19 - 09 - 2024, 08:32 PM
|
|
|
|
..::| الإدارة العامة |::..
|
|
|
|
|
|
من أكتر الخدع اللي بيتعرض ليها الإنسان
اللي أختار إنه يمشي في طريق الله ومعاه هي👇
"مش إنه يسيب طريق الله لكن يوقف ويرتاح في المطبات اللي بتقابله".
واخدين بالكم من الكلام؟🙄
الخدعة بتقول ماتسيبش الطريق
، إنت بس محتاج ترتاح شوية.
ماهو لو الخدعة قالتلك بشكل صريح سيب الطريق
هترفض وهتقاوم بشدة لأن الهدف اتكشف وبقى واضح
(كلام الخدعة لازم يبقي ناعم)
▪️كمان كلام الخدعة عاوزك تبقى شايف الخطر
لكن مش مميز إنه خطر (يعني شايف لكن بدون بصيرة)
لو اشتريت الأفكار دي ايه اللي بيحصل بعد كده؟
ببطل أشوف وباعيش كأني شايف!!
بطلت أكون (رائي) للحق والنور وبحيا.(كمُرائي)
مهتم بشكلى وصورتى الخارجية وعندي حياة تانية مخفية عن الناس..
إلي أن.....يحصل موقف صعب يكشف قدامي وأحيانا قدام كل الناس حقيقتي (أنا رائي ولا مُرائي؟)
اجتهد إنك تخلي بالك وتسعى إنك تواجه أفكارك
يمكن يكون فيها افكار بتقولك زي ما بيقول اشعياء.
"الَّذِينَ يَقُولُونَ لِلرَّائِينَ: «لاَ تَرَوْا»، وَلِلنَّاظِرِينَ:
«لاَ تَنْظُرُوا لَنَا مُسْتَقِيمَاتٍ. كَلِّمُونَا بِالنَّاعِمَاتِ. انْظُرُوا مُخَادِعَاتٍ."
(سفر إشعياء ٣٠: ١٠).
|
