اصبر وشوف خلاص ربنا عامل ازاي وانتظر ترتيبه

[walaa farouk]

مفيش حاجة بتيجي خطف كدة ... كل الامور بتاخد وقتها .
دا حتي موسي لما شق البحر
...المية مترفعتش زي أفلام الكرتون ..... لا أبدًا .

ربنا خلي موسي ضرب المية وبدأت ريح شديدة جدا
تيجي تقسم المياة وترفعها واحدة واحدة طول الليل
"وَمَدَّ مُوسَى يَدَهُ عَلَى الْبَحْرِ،
فَأَجْرَى الرَّبُّ الْبَحْرَ بِرِيحٍ شَرْقِيَّةٍ شَدِيدَةٍ كُلَّ اللَّيْلِ،
وَجَعَلَ الْبَحْرَ يَابِسَةً وَانْشَقَّ الْمَاءُ.خر١٤"

وبعد المية ما اترفعت علي الجنبين..
. تعدي ريح باردة تخلي المياة زي لوحين تلج جمبهم
" وَبِرِيحِ أَنْفِكَ تَرَاكَمَتِ الْمِيَاهُ. انْتَصَبَتِ الْمَجَارِيَ كَرَابِيَةٍ( يعني الواح ثلج) . تَجَمَّدَتِ اللُّجَجُ فِي قَلْبِ الْبَحْرِ.خر١٥"


كل دا طول الليل والمصريين جايين وراهم.
.. بس ربنا معطلهم بعمود السحاب والضباب.

دا معناه مفيش حل هيجيلك سريع ...كله بوقته
...وخطوات ماشية بترتيبه .

ربنا ممكن يحرك مليون حاجة ومليون شخص
علشان خاطرك انت
بس انت اصبر وشوف خلاص ربنا عامل ازاي
...وانتظر ترتيبه