|
 |
 |
 |
|
|
|
رقم المشاركة : ( 1 )
16 - 12 - 2024, 09:24 PM
|
|||||||||||
|
|||||||||||
 صعب جدًا إنك توصل لوضع فيه تقول: هو ربنا فادني بإيه؟ المشي الصح والاستقامة والوضوح عملولي إيه؟ آساف كاتب مزمور 73 قال كلام شبه كده.. في الوقت اللي فيه عمل مقارنة بينه وبين الأشرار واستعرض قائمة كبيرة للمزايا اللي عندهم وفي المقابل كل ألم ومرار للناس الأمناء المستقيمين.. من بين الكلمات اللي قالها: حَقًّا قَدْ زَكَّيْتُ قَلْبِي بَاطِلاً وَغَسَلْتُ بِالنَّقَاوَةِ يَدَيَّ . وَكُنْتُ مُصَابًا الْيَوْمَ كُلَّهُ، وَتَأَدَّبْتُ كُلَّ صَبَاحٍ. (مز ٧٣: ١٣، ١٤) معنى عبارة زكيت قلبي باطلا.. يعني كل الاستقامة اللي عشتها هي باطلة وملهاش قيمة.. من كتر الإحباط اللي وصل ليه آساف خلاّه يشوف الإستقامة والقداسة مجرد عبث. . والنتيجة بتاعتهم هي إبتلاء.. قد إيه شعور مدمر لما يوصل الشخص إنه يشوف نتيجة إستقامة الحياة هي إن ربنا يبتليه بدل مايكافئه ويجازيه.. يضربه طول النهار ويؤدبه كل صباح (وَكُنْتُ مُصَابًا الْيَوْمَ كُلَّهُ، وَتَأَدَّبْتُ كُلَّ صَبَاحٍ. (مز ٧٣: ١٤) بمكن وانت بتقرا الكلمات دي شايف نفسك مكان آساف. . مظلوم قدام كل إستقامة عشتها. . وتعب قدمته كانت النتيجة إبتلاء وتعب ومرار.. في الوقت اللي فيه الأشرار متهنيين.. في الحقيقة آساف قال الكلمات دي وهو بعيد ومنطوي بمشاكله بعيد عن الرب.. وهو مش شايف إلاَّ نفسه وظروفها.. لكن الصورة اتبدلت تماما لما دخل مقادس الله لما رجع لمكانه اللي مفروض مايخرجش منه.. قدر يسترد النور تاني لعينيه ويشوف الحقايق.. قدر يشوف نفسه وهي في بعدها عن الله.. ويقول: أَنَا بَلِيدٌ وَلاَ أَعْرِفُ. صِرْتُ كَبَهِيمٍ عِنْدَكَ. (مز٧٣: ٢٢) آساف بيقول كنت غبي جدا ومش فاهم لما كنت بعيد عن مقادس الله.. لكنه في النهاية قدرت إيد الرب تسحبه من إحباطه.. من شروده وتيهانه.. قدرت نعمة الله تحاوطه وتشدد قلبه العاثر.. أدرك بعدها عمق الإختبار وقال أروع الكلمات: بِرَأْيِكَ تَهْدِينِي، وَبَعْدُ إِلَى مَجْدٍ تَأْخُذُنِي. مَنْ لِي فِي السَّمَاءِ؟ وَمَعَكَ لاَ أُرِيدُ شَيْئًا فِي الأَرْضِ. (مز ٧٣: ٢٤، ٢٥) باشجع نفسي وباشجعك لو لسه جواك نفس كلمات آساف قبل مايتغير وبتلوم نفسك عن إستقامتك ونزاهتك.. وبتقول كلفوني تعب وإبتلاء.. إدخل مقادس الله.. إسمح لنعمة الله تشفيك وتتعامل مع ربكتك وانزعاجك.. تحررك من الشفقة على الذات.. تسحبك من كل دايرة مرارة زرعت نفسك فيها.. إقفل عينيك من على اللي حواليك وركز في نعمة الله لأنها مشبعة وشافية لحياتك.. إتحرر من آساف القديم اللي جواك 🤲🏻😊 #إله_كل_نعمة 
|
 |
|
العرض المتطور