| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
31 - 07 - 2024, 09:30 AM
|
||||
|
||||
 راجل مسن شغال كهربائي ساكن في احدى القرى النائيه كان عنده شغل في المدينه على مسرح كبير هيساعد في تركيب اضائه استعداداً لحفل ضخم بيتجهز قعد تلات ايام شغل متواصل وخلص شغله طلب منهم يقعد يتفرج على الحفله حتى لو هايقعد في الصفوف الاخيره او من خارج المسرح خالص بس يبقى موجود يشوف تعبه وشغله رفضوا وقالوا ممنوع ، انت مش وجهه ولا منظر مشرف لينا احنا معانا شباب تانيه هاتقوم بباقي الشغل انت دورك انتهى وخد فلوسك واتفضل ركب مواصله للقريه اللي ساكن فيها دخل اوضته الصغيره ونام زعلان وبيقول لربنا خداي حقي منهم يارب وابعتلي اللي يكفيني ارزقني بيوميه جديده ، ياعالم الفلوس اللي معايا هتكفي لامتى فات خمس ساعات وهو غرقان في نومه من التعب سمع عربيه عماله تزمر بره البيت الساعه ٢ الفجر ، مين ده اللي جايلي طلع لقى حد عطلان وكهربة العربية فصلت ومش بتدور قاله تعرف تساعدني يابويا ! فرح وقال في سره شكرا ع الشغل اللي بعته يارب وقال للراجل المتعطل ، يابني الدنيا ليل ، بات معايا النهار ليه عينين قاله انا مستعجل ومش هاينفع قاله مانا مش شايف حاجه ، تعالى اقعد كل لقمه واشرب حاجه لحد ما النور يشقشق على الاقل خده معاه ودخله بيته الصغير وعمله ياكل وجابله شاي وفضلوا يتساهروا ، لحد ما الراجل العجوز حكاله حكايته كلها قال يمكن يجيبلي شغل واول ما النهار شقشق كشف على العربيه ولقى البطاريه بتهرب شحن ، صلحله العطل بالادوات اللي عنده وقاله ده حل مؤقت لحد ماتصلحها في مكان عنده امكانيات اكتر الراجل اداله ظرف فيه فلوس كتير وطلب منه يساعده ويوصله لفندق معين كان هاينزل فيه لانه مايعرفش عنوانه ولما وصله اصر يحجزله غرفه معاه يبات ليله وقاله عندي حفله مهمه بالليل ، ضروري تحضرها معايا وفي الحفله ، يتفاجئ العجوز بالمسرح اللي جهز الكهربا بتاعته ورفضوا يخلوه يحضر فيه ويتفاجئ بصورة الضيف ماليه المسرح وان حفل التكريم معمول على شرفه ويتفاجئ بانه بيدخل معاه من الابواب الرئيسيه ويقعد جنبه في اول الصفوف ويتشكر على المسرح من الضيف اثناء تكريمه ويطلع يستلم الجايزه معاه في ذهول تام من المنظمين ويمضي معاه بعدها عقد لوظيفه ثابته في شركاته بمرتب مايحلمش بيه - كتير استغنوا عنك في اشد الاوقات بعد ماعملت علشانهم كل اللي في وسعك - ناس اتكبرت عليك وقالت انك ماتشرفش - دموع نزلت على سريرك محدش حس بيها غيرك - اتحوجت للي بيقدر حوجتك وللي مابيقدرهاش واكتر من كده بيحصل ، وانت علشان نضيف مكمل وفاتح بابك للكل بس ولا يهمك ،، انهارده الايام ضدك بكره معاك انهارده مش متشاف بكره بتتكرم قصاد الكل انهارده شغال باليوميه بكره مش هاتلاحق على الشغل انهارده اتجرحت بكره حقك يجي وكرامتك ترجع مفيش ذل بيطول ، طول مانت ماتستحقوش ربنا قادر يبعتلك الشخص اللي يغير حياتك اللي يحطك في المكانه اللي تستاهلها ويرجعلك حقك قصاد الكل ❤️ 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| مشكلة انهارده بكره تبقي حكاية | walaa farouk | موسوعة توبيكات مميزة | 0 | 28 - 01 - 2024 04:03 PM |
| ربنا هو الوحيد اللي معاك النهاردة و هيفضل معاك بكره | Ramez5 | صورة وتعليق | 2 | 02 - 07 - 2023 10:19 AM |
| نام انهارده وانت سايب بكره لربنا هايدبره | walaa farouk | كلمة الله تتعامل مع مشاعرك | 0 | 15 - 06 - 2023 11:51 PM |
| نام انهارده وانت سايب بكره لربنا هايدبره | walaa farouk | موسوعة توبيكات مميزة | 0 | 05 - 09 - 2021 09:38 PM |
| ...عايزين نرجع انهارده مش بكره وشعارنا يكون(لا للتأجيل) | nasser | مواضيع وتأملات روحية مسيحية | 4 | 03 - 08 - 2014 03:30 AM |
العرض المتطور