|
 |
 |
 |
|
رقم المشاركة : ( 1 )
23 - 08 - 2024, 11:49 PM
|
|||||||||||
|
|||||||||||
 لو حياتكم مليانة تعب ومش مبسوطين ..! تعالوا أقولكم الأصعب .. "العدرا" بجلالتها وعظمتها مشفتش يوم عدِل وسهل ! مختارتش اي حاجة في حياتها ! أهلها ماتوا واتيتمت، قالولها يوسف هيرعاكي، قالت ( حاضر ) الملاك بشّرها بميلاد يسوع مع انها عذراء، في إيمان وصمت قالت ( حاضر ) هتولدي في مزوَد ( حاضر ) هتتغرّبي في مصر شوية ( حاضر ) هتتوجعي وهتشوفي مناظر صعبة ( ده صعب بس حاضر ) اشتغلت وهي طفلة .! ولما كانت مخطوبة، اتظلمت وقالوا إنها إزاي تبقي حامل وهي عذراء .! ( وقتها مكنوش يعرفوا حقيقة المُعجزة وانها هتبقي أم النور ) حتي يوم ولادة يسوع، مشيت كتير وقعدت في مزود بقر .. ربِّت وساعدت "يوسف" في شغله النجارة .. وفي يوم اكتشفت ان ابنها يسوع في خطر وهيقتله الملك هيرودس عاشت لحظة خوف .. وقلق وشافت اطفال بتتقتل قدامها سافرت لـ مصر ومشقة الهروب من بلد لبلد دون استقرار 3 سنين كبر يسوع وحاربوه واتهموه ظلم وحبسوه وكانت مش بتعرف تنام وهي بعيدة عنه ..! شافته بعنيها وهو بيتجلد وبيصرخ وكانت حاسة ضربة الكرباج في قلبها .. بكت لغاية ما عنيها دابت من الدموع لما شافت ابنها بيتصلب وبيتدق في ايده ورجله مسامير ولما قام المسيح وصعد للسموات .. راحت قعدت في مكان مش متعودة عليه؛ بيت يوحنا الحبيب .. ربنا شافها بنت أصيلة وجدعة ومفيش زيّها .. لو انت شايف حياتك مش أحسن حاجة تبقي غلطان .. لأنك مَعشتش يوم زي ما عاشت العدرا مريم .. أطلبوها واتشفعوا بيها علشان هي مجرّبة إحساس الوجع ! ويعني إيه ظُلم .. ويعني إيه حرمان ..! وانت لو حاسس بأي شيء جواك سلبي أطلبها علشان هي مرت بظروف زيك .! - 
|
 |
|
العرض العادي
