا ولا بــ آه

قالوا صحيح دي المسألة صعبة رحمة وعدل في نفس الوقت
مين يقـــدر علـــي حل معادلة مش سهـلة صحيح زي ما قلت
قلت أسمعوا ودي آخر نقطــة وياريت تعرفـــوا إني َصــدقت

فوق خشبة علي شكل صليب كان حل لكل الموضوع
إتـألـم وبحــب عجـــيب مات وفدانــا الــرب يســـــوع
دي حقيقة وعُمرها ما تغيب وبقولها وبصــوت مسموع

علشــان كــده إتجســد ربــي من عــذراء طــاهرة وبتول
وحَمــل عنـــي كــل عقوبتـــي أصـل كــلام الله مـا يـزول
ظهر الرب في شكلي وصورتي حكمته ما هتفحصها عقول...