حاول تطلع من دائرة الراحة و اسمح لربنا انه يغير فيك

[walaa farouk]

فيه مقولة للمؤلف العالمي جورج برنارد شو تقول:"
لا تقدم دون تغيير ؛ و من ليس باستطاعته تغيير طريقة تفكيره ،
لن يقدر على تغيير اي شئ"
كل واحد مننا كان ليه طلباته و أمنياته من ربنا اللي تخليه يبقى شخص أحسن و أقوي .
كتير أوي نلاقي الاستجابة لطلابتنا دي عبارة عن مشاكل و صعوبات
و أحيانا المشاكل دي بتشقلب حياتنا و تخلينا مش قادرين نكمل .
اللي بيفقد حد عزيز عليه ، اللي بيخسر شغله ، اللي بيعدي بظروف صعبة :
مرض أو تعب أو وجع و غيرها كتير
و يبقي سؤالنا لربنا : هو ده اللي انا طلبته منك ؟!
هو ده اللي قعدت اعيط و اصلي عشان يحصلي ؟!
كلنا بنسغرب ظروفنا و بنستغرب رد فعل ربنا .
بس افتكر لما طلبت من ربنا تكون اقوي
هل تفتكر ربنا هيبعتلك القوة في شخصيتك مرة واحدة ؟
ولا يحطك في موقف يغيرك للأقوى ؟
لما طلبت من ربنا الحكمة
ربنا بعتلك المشكلة اللي تتعلم منها و تتغير عشان تبقى حكيم .
النسر في اوقات كتير بيحتاج انه يكسر منقاره و ينتف ريشه عشان يقدر يعيش .
بيختار يتحمل الوجع والالم و الجوع لشهور عشان يقدر يكمل حياته
ويقدر يصطاد فقدامه انه يتكيف مع التغيير ده او انه يختار الموت !
ربنا بيسمحلنا بالتغيير عشان نبقى الشخصية الاحسن و الاقوى مننا 💪.
دايما خليك واثق في ربنا ان أي موقف أو أي مشكلة
هو سامحلك بيها عشان تتعلم حاجة جديدة .
حاول تطلع من دائرة الراحة و اسمح لربنا انه يغير فيك ❤️