وجبـــــــة روحيـــــ(†)ــــــــــة يوميـــــــــة

[Mary Naeem]

وعود الرب يسوع في الأناجيل:

• وعد يسوع بالراحة (متى 11: 28-30). تم رفع أثقالنا في الجلجثة.
• لقد وعد يسوع من يتبعه بحياة أفضل (يوحنا ظ،ظ*:ظ،ظ*). يجلب لنا إتباع يسوع الرضى والإشباع الروحي أكثر مما كنا نتوقع.
• وعد المسيح بالحياة الأبدية لأولئك الذين يثقون به (يوحنا 4: 14). كما وعد الراعي الصالح أن يحفظنا بأمان: "وَلَا يَخْطَفُهَا أَحَدٌ مِنْ يَدِي. " (يوحنا 10: 28).
• وعد يسوع تلاميذه بأن ينالوا قوة من الأعالي (أعمال الرسل 1: 8). وبهذه القوة قد "فَتَنُوا ظ±لْمَسْكُونَةَ" (أعمال الرسل 17: 6).
• وعد يسوع أنه سيعود من أجلنا (يوحنا 14: 2-3). سنكون معه دائمًا من ذلك الحين فصاعدًا.
هناك العديد من وعود الله التي يمكن أن نذكرها. وكلها تتحقق في يسوع المسيح، الذي هو "بهاء مجد الله" (عبرانيين 1: 3). "لأنْ مَهْمَا كَانَتْ مَوَاعِيدُ ظ±للهِ فَهُوَ (المسيح) فِيهِ «ظ±لنَّعَمْ» (كورنثوس الثانية 1: 20).

[Mary Naeem]

اسكتش مسلسل اعمال الرسل الحلقة التاسعه والاخيرة



تبشير ورحلات بولس الرسول واستشهاد القديسين بطرس وبولس
الهدف من الاسكتش :

معرفة المخدومين ببعض معجزات القديس بولس الموجوده فى
سفر اعمال الرسل
اهمية الصلاة والطاعة وعدم الخوف من اى شئ
محبة الاخرين والصلاة من اجلهم
الصلاة قبل الاكل وعدم التسرع فى الكلام واحترام الاخرين


يدخل بولس الرسول
بولس : ازيكم يا اولادى انا بولس الرسول وانا زى ما انتوا عارفين كان اسمى فى الأول شاول الطرسوسى، وكنت بعذب وبقتل المسيحين لكن ربنا يسوع المسيح ظهر ليا وبقيت مسيحى وحلو خالص ودلوقت انا بروح اعرف الناس عن المسيح ،واروح بلاد كتير احكيلهم عن المسيحية وانا دلوقت رايح بلد انا وبرنابا الرسول اسمها لسترة عشان احكيلهم عن المسيح .

يخرج ويدخل بعض الاشخاص ويتحدثون مع بعض ويكون شخص جالس مشلول معاهم ثم يدخل بولس الرسول مع برنابا.

بولس : تعال يلا يا برنابا احنا دخلنا البلد اللى اسمها لسترة عشان نقولهم عن المسيح برنابا : يلا يا بولس تعال نتكلم معاهم.

بولس يتحدث للناس : يا جماعه احنا جايين نقولكم على الايمان الصح عشان تبقوا كويسين وترحوا السماء وده من خلال الايمان بربنا يسوع المسيح.

برنابا : شايف يا بولس الراجل اللى هناك ده شكله مشلول.

بولس : تعال يا برنابا نشوفه.

يقترب منه بولس .

بولس : متخافش قوم يلا على رجليك وامشى
يقوم الراجل ويفرح ويجرى ويتنطط.

الرجل المشلول : انا خفيت انا خفيت اشكركم.

احد الاشخاص : ايه ده ده الالهه بتاعتنا نزلت على شكل ناس وشفوا الراجل المشلول هيه هيه هيه هما دول الالهه الاله زفس وهرمس تعالوا يلا نذبح ليهم ونصلى ليهم.

بولس : لا احنا مش الهه يا عم احنا بشر زيكم وجايين نعرفكم بالاله الحقيقى اسمه يسوع المسيح.
ثم يحكى معهم بعض الوقت مع موسيقى
ثم يدخل بعض اليهود عليهم

احد اليهود: احنا يهود ازاى ده يعمل كدا ويتكلم على المصلوب لا تعال ناخده نرجمه يلا امسكوه.
يجروا بولس ويخرجو الجميع ويسمع صوت ضرب من الداخل ويقولون قد مات يلا بينا ثم يدخل بولس مع بعض اصحابه.

بولس : اشكركم يا اصحابى انكم معانا والناس افتكروا انى مت خلاص بس نشكر ربنا انه معانا ومش هيسيبنا.
ثم يخرج الجميع ويسمع صوت من الداخل وتمر سنين
يدخل بولس وبعض الناس والتلاميذ جالسين ويكون جالس شخص اسمه افتيخوس فوق كرسى ويكتب عليه طاقة عشان يعرفوا انه مكان عالى .

بولس : انتوا عارفين يا اخواتى ان احنا بشرنا فى بلاد كتير خالص ولازم نشكر ربنا يسوع المسيح ان ساعدنا وبيساعدنا دايما ولازم نقدم توبه دايما وشايفين احنا ادينا بنصلى ونتكلم كلام ربنا لحد الليل عشان كلام ربنا عمرنا مش نزهق منه ونحب نتكلم بيه.
ثم يقع افتيخوس من الطاقه اى الكرسى.

احد الاشخاص : الحقوا الحقوا افتيخوس وقع من الطاقه من فوق الحقوا و يجرى عليه الناس .

احد الاشخاص: ده مات خلاص ماات.

بولس الرسول : متخافوش ربنا معانا وهو عايش
مماتش تعالوا نصلى شويه وهيقوم علطلول
ثم يصلون وفجاه يقوم الراجل ويفرحون .

احد الاشخاص : اي ده شايفين ده افتيخوس قام اهو ايه ده نشكر ربنا نشكرربنا.

بولس : اشكروا الرب عشان هو معانا ودايما عمره ما يتركنا خالص عشان بيحبنا يلا بينا نصلى وناكل
ثم يخرج الجميع ويسمع صوت من الداخل وتعدى سنين وسنين ، ثم يدخل بعض الجنود ومعهم بولس وفي يديه حديد

احد الجنود: ادخل يلا السجن ادخل السجن ثم يخرج الجنود ويتحدث بولس للمخدومين بولس : عارفين انا فين يا اصحابى انا خلاص دلوقتى فى روما وقريب خالص هستشهد انا بشرت فى بلاد كتير وكتب اربعة عشر رساله وكمان انا مش خايف من حاجه عشان انا كتبت فى رساله لى اشتهاء ان انطلق واكون مع المسيح ذاك افضل جدا .
وانا اتعذبت كتير مرات اترجمت واتجلدت وضربونى بالعصايا بس ربنا يسوع المسيح كان معايا ويشفيني وطبعا كلنا لازم مش نخاف من اى حاجه ونروح الكنيسة ونصلى، ونحترم بيت ربنا ونتناول ونحترم بابا وماما فى البيت ومنزعلش حد مننا هسيبكم دلوقت يا اصحابى عشان انا فى السجن وهروح اصلى
ثم يخرج بولس يجهز المسرح دخول الملك نيرون و موسيقى معهم .

احد الجنود : جلالة الملك نيرون ملك روما
نيرون : انا الملك نيرون محدش يقدر عليا خالص وانا لازم اقتل كل المسيحين وانا حرقت البلد كلها اللى اسمها روما واتهمت المسيحين فيهم وانا لازم اتخلص من تلاميذ المسيح والرسل وكل الناس اللى بتتكلم على المسيح.

احد الوزراء : يا جلالة الملك احنا هنقتل كل المسيحين متخافش يا جلالة الملك.

نيرون : اقتلوهم كلهم كلهم ثم يخرج الجميع
ويدخل بولس ومعه جنود والسياف
احد الجنود : يلا تعالوا عشان نقطع راس بولس بالسيف ويذهب للسياف.
بولس: اشكرك يا رب عشان انا هبقى شهيد عشان بشرت لناس كتير باسمك وانا مبسوط عشان ناس كتير بقيت مسيحية وتعرفك واحنا كلنا مسيحين
ثم يضع راسه ويقطع راسه ويخرجوا ثم يدخلوا بطرس الرسول ومعه جنود.

احد الجنود : يلا امسكوا بطرس عشان الملك امر ان احنا نصلبه منكس الراس يعنى نخلى راسه من تحت ورجليه من فوق .
ثم يحضروا صليب ويضعوه على الارض ويضعوا بطرس عليه.

بطرس : اشكرك يارب عشان انت سمحت انى ابقى شهيد على اسمك وانا خفت الأول بس انت شجعتنى عشان اروح استشهد انا دلوقت خلاص رايح السماء ومش نخاف خالص.
ثم يخرج الجميع ويدخل بولس و بطرس بملابس بيضاء وملايكه تضع على راسهم اكاليل ويقولوا ذكصولوجية الرسل او ترنيمة عن الرسل وينتهى الاسكتش .
فى نهاية الاسكتش ونهاية
سفر اعمال الرسل نجد انفسنا اننا امام قصة كاملة للكنيسة الاولى فى عصر الرسل حيث بعد قيامة الرب يسوع له المجد قام التلاميذ بالبشارة فى انحاء العالم وهذا التبشير ادى إلى اعتناق الكثير من الوثنيين الى المسيحية وكذلك الكثير من اليهود واخر اصحاحات السفر نجد الاغلبية تتحدث عن ايمان شاول الطرسوسى وايمانه بالرب يسوع بعد الظهور له اثناء اقترابه من ابواب دمشق ومن ثم تغير اسمه الى القديس بولس الرسول المبشر العظيم والذى نجده ذاق عذابات كثيرة من اليهود وغيرهم من اجل ايمانه وتبشيره بالسيد المسيح من الجلد والضرب والرجم وغيرها من الوان العذابات .
والهدف من هذا السفر هو كيف تمت الكرازة بالرسل القديسين بعد صعود السيد المسيح وكل واحد منهم اخذ منطقة وذهب للتبشير لها وايضا فى النهاية نجد بولس الرسول يبشر بالرب يسوع فى روما والذى لم يذكر فى السفر هو استشهاد القديس بطرس والقديس بولس على يد الملك نيرون ملك روما فى ذلك الحين والذى احرق روما واتهم المسيحين بانهم هم الذين احرقوا المدينة وكان جنونيا ويعمل اشياء كثيرة لا داعى للذكر عنها .
نحن كمسيحين نؤمن بالرب يسوع ونعترف به وان هؤلاء الرسل العظام الذين بشرونا بالايمان المسيحى واستحقوا ملكوت السموات من اجل حبهم فى الرب يسوع ونخص بالذكر القديس العظيم مارمرقس الرسول كاروز الديار المصرية وعلينا ان نعرف قصص التلاميذ والرسل ومن خلال السفر نجد الكثير من المعجزات التى تمت على أيدى الرسل والتلاميذ نؤمن بكل ثقة انهم دائما يصلون من اجلنا لكى ما يذكرونا امام العرش الالهى بركة هؤلاء القديسين تكون معنا .

[Mary Naeem]

اسكتش مسلسل اعمال الرسل الحلقة السابعه والثامنة



الحلقة السابعة ايمان شاول الطرسوسى
الهدف من الاسكتش
1- معرفة المخدوم بأهمية الصلاة وعدم الخوف .

2- الايمان ان ربنا بيعمل كل الاشياء الصالحة لينا .

3- معرفة قصة بداية ايمان شاول ومعجزات بطرس الرسول .

يدخل شاول الرسول .


شاول : انا لازم اقتل كل اللى بيؤمنوا بيسوع الناصرى انا فاكر يوم ما رجموا اسطفانوس كنت واقف وحارس هدوم الناس اللى كانت بترجم وكنت موافق على قتله .
دلوقت انا لازم اجهز نفسى عشان اروح لرئيس الكهنه عشان يدينى رسالة واذن اروح بلد دمشق عشان اموت اللى بيؤمنوا بيسوع الناصرى .

ثم يخرج شاول .

يدخل شاول ورئيس الكهنه يجلس على كرسى .

رئيس الكهنه : تعال يا شاول عايز ايه .
شاول : انا يا رئيس كهنتنا عايزمنك رسايل للناس فى دمشق واصحابنا هناك عشان تقولهم يقفوا معايا ونروح نقتل اللى بيؤمنوا بالمسيح هناك وكمان نطردهم خالص من البلد وكمان لو لقيت حد فى الطريق اقبض عليهم واجيبهم اورشاليم عشان نحبسهم .
رئيس الكهنه : موافق يا شاول وكمان خد شويه جنود معاك عشان يساعدوك .

ثم يخرج ورقه ويكتب عليها ويعطيها لشاول .

شاول : شكرا خالص استاذن الخروج .
رئيس الكهنه : يلا بسرعه اعمل كل حاجه .

ثم يخرج الجميع .

يدخل شاول راكب حصان وبجواره بعض الجنود .

شاول : يلا بينا يا جنود قربنا نوصل دمشق بسرعه .

ثم فجأة يقع شاول من على الحصان ويصرخ ويرى نور شديد عليه .

شاول : اااه ا ه اااااااه ايه ده ايه ده .

ثم يسمع صوت يسوع المسيح ينادى عليه من الداخل .

يسوع المسيح : شاول شاول انت ليه بتضطهدنى .
شاول : انت مين يا سيد .
يسوع المسيح : انا يسوع اللى انت بتضطهده .
شاول : طيب يارب عايزنى اعمل ايه .
يسوع المسيح : روح ادخل المدينه وهتعرف هتعمل ايه .
ثم يصرخ شاول .
شاول : ايه ده انا مش شايف انا عميت خالص مش شايف .
تعالوا يا جنود خدونى للمدينه عشان انا مش شايف .

ثم ياخدوه ويخرج الجميع .

ثم يدخل حنانيا ويتحدث مع المخدومين عن نفسه .

حنانيا : ازيكم يا اصحابى انا اسمى حنانيا مؤمن بيسوع المسيح وتلميذ للتلاميذ الكبار فى دمشق وامبارح بالليل جانى الرب فى حلم وقالى يا حنانيا هيجيلك واحد اسمه شاول عايزك تحط ايدك على عنيه وهيشوف علطول وانا رايح دلوقت اسال عليه فى بيت واحد هناك
وانا اهو هدخل عنده .

يخرج حنانيا ويفتح الستار على شاول جالس ولا يرى ومنتظر حنانيا .

شاول : انا هعمل ايه دلوقت طيب انا مش شايف وشفت واحد اسمه حنانيا جه حط ايده على عنيا وشفت علطول وانا مستنى يجى .

يخبط الباب ويدخل حنانيا .

شاول : ادخل .
حنانيا :ازيك يا شاول انا اسمى حنانيا وبعتنى ليك يسوع المسيح عشان تفتح تانى وتشوف وتؤمن بيه وكمان تتعمد .
شاول : ايوه انا حلمت بيك صح .
يضع حنانيا يديه على عنيه ويبصر .
شاول : انا شايف شايف شايف يا حنانيا فى حاجات بتقع من عنيا عاملة زى القشر اشكرك يارب اشكرك يارب انت لازم تعمدنى يا حنانيا عشان ابقى مسيحى .
حنانيا : حاضر يا شاول يلا بينا عشان اعمدك .

ثم يخرج الجميع .

الحلقة الثامنة بطرس يشفى اينياس ويقيم طابيثا من الموت .

شفاء إينياس المقعد وإقامة طابيثا من الموت .

يدخل بعض الناس ويتحدثون وعلى جنب شخص مشلول اسمه اينياس ويدخل عليهم بطرس ثم يبدأ الحديث .

بطرس : سلام لكم يا اخواتى .
احد الاشخاص : سلام يا معلمنا بطرس .
بطرس : انا جيت اهو عندكم فى بلد اللى اسمها لدة عشان انتوا ناس كويسين وكمان عشان نصلى مع بعض ونبشر الناس اللى متعرفش ربنا .
احد الاشخاص : اكيد يا معلمنا بطرس احنا نؤمن ان يسوع المسيح هو ابن الله .
بطرس : ايه ده مين اللى هناك اللى قاعد على الارض ومش قادر يقوم .
احد الاشخاص : ده اسمه إينياس وليه ثمانية سنين مشلول ميقدرش يمشى خالص .
بطرس : انا لازم اصلى عشان ربنا يشفيه .

يرفع عنيه ثوانى للسماء وينادى عليه .

بطرس : يا إينياس يشفيك يسوع المسيح يلا قوم بسرعه .

يقوم اينياس بهدوء .

اينياس : اي ده انا بمشى انا بمشى اشكرك يارب انا مؤمن بيسوع المسيح اشكرك يارب .

ثم يخرج الجميع .

يدخل احد الاشخاص بلدة اسمها يافا .

احد التلاميذ : انا لازم اوصل بسرعه لمدينة لدة عشان دى قريبه علينا عشان اروح اشوف بطرس الرسول يجى عندنا اهوالبيت .

ثم يخبط على الباب .

يدخل بطرس الرسول .

بطرس : ايوه انا بطرس انت مين ؟
احد الاشخاص : انا يا معلمى بطرس من بلد اسمها يافا والتلاميذ هناك بعتونى ليك عشان تيجى تقعد عندنا شويه وتصلى معانا .
بطرس : حاضر يلا بينا .

يخرج الجميع .

ثم يدخل بعض السيدات تبكى ومعهم واحده نايمه اسمها طابيثا وبعض الملابس بجوارها
احد السيدات : يا عينى عليكى يا طابيثا كنتى بتعملى حاجات كتير كويسه وتساعدى كل الناس وانتى دلوقتى ميته خلاص وهندفنوكى بس مستنين معلمنا بطرس الرسول اهو جاى عشان يصلى .

ثم يدخل عليهم بطرس الرسول .

بطرس : مالكم فى ايه بس بتبكوا ليه ؟
احد السيدات : احنا يا معلمنا بطرس زعلانين على طابيثا خالص عشان ماتت وكانت كويسه خالص وبتخيط هدوم للناس الغلبانه .
بطرس: اممممم طيب ممكن كل اللى موجودين يخرجوا وسبونى انا وهى لوحدينا .

ثم يخرج الجميع ويصلى بطرس فى سره .

بطرس: يا طابيثا قومى .
تفتح طابيثا عنيها .
طابيثا : انا فين انا فين .
بطرس : قومى يا طابيثا قومى .

ينادى بطرس على الناس فى الخارج .

بطرس : تعالوا تعالوا يا جماعه طابيثا ربنا يسوع اقامها من الموت .

يدخل الجميع ويزغرطوا .

نؤمن بيسوع المسيح مؤمن بيسوع المسيح ويخرج الجميع ويقفل الستار .


حلقات الاسكتش هذه تدور على قصة ذهاب شاول الطرسوسى الى الكهنه ومطالبتهم لكى يعطوه رسائل الى الذين فى دمشق من اجل اعتقال المسيحين الذين هناك وتعذيبهم . واخراجهم من البلد ولكن الرب القدير لم يشأ هلاك شاول ولكن يعلم انه سيكون اناء مختار حيث ظهر له فى الطريق وقال له انا يسوع الذى تضطهده ومن هنا تغيرت حياة شاول الى بولس واخذوه وادخلوه الى دمشق لانه فقد البصر لمدة ايام وجاء اليه حنانيا ووضع يديه عليه فأبصر ومن ثم اعتمد ليصير بولس الرسول الكارز العظيم وبدأ التبشير فى البلاد وكثيرون من الناس الذين رأوه استغربوا لانهم كانوا يقولون اليس هذا شاول الذى كان يضطهد هذا الطريق ولكن ايمانه العظيم اصبح كارز للمسكونه بأسم الرب .
ويمكن اضافة اجزاء فى القصة على حسب امكانيات كل كنيسة والوقت المتاح من قصص فى
سفر اعمال الرسل نحن ذكرنا القليل والذى يوضع عمل الرب فى المؤمنين والمعجزات الكثيرة التى تمت بأسم السيد المسيح .
والقصة الثانية التى نجدها فى المسرحية هى قصة القديس بطرس الرسول وشفاء الرجل المقعد إينياس والذى بواسطته امن الكثير من اليهود وايضا معجزة اقامة طابيثا من الموت حيث ذهب بطرس الى يافا وهناك اخبروه عن طابيثا وكم من اعمال الرحمة كانت تفعلها والملابس التى كانت تغزلها من اجل الفقراء والمساكين وصلى بطرس واقام طابيثا من الموت بأسم ربنا يسوع المسيح ونحن فى نهاية الاسكتش على كل من المخدومين ان يعرفوا قيمة الصلاة والصوم وبواسطتها الرب يستجيب وان حياتنا لا تخلوا من الصوم والصلاة لانهم سلاح ضد محاربات الشياطين وعلى كل مخدوم ان يعرف معنى الصوم والاصوام الموجوده فى الكنيسة وسبب وجودها وان يأخذ تدريب بسيط للصلاة والصوم والرب قادر ان يعمل فى الكثير ببركة امنا القديسة العذراء مريم والرسل الاطهار .

[Mary Naeem]

اسكتش مسلسل اعمال الرسل الحلقة الخامسة والسادسة



اسكتش مسلسل اعمال الرسل الحلقة الخامسة اسطفانوس اول الشهداء
مقدمة الاسكتش

1- ان يعرف قصة القديس اسطفانوس رئيس الشمامسة اول الشهداء .
2- ان يتعلم الاطفال الاحترام.


3- ان يتعلم حفظ بعض ايات من الكتاب المقدس .

يدخل اسطفانوس .

اسطفانوس : ياااه الواحد النهارده كان عنده خدمة كتير ناس فقيرة كتير كانت محتاجه اكل واولاد صغيرين مش لاقين اى حاجه يكلوها بس ربنا بعت لينا حاجات حلوه ورحت عطيتهم منها فلازم نشكر ربنا اكيد على كل حاجه حلوه وطبعا يا اولادى بطرس الرسول كان مجتمع مع التلاميذ واختاروا سبعة شمامسة عشان يخدموا الناس المحتاجه وانا منهم فلازم اخدم اى حد محتاج وكلنا يا اولادى لازم نساعد المحتاج ومش نتخانق مع بعض وكمان نحط عطاء فى الكنيسة عشان نتعلم نعطى ربنا ويبارك فى كل حاجه لينا .

يخبط الباب ويرد اسطفانوس .

اسطفانوس : ياترى مين بيخبط على الباب ؟

يذهب ليفتح الباب ويدخل عدد من الخدام ويمسكه بسرعه .

الخادم : تعال معانا بسرعه اوعى تتكلم عايزينك عاملين مجمع وعايزين تعال هاتوه . اسطفانوس : انتوا مين ؟
الخادم : تعال هاتوه ورايا .

يدخل كبار شيوخ ورئيس الكهنه ويجلسون ويدخل معهم اسطفانوس

احد الخدام : انا سمعت اسطفانوس بيتكلم كلام غلط على موسى النبى وحاجات كتير مش صح فلازم نشوف الموضوع ده وبيقول ان يسوع الناصرى اللى اتصلب هيغير حاجات كتير فى الشريعه .
رئيس الكهنه : اى رايك يا اسطفانوس فى الكلام ده .
اسطفانوس : ممكن تسمعونى ايها الاباء والاخوه الله ظهر لابونا ابراهيم وقاله سيب ارضك وعشيرتك وتعال فى المكان اللى هقولك عليه .

يبدأ اسطفانوس يشرح ليهم بدون كلام مع تشغيل موسيقى وبعد دقيقة .

اسطفانوس: انتوا دايما مش بتسمعوا الكلام والأنبياء قتلتموهم اللى تنبأوا بمجئ المسيح اللى انتوا صلبتموه وقتلتموه يظهر علامة الغضب على الكهنه والخدام .
رئيس الكهنه: خدوه بره المدينه يلا طلعوه بره البلد خالص وارجموه بسرعه .

يخرج الجميع ويفتح الستار على اسطفانوس والناس جاهزه للرجم ممكن ورق شكاير اسمنت على هئية حجارة ويبداوا بالرجم .

اسطفانوس : ايها الرب يسوع اقبل روحى ثم يصرخ يارب لا تقم لهم هذه الخطية.

ثم يقع على الارض .

احد الخدام: هيا بنا لقد مات .

ويخرج الجميع .

الحلقة السادسه من اسكتش مسلسل اعمال الرسل .

الحلقة السادسة قصة فيلبس الرسول وعماد الخصى الحبشى .

يدخل فيلبس الرسول ويحكى مع المخدومين كمقدمة عن نفسه .

فيلبس: انا اسمى فيلبس يا اولادى وانا من السبعه الشمامسه اللى الرسل اختارونا ومنهم بردو اسطفانوس اللى استشهد ورجموه وانا كنت ببشر فى بلاد كتير خالص واماكن كتير وعملت معجزات كتير باسم ربنا يسوع المسيح وكمان فى واحد اسمه سيمون كان ساحر وكان بيعمل حاجات غلط كتير انا شاف المعجزات امن واعتمد وكان بيمشى معانا وانا من شويه كنت نايم وظهرلى ملاك قالى روح عند طريق كدا عن حتة اسمها برية قريبه على اورشاليم وانا دلوقت رايح همشى بسرعه .

ثم يخرج فيلبس يدخل مرة تانى فيلبس ويكون جالس فى مركبة رجل حبشى الخصى وزير لكنداكة ملكة الحبشة .

فيلبس : يااه ده فى مركبة بعيده هناك اما اروح اركبها واقعد فيها .

يمسك الخصى الحبشى ورق ويقرأ فيه التوارة ويسمعه فيلبس .

فيلبس : انت فاهم الكلام ده يا اخى ؟
الخصى : ازاى مش عارف محدش فهمنى الكلام ده تعال اقعد جنبى فى المركبة .

يذهب ليجلس معه .

فيلبس : هل ممكن تقرا تانى ؟
الخصى الحبشة: من سفر اشعياء النبى مثل شاه سيق إلى الذبح ومثل خروف صامت .

يكمل قراءة صامتة مع موسيقى فى ثوانى .

الخصى الحبشى : ممكن لو سمحت تقولى هو النبى هنا بيتكلم على مين على نفسه ولا حد تانى ؟ ياريت تعرفنى عشان محتاج اعرف الاشياء دى .
فيلبس : انا هقولك وهفهمك ده بيتكلم على يسوع المسيح المصلوب هاحكيلك الحكايه .

ثم يبدأ يحكى وموسيقى فى دقيقة .

الخصى الحبشى : ايوه فهمت انا عرفت وامنت دلوقت ان يسوع المسيح جه عشان يفدينا. شوف فيه مياه هل ينفع اتعمد ؟
فيلبس: ان كنت تؤمن ينفع تتعمد .
الخصى : ايوه اكيد اؤمن ان يسوع المسيح هو ابن الله .

ثم يقف ويعمد الخصى ويخرج فيلبس بسرعه .

الخصى : ايه ده هو راح فين ؟ اختقى بسرعه .
اكيد ربنا بعته عشان يعرفنى بيه واتعمد اشكرك يارب عشان كدا يا اولادى لازم نخلى بالنا كويس ان ربنا بيعمل حاجات حلوه كتير خالص لينا وممكن كمان منعرفش بيها غير بعدين عشان كدا لازم دايما نصلى ونقول يارب تكن مشيئتك ونشكرك يارب .

ثم يخرج ويقفل الستار.



نحن فى بداية الاسكتش ذكرنا فى هذه الحلقة قصة الشهيد اسطفانوس بطريقة مبسطة من حيث حديثة وطريقة استشهاده .
حيث رأينا ان هذا القديس من الشمامسة السبعة الذين اختارهم التلاميذ الاطهار من اجل مساعدة الارامل والايتام والتبشير.
حيث كان القديس يصنع عجايب ومعجزات ومن ناحية اخرى حقد عليه الكثير من اليهود واجتمعوا ليسألوه ويتناقشوا معه على مع حدث وبدأ القديس يحكى لهم من بداية خروج ابينا ابراهيم ابو الاباء الى قصص الانبياء واضطهادهم ليعرفوا ماذا فعلوا .
وايضا اعترف امامهم بأن المسيح هو من تم صلبه امامهم وقام من الاموات فى اليوم الثالث وعندما سمعوا هذا الكملة حقدوا عليه وحنقوا عليه وصروا بأسنانهم وجروه واخرجوه للخارج وقاموا برجمهم وقد رأى السماء مفتوحة وطلب المغفرة لهم ويعتبر هو اول الشهداء ورئيس الشمامسة ويمكن تبسيط قصة الاسكتش بطريقة سهله يسهل على المخدومين توصيل الفكرة لهم ويمكن قراءة الاصحاحات لمعرفة قصة القديس ويمكن اضافتها للاسكتش على حسب الوقت المتاح .
ومن ناحية اخرى قصة فيلبس الرسول والخصى الحبشى الذى كان يقرأ فى سفر اشعياء وعندما ركب فليبس الرسول معه المركبة بدأ يشرح له ما كان يقرأ ويدل على انه هو المسيح الذى كان يتنبأ عن النبى وبدأ يشرح له قصة الخلاص وفى نهاية القصة اراد الخصى العماد وقام القديس بتعميده ثم اختفى عنه ووجد نفسه فى اشدود .
ويمكن شرح القصة وتمثيلها بطريقة حلوه وعمل مياه من الكرتون والورق الازرق او الملايات ذات اللون الازرق لسهولة الشرح ومعرفة لقصة وانجذاب الاطفال لهم وفى نهاية القصتين نجد ان الرب يعمل فى اولاده ويجعلهم طريق للاخرين للوصول للايمان والعماد وان يعرف المخدوم اهمية الايمان والصلاة ومحبة الاخرين والمغفرة لهم وعدم الغضب بطريقة تؤثر على حياتنا والرب قادر ان يغير فى الجميع .

[Mary Naeem]

اسكتش مسلسل اعمال الرسل الثالثة والرابعة




الحلقة الثالثه والرابعه من اسكتش اعمال الرسل




الحلقة الثالثة قصة حنانيا وسفيرا
اهداف الاسكتش
- طريقة مبسطة لمراحل ابتدائى ممكن العرض للاطفال فقرة افتتاحية .

- معرفة سفر اعمال الرسل وحكايات حلوه ويتعلموا فضيلة جديدة .

- نقول الصدق مهما كانت الظروف ولا نكذب .

- لا نخاف مهما قابلنا صعوبات لأن الرب معنا دائما .



الحلقة الرابعه امام رؤساء الكهنه

بداية الحلقة فى قصة التلاميذ امام رؤساء الكهنه والشيوخ

يدخل حنانيا وينادى على سفيرا .
حنانيا : يا سفيرا يا سفيرا جهزتى الاكل ولسه لسه جعان .
سفيرا : ايوه يا حنانيا تعال يلا بينا ناكل .

تدخل سفيرا ومعها طبق وعيش ويأكلوا .

سفيرا : ايه رايك يا حنانيا فى اللى بيعملوه الرسل دول ؟
حنانيا: ناس كتير يا سفيرا بتأمن بالمسيح وتبيع فلوسها وارضها عشان غيرهم ياكلوا منها.
سفيرا : طيب وانت اي رايك هل نعمل زيهم ؟
حنانيا : انا كنت بفكر فى كدا بس عندى خطة حلوه خالص .
سفيرا : ايه يا حنانيا ؟
حنانيا : تعالى نبيع الارض اللى عندنا ونخبى شوية فلوس ونروح لبطرس والرسل ونقولهم احنا اهو بعنا الحاجات اللى عندنا عشانكم وادى فلوسها اى رايك ؟
سفيرا : اممممم فكره حلوه ونحط الفلوس تحت رجلين الرسل ونعمل زى الناس اننا بعنا كل حاجه ومحدش هيعرف اننا اخدنا فلوس منهم .
حنانيا : صح انا هروح اجهز الحاجات وبعدين تعالى ورايا عن الرسل ونشوف هيقولوا ايه اهم حاجه ميعرفوش حاجه عن الموضوع ده .

يخرج حنانيا وسفيرا .

يدخل بطرس وهو جالس على كرسى وجنبه بعض من تلاميذ ويدخل عليه حنانيا .

بطرس : تعال يا حنانيا عايز ايه ؟
حنانيا : ايوه يا معلمى بطرس احنا بعنا الارض اللى عندنا وادى فلوسها كلها اهو عشان تعرف اننا ناس كويسه .
بطرس: ليه يا حنانيا تعمل كدا ؟ الشيطان يضحك عليك انت مش كذبت عليا انت كذبت على الروح القدس اللى هو روح الله انت فاكر عشان اخدت منهم ربنا مش شايفك ولا ايه مش الحاجات دى بتاعتك و لا ايه انت مش كذبت على الناس انت كدا بتكذب على الله.

يقع حنانيا على الارض ويموت .

احد التلاميذ : الحق يا بطرس ده مات .
بطرس: هو كذب على الله وده يا اصحابى غلط مينفعش نكدب على بعض عشان ربنا شايفنا ولازم نتعلم نقول الصدق مهما حصل عشان الكذب حاجه وحشه خالص خلاص شيلوه وروحوا ادفنوه .

يرفع التلاميذ حنانيا ويخرجوا ويدخلوا مره تانى .

احد التلاميذ : يا بطرس سفيرا زوجة حنانيا عايزه تدخل تقولك حاجه ؟

بطرس خليها تدخل نشوفها محتاجه ايه .

تدخل سفيرا على بطرس وتبدأ بالحديث .

سفيرا : سلام يا معلمى بطرس
بطرس : سلام يا سفيرا خير فى حاجه ؟
سفيرا : امممممم .
بطرس : قوليلى يا سفيرا انتوا بالفلوس دى كلها بعتوا الحقل ؟
سفيرا: ايوه يا سيدي صح انا وزوجى بنفس الفلوس دى .
بطرس: ليه يا سفيرا تتفقوا مع بعض انتى وزوجك على ربنا وتضحكوا عليه وتكذبوا على الله ؟ الناس اللى شالت زوجك هتشيلك دلوقتى زيه .
سفيرا: ايه حنانيا مات لالالا .

تقع سفيرا ثم يقترب منها احد التلاميذ ليرى ما حدث لها .

احد التلاميذ : يا سيدى بطرس دى ماتت .
بطرس : الله اراد بكدا عشان الناس تعرف ان الكذب حاجه وحشه ولازم الناس تعرف كدا خلاص طلعوها وادفنوها .

ويحملوها للخارج ويخرج الجميع .

يدخل حنان رئيس الكهنه ومعه بعض الكهنه والجنود

حنانيا : هنعمل ايه بقى دلوقت فى تلاميذ يسوع دول ؟
احد الكهنه : لازم يا سيدنا حنان نشوف حل .
حنان : ابعت احد الجنود يروح يقبض عليهم كلهم واحبسوهم فى السجن .
احد الكهنه : حاضر يا جنود يلا بينا .

يخرج الجميع ويدخل الرسل مربوطه ايديهم وجندى يدخلهم السجن .

احد الجنود: ادخلوا يلا ادخلوا السجن .

يدخل التلاميذ السجن ويصلوا فى سرهم

بطرس : يلا نصلى يا اخواتى عشان ربنا يساعدنا .

يصلى التلاميذ وفجاه يظهر ليهم ملاك ويشاور على الباب

الملاك : يلا يا بطرس انت والتلاميذ اطلعوا من السجن وروحوا كلموا الناس تانى بكلام ربنا متخافوش من اى حاجه يلا اخرجوا .

يخرج الملاك .

بطرس : يلا يا اخواتى تعالوا نطلع بسرعه بسرعه .

ويخرج الجميع .

يدخل حنانيا رئيس الكهنه واحد الخدام .


حنان: روح هات التلاميذ من السجن .

يخرج الخادم ويدخل بسرعه .

الخادم: يا سيدى حنان الحق ملقناش حد فى السجن خالص .
حنان: ازاى ازاى ؟
الخادم: صح بصينا وملقناش حد وفتحنا الابواب كلها لقينها مقفوله والحراس واقفين وملقناش حد خالص .

يدخل احد الخدام بسرعه عليهم .

الخادم الثانى : الحق يا سيدى حنان الحق .
حنان: ايه فى ايه ؟
الخادم الثانى : تلاميذ يسوع اللى حبستوهم امبارح لقيناهم فى الهيكل بيعلموا الناس نعمل ايه معاهم عشان هما دلوقتى قاعدين فى الهيكل بيوعظوا الناس .
حنان : اممم روحوا امسكوهم وهاتوهم بس بالراحه عشان منعملش هيصة عليهم .

يخرج الجميع ويدخل حنان ويجلس ومعه بعض الكهنه .

حنان رئيس الكهنه: ادخلوا تلاميذ يسوع اما نشوفهم .
احد الخدام: حاضر يا سيدى حنان .

يدخل التلاميذ ومربوطين بايديهم .

حنان : احنا مش قولنا متتكلموش تانى بالكلام ده مينفعش كدا والا هنعمل حاجات كتير فيكم هتسمعوا كلامنا لازم عشان مش نغضب عليكم .
بطرس: ينبغى ان يطاع الله اكثر من الناس احنا هنقعد نبشر الناس بالرب يسوع ده اللى قتلتوه وصلبتوه قام من الاموات واحنا بنسمع كلام ربنا وهنقول للناس كلها .

حنان يغضب عليهم ويتشاور فى سرهم مع الكهنه .

حنان : اممم بقى كدا يا حراس .
احد الحراس : امرك يا سيدى حنان .
حنان : خد تلاميذ يسوع دول واجلدوهم عشان يحرموا يتكلموا تانى سامع .
الحارس: حاضر يلا اخرجوا .

يخرج الجميع ويسمع صوت من الداخل جلد .

احد الحراس : يلا اخرجوهم بره .

ثم يخرج الجميع وبعد ذلك يقفل الستار .

نهاية الاسكتش يتعرف المخدومين عن قصة التلاميذ وخطورة الكذب وعلينا ان تعلم ان نقول الصدق مهما كلفنا الامر لان الله لا يحب الكذب .
وحيث ان التلاميذ امام رؤساء الكهنه نتعلم ان نشهد للمسيح فى حياتنا من خلال الاحترام وعدم الشتيمة والصلاة وان نحترم الكبير وان نحترم الكنيسة والتى هى بيت الله .

قصتنا فى هذا اليوم هى قصة حنانيا وسفيرا ونجد انهم بالرغم ان المال كان فى ايديهم لكن استغلوا الكذب كوسيلة لمطامعهم ولكن وجود الكذب فى حياتنا مهما كانت لدينا اموال او مناصب سوف نخسر الحياة الابدية .
بسبب هذا الكذب علينا ان نلاحظ كل كلمة تخرج من افواهنا ولا نستغل الفرصة لنكذب حتى لو كان الكذب سوف ينجينا من مواقف صعبة علينا ان نقول دائما الصدق .
وكلمة صدقنى علينا ان تخرج من داخلنا بدون تردد وكل طفل يخرج من الكنيسة بعد هذا الاسكتش والمسرحية ان يجعل فى داخله ان يكون الصدق هو اساس كل شئ وان نهاية الكذب قد تكون نهاية غير موفقة فنحن يجب علينا ان نتعلم الكلام بدون مراوغة ولا مماطلة وبدون الكذب فى كل المواقف حياتنا الروحية اهم من اى شئ .
- القصة الاخرى هى قصة وقوف التلاميذ امام رؤساء الكهنة والتى نستفاد منها من خلال الثقة فى الرب والايمان بوجوده معنا فى جميع حياتنا وعدم الشك ولا نخاف مهما كانت ظروف الحياة صعبة الرب يسوع قادر ان ينجى وهنا نجد ان الهنا ارسل الملاك واخرج التلاميذ ليلا واستمروا بالتبشير بالرغم من الإهانات والعذابات قدموا حياتهم ذبيحة حية للرب يسوع بركة الاباء القديسين تكون معنا امين .

[Mary Naeem]

مسلسل اسكتش اعمال الرسل

قصص الرسل فى سفر اعمال الرسل
تقسيمات الاسكتش
قصص التلاميذ والفضائل والمعجزات .

- اهداف الاسكتش معرفة المخدومين بقصص
اعمال الرسل والاباء القديسين .

- اكتساب الفضائل والبعد عن الخطايا مثل الكذب فى قصة حنانيا سفيرا .

الحلقة الأولى الخاصة بالاسكتش .

بطرس والتلاميذ وحلول الروح القدس واختيار متياس واعتماد ثلاث الاف .

اسكتش
سفر اعمال الرسل الحلقة الثانية .

الحلقة الثانية بطرس ويوحنا يشفوا الاعرج .

- ادماج المخدوم فى القصة وعمل اسئلة خاصة بكل اسكتش لمعرفة مدى الاستفادة .

مناسب لمراحل ابتدائى ممكن تمثلوه وتعرضوه فقرة افتتاحية فى الصوم لمدارس الاحد او اونلاين ويعرفوا بداية الكنيسة وبشارة التلاميذ والرسل .


يدخل بطرس الرسول والتلاميذ والقديسة العذراء مريم .

يبدأوا صلاة فى سرهم ويتحدث بطرس .

بطرس : يااه النهارده كان يوم حلوه خالص بعد صعود السيد المسيح احنا ادينا فى العلية كلنا التلاميذ وكمان ام ربنا يسوع المسيح واحنا لازم نعمل حاجه مهمة .
يوحنا الرسول : نعمل اى يا بطرس ؟
بطرس: لازم نختار واحد مكان يهوذا اللى كان معانا ويكون من اول ما السيد المسيح اتعمد لحد ما صعد عشان ييشر الناس بكل حاجه وطبعا عارفين يهوذا خنق نفسه ومكتوب فى سفر المزامير ليأخذ وظيفته اخر.
وطبعا احنا لازم نختار تلميذ عشان يتحسب معانا ويبقى من الاثني عشر تلميذ .

يمسك يوحنا اثنين من العصا صغيرين للقاعة .

يوحنا : بس يا بطرس احنا هنكتب اسمين كل عصايا هنكتب عليها اسم ونعمل قرعة .
بطرس: ومين هما يا يوحنا اللى هنكتب اسمهم ؟
يوحنا : نكتب اسم يوسف الملقب يوستس ومتياس ونعمل قرعه .
بطرس موافق يلا نلخبطهم ونرميهم لفوق ونصلى ربنا يختار اللى هيمسك المسؤلية دى .

يرمى العصا فى الارض ويختار واحده منهم .

بطرس : ربنا اختار يا اخوتى متياس عشان يبقى من الاثنى عشر تلميذ .

يدخل متياس الرسول اليهم .

بطرس: مبروك يا متياس انت بقيت من الاثنى عشر تلميذ عشان انت شفت السيد المسيح وعشت معانا من اول ما اتعمد لحد ما صعد للسماء وهتكون شاهد للناس كلها بكدا .
متياس : شكرا خالص يا بطرس انا بحب ربنا خالص وهبقى مطيع كتير.

يوجه كلامه للاطفال

واحنا لازم يا اصحابى نسمع الكلام دايما سواء فى البيت وماما وبابا وفى الكنيسة ومش نعمل هيصة عشان ربنا بيبقى موجود وشايفنا
يلا يا بطرس نخرج دلوقت عشان نشوف الخدمة اللى هنعملها .

ويخرج الجميع .

يسمع صوت من الداخل وتمر ايام قليله .

يدخل بطرس الرسول والتلاميذ .

بطرس : عارفين يا اخواتى النهارده يوم الخمسين اللى هو يوم الحصاد ده .
واليوم ده اليهود بيجوا من كل مكان فى العالم وناس كتير بردو بتيجى غير اليهود عشان اللى بيصلى واللى بيشترى وحاجات كتير .
يوحنا : ياه ده الساعه تسعه الصبح دلوقت يا بطرس ياترى هيحصل ايه ؟

يسمع صوت هبوب رياح ويقوم بعمل ورق على شكل لسان من النار ووضعه فوق رؤوسهم او وسيلة بسيطة .

بطرس : ايه ده يا يوحنا ؟ شايف هواء شديد خالص وزعابير كتير بص بص كدا شايف السنه من نار فوق راس كل واحد .

يدخل بعض الناس الغريبة بملابس غريبة عن بعض .

احد الاشخاص : اي ده ؟ شايف شايف الناس اللى هناك دى تعال نشوفهم بيعملوا اى.
احد الاشخاص : ايه ده ؟ ده بيتكلموا عربى نفس اللغة اللى اتولدت بيها .
احد الاشخاص: ايه ده ؟ بسمعهم بيتكلموا يونانى .
احد الاشخاص : وانا بسمعهم بلغتى بردو .
احد الاشخاص : وانا كمان الناس دى سكرانه ولا اى ههههههه .

يقف بطرس الرسل وينادى .

بطرس : يا حبايبى احنا مش سكرانين زى ما انتوا فاكرين عشان دلوقت احنا فى الصبح بس زمان نبى اسمه يوئيل اتنبأ وقال ان ربنا هيخلى روحه على ناس كتير وناس كتير هتقدر تصلى وتعمل معجزات وحجات حلوه خالص وعايز اقولك حاجه تانى .
احد الاشخاص: ايه ممكن تعرفنا ؟
بطرس : يسوع الناصرى اللى انتوا صلبتموه وقتلتموه ده كان بيعمل معجزات وهو قام من الاموات وكمان صعد للسماء واحنا شوفناه عشان هو المسيح وانتوا مكنتوش مصدقين .
احد الاشخاص : طيب نعمل ايه دلوقت ؟
بطرس : لازم يا حبايبى نتوب ونعمل اعمال حلوه وننسى االى فات ونبقى ناس جديدة وكمان لازم تتعمدوا ونبدا صفحة جديدة .
احد الاشخاص : ياااه احنا لازم نعمل كدا صح ونبقى ناس كويسه ونتوب ومنعملش حاجه وحشه تانى ونتعمد يلا بينا يا بطرس عايزين نتعمد كلنا والناس اللى بره كتير بردو عايزه تتعمد وترجع لربنا وتعمل اعمال صالحة .

بطرس يلا بينا ويخرج الجميع .

يدخل بطرس لوحده .

بطرس يحدث الأطفال .

بطرس: ياااه يا اصحابى النهارده كان يوم حلو خالص عشان احنا عمدنا ثلاث الاف شخص وبقوا مسيحين وبقينا نصلى مع بعض وناكل اكل بسيط ونبقى فرحانين ونصوم ونعمل حاجات حلوه .
انتوا كمان لازم نحترم الكنيسة ومش نشتم ولا نكدب ونحترم بيت ربنا ونقف كويس فى طابور التناول ومنعملش هيصه عشان ربنا بيبقى موجود معانا .

يخرج بطرس الى الخارج .

يدخل بطرس ويوحنا وجنبهم راجل مشلول نايم .

بطرس: يلا يا يوحنا عشان نروح نصلى فى الهيكل .
يوحنا: ايوه اهو انا جاى يلا بينا شايف يا بطرس الراجل ده مشلول من ساعة ما اتولد يا ترى هيعمل ايه دلوقت ؟

بطرس يمشى ويصل عند الراجل المشلول وينظر اليهم .

بطرس: على فكرة احنا مش معانا فلوس خالص بس معانا حاجه حلوه هنديها ليك.
الراجل المشلول.: امممم ياترى ايه ؟
بطرس: باسم يسوع المسيح يلا قوم وامشى .

يقوم الراجل وهو فرحان هيه هيه هيه هيه انا بمشى هيه

يدخل بعض الناس عليهم

احد الاشخاص: ايه ده شايفين الراجل المشلول اتشفى ازاى .
بطرس: يا اخواتى مش انا اللى شفتيه ده باسم يسوع الناصرى اللى انتوا صلبتوه وقتلتموه وقام من الاموات وعشان الايمان باسمه الراجل ده خف وبقى يمشى كويس .
فلازم نتوب ونعمل اعمال كويسه ونؤمن ان اللى قام من الاموات هو المسيح اللى كنتوا مستنينه ومنتظرين انه يجى ويخلص اسرائيل .

وهو يتكلم يدخل كاهن من اليهود بلبس كاهن ومعه اثنين من الجنود

الكاهن: ايه ده ؟ كفايه امسكوهم واقبضوا عليهم وتعالوا نحطوهم فى السجن عشان يبطلوا يتكلموا كل شويه بكدا مش هينفع الناس دى تتكلم كدا خالص .

ويخرج الجميع .

نضع تربيزة ويجلس حنان رئيس الكهنه وكم كاهن اخر وكم جندى ويتحدثون فى سرهم ثوانى وينادى رئيس الكهنه .

رئيس الكهنه : انا حنان رئيس الكهنه لازم اخلى الناس دى تبطل ما تتكلمش تانى باسم يسوع الناصرى ولازم اعلمهم ان ده غلط مينفعش يتكلموا كدا تانى .
يلا هاتوهم من السجن بسرعه .

يخرج احد الحراس ويدخل معه بطرس ويوحنا .

رئيس الكهنه: مينفعش دلوقت الكلام ده لحد دلوقت .
يجى خمس الاف واحد تبعهم واحنا لازم نخليهم يبطلوا يتكلموا باسم يسوع ده .
رئيس الكهنه: انتوا ازاى عملتوا كدا وبأى اسم وقوة قولولى يلا بسرعه ازاى ؟
بطرس : عارفين يا شيوخ اسرائيل احنا عملنا خير والراجل المشلول قام وبقى يمشى بس ده مش بنفسنا عملنا كدا ده باسم يسوع الناصرى الللى انتوا صلبتموه وقتلتموه ده قام من الاموات وباسمه الراجل المشلول مشى .

يتحدث رئيس الكهنه مع احد الكهنه قيافا الجالسين .

رئيس : اخرجوهم بره يا حراس .

يخرج بطرس ويوحنا ويتحدث رئيس الكهنه .

رئيس الكهنه: انا مش عارف ازاى دول مش بيعرفوا يقروا ولا يكتبوا ازاى يتكلموا كدا بس احنا شفنا الراجل المشلول قام وبقى يمشى .
يا ترى نعمل ايه مع الناس دى يا قيافا ؟
قيافا : احنا منخليهمش يتكلموا تانى باسم يسوع ده .
حنان : ايوه صح دخلوهم يلا تانى .

يدخل بطرس ويوحنا .

حنان : انتوا بلاش تتكلموا باسم يسوع ده تانى سامعين ولالا .
بطرس: احنا بنسمع كلام الله وزى ما يقول لينا بنتكلم عشان احنا بنتكلم زى ما شوفنا وسمعنا والمشلول ده ليه اربعين سنه وانتوا شفتوه خف طبعا وبقى كويس .
حنان : يلا طلعوهم بره يلا امشوا .

يخرج الجميع ويدخل بطرس ويوحنا والتلاميذ .

يصلوا فى سرهم ويتحدث بطرس .

بطرس : يارب ساعدنا نتكلم بكلامك ونعمل معجزات باسمك وكمان منخافش من حد ولا التهديد اللى بيقولوا لينا ساعدنا يارب .

يتزعزع المكان

يوحنا شايف يا بطرس المكان اتهز ازاى احنا لازم نسمع كلام ربنا علطلول ومنعملش اى حاجه غلط عشان ربنا يساعدنا ويقف معانا يلا بينا .



يخرج الجميع وتنتهى الحلقة .


- كانت بداية الاسكتش هو بداية
سفر اعمال الرسل بعد صعود ربنا يسوع المسيح وحلول الروح القدس على التلاميذ واعتماد الالاف فى هذا اليوم والتبشير وعظة القديس بطرس التى ضمت للكنيسة انفس كثيرة .
من هذا علي كل مخدوم ان يعرف ان الرب يسوع حاضر معنا دايما فى الكنيسة وموجود فى القداس وعلينا ان نحترم الكنيسة لانها بيت الرب لان الرب يسوع بيكون وسطنا مع الملائكة والقديسين .
علينا ان نعرف قوة حلول الروح القدس من خلال عظة القديس بطرس حيث كان شجاع وفى عظة واحدة انضم للكنيسة عدد كثير وهذا يدل ان الرب بيعمل بقوة فى التلاميذ من اجل البشارة .
- ونجد فى القصة الاخرى وهى شفاء الاعرج والذى كان عند هيكل الجميل وبالرغم من ذلك لم يؤمن اليهود ويعترفوا بالرب يسوع وارادوا من التلاميذ ان لا يذكروا اسم الرب يسوع فى اى مكان ولكن الرب كان معهم واستمروا فى البشارة وعمل المعجزات باسم الهنا يسوع المسيح .
ويتعلم المخدوم فى هذه القصة ان الايمان شئ مهم جدا فى حياتنا ونعلم ان كل الاشياء تعمل للخير مهما لاقينا الكثير من المتاعب نجد الراحة والرب يعطينا القوة ولا ننسى الصلاة من اجل المحتاجين والمرضى لكى يتمجد الرب ويشفيهم .

[Mary Naeem]

من ضيق مر وقاسي طلعني وتوج راسي

من ضيق مر وقاسي طلعني وتوج راسي
الي رحب لا حصر فيه أخرجني وصار لي خلاصي
بيتي على الصخر مأسس قلبي الشرير إتقدس
ويهوه هو يخلص صخر الدهور أساسي
ياللي العالم شاغلكم ومضيع كل أوقاتكم
دا باطل كل تعبكم انا قبلك كنت بأقاسي
زي العبد العبراني جايلك تثقب لي أذاني
هأعيش للي إشتراني وحمل عني قصاصي
دا لحفلة عرسه دعاني ثوب العرس كساني
أشبعني يا ناس ورواني وضمن في السما ميراثي

[Mary Naeem]

من غير حدود حبيتني تحت جناحك خبيتني


بدماك الغالية فديتني ولقيت الحب معاك
ليك أشكي كل همومي وكل متاعب يومي
وتسافر كل غيومي وألاقي الراحة معاك
في كنيستك قلبي ارتاح وإيديك داوت الجراح
في زرعت الأفراح ولقيت البركة معاك
أنا قلبي في حبك عاش وكتير دور مالقاش
أبداً يا يسوع مانساش كل آلامك وفداك

[Mary Naeem]

من غير ما نطلب تيجي تطلي على أرضنا



نتجمع حواليكي نقرب من بعضنا
نورك يملا المكان يروي قلب عطشان
للحظة صدق يعيشها مع نفسه مع ربنا
دايماً معاكى رسالة تقوينا فى ضعفنا
وتثبت إيماننا وحبنا لربنا
يا بتول ظهورك لينا بيفرح قلبنا
وصلاتك تحمينا يا عدرا يا أمنا

[Mary Naeem]

من غير مقابل حبك غمرني



من غير مقابل حبك غمرني وبدون شروط ضحيت لأجلي
وضعت نفسك وصرت لعنة ومحيت بذلك مقاسي ذلي
علمني أحبك أكتر يا غالي علمني أقل وتبقى إنت يارب عالي
أدوب في حسنك وأكون كغصنك يا كرمة باشوف فيها جمالي
قاسي أنا وقلبي عاصي في بعدي عنك كتير باقاسي
ده حبك جميل ياربي جميل بذلت نفسك وشربت كاسي
حبك ده فرحة لقلبي وحياتي حاميني فيك يا مرسى لنجاتي
إنت طريقي خبزي الحقيقي إنت نوري وصخرة ثباتي