ليه هيرودس خاف من يوحنا المعمدان

[walaa farouk]

يوحنا_المعمدان (2)
ليه هيرودس خاف من يوحنا المعمدان؟
هيرودس رغم قوته وسلطته كملك..كان عنده خوف كبير من يوحنا المعمدان..يمكن ده يبان غريب للوهلة الأولى
..لكن لو ركزنا شوية هنفهم إن خوفه مكنش مجرد خوف عادي
..ده كان خوف له أبعاد نفسية وروحية عميقة..
1- هيرودس كان متعود على ناس بتنافقه وتخاف منه
..لكن يوحنا مكنش زيهم..كان جرئ وصريح ومكنش بيخاف يقول الحق..حتى لو كان ده هيكلفه حياته..النوع ده من الناس بيكون مخيف للي عايش في الغلط..لأن كلام الحق بيكشف الحقيقة اللي بيحاول يهرب منها..

2- هيرودس كان عارف إنه غلطان لما أخذ هيروديا زوجة أخوه.
.لكن يوحنا ما سكتش وواجهه بالخطية دي بكل جرأة.
.المواجهة دي خلت هيرودس يحس بالذنب والخجل.
.وده سبب جزء كبير من خوفه
..لأن صوت الحق بيكون دايمًا أقوى من أي سلطة أو قوة..

3- هيرودس كان شايف حب الناس الكبير ليوحنا..
الشعب كان بيشوف فيه نبي حقيقي من الله..وصوته كان بيلمس قلوبهم..القوة الروحية دي خلت هيرودس
يحس إنه مش قادر يتحكم فيه زي باقي الناس
..وده زوّد إحساسه بالخوف..

4- هيرودس كان عنده صراع كبير بين احترامه ليوحنا
وخوفه منه..في إنجيل مرقس (6 : 20)
مكتوب إن هيرودس "هِيرُودُسَ كَانَ يَهَابُ يُوحَنَّا عَالِمًا أَنَّهُ رَجُلٌ بَارٌّ وَقِدِّيسٌ، وَكَانَ يَحْفَظُهُ. وَإِذْ سَمِعَهُ، فَعَلَ كَثِيرًا، وَسَمِعَهُ بِسُرُورٍ."
ده معناه إن جزء منه كان بيحس إن يوحنا شخص مختلف
..وإن كلامه صح
..لكن الجزء التاني كان بيحاول يهرب من الحقيقة..

5- هيرودس كان متعود إنه يسيطر على كل حاجة
..لكن يوحنا كان خارج عن السيطرة..مكنش بيتأثر بسلطة هيرودس أو تهديداته..وده خلاه يحس بالعجز قدام قوة الحق اللي بيمثلها يوحنا..