طول ما يسوع شايف الباقي كله ع الهامش

[walaa farouk]

الناس شافوها إهدار،
وشافوها هي نفسها بشكل أقل من اللي هي عليه.
يمكن بعضهم فكر إنها بتحاول تلفت النظر، أو إنها مش بتتصرف بحكمة.
لكن يسوع؟ يسوع شاف قلبها، شاف حبها،
شاف إن الطِيب ده أغلى حاجة عندها،
وإنها قدمته بإيدين مليانة حب،
مش استعراض. الناس حكموا عليها من برا،
يسوع لمس نية "ساكبة الطيب" من جوا.
المشكلة دايمًا مش في اللي بتقدمه، المشكلة في نظرة الناس
اللي مش دايمًا بتعرف تفهم دوافعك،
لكن طول ما يسوع شايف، الباقي كله ع الهامش.