|
 |
 |
 |
|
رقم المشاركة : ( 1 )
02 - 01 - 2025, 10:23 AM
|
|||||||||||
|
|||||||||||
 في كل آخر سنة .. بنكتشف ان فيه حاجة كتير جداً اتغيرت فينا وحاجات كتير اتغيرت حوالينا .. بنكتشف ان فيه توقعات كانت غلط وأحلام مش واقعية واهداف غير منطقية وبنتصدم في ناس وبنتفاجئ بناس .. وهكذا... لكن بيفضل يسوع المسيح هو الوحيد اللي ثابت . . حبه مش بيتغير .. مستعد دايماً يقبلنا ويدينا فرصة جديدة نبتدي معاه من الأول رغم غلطاتنا القديمة .. بيفضل هو الوحيد اللي مش بيزهق مني ومنك . . هو الوحيد اللي شايف فيا وفيك أمل .. هو الوحيد اللي زي كل مرة . . بنبص حوالينا في اليومين دول ونلاقيه أكتر واحد كان موجود طول السنة .. وهو الوحيد اللي جايلك وجابلي اليومين دول يقدم هدية كل سنة (الفرصة الجديدة) اللي بتدور عليها الأيام دي . . انك تعرف تنسى اللي فات وتبتدي من أول وجديد. فحاول ماتضيعش الفرصة المرة دي وافتح هديتك واستغل الفرصة وقول له يا رب انا جاي النهارده انسى معاك كل فشل السنة دي وابدأ معاك انسان جديد في السنة الجديدة. يسوع المسيح هو الوحيد اللي يقدر ينسيك فشل امبارح ويملا فراغ النهارده ويضمن كل اللي جاي. 
|
 |
|
| قد تكون مهتم بالمواضيع التالية ايضاً |
| الموضوع |
| إيده شافية |
| هديه الكريسماس |
| كف إيده طبع |
| قلب حلو ينفع هديه |
| أقل 30 هديه |
العرض العادي
