|
 |
 |
 |
|
رقم المشاركة : ( 1 )
15 - 07 - 2024, 01:39 PM
|
|||||||||||
|
|||||||||||
 -فى مسلسل عبد الغفور البرعى . - بدأ حياته برغيف عيش حاف وكوبايه شاى، كان بيوفر من مرتبه ، كان بيغسل جلابيته ويستناها تنشف ،.. -حس انه ماينفعش يكون موظف على طول وفكر انه يشتغل حر ، لكن ماسبش الشغل كان بينزل يوم اجازته يشتغل لحسابه وبدأ صغير جداا جداااا .. - كان دايما شايف نفسه انه لسه بيتعلم ومحتاج يسمع اكتر من حد شاطر او عن حد شاطر ويسمع قصص كافحهم وازاى نجحوا ، ماعملش زى الريس مرسى وعمل فيها معلم عالفاضى .. - طريقه دايما كان صاعب لكنه كان بيرمى كلام الناس ورا ضهره زى محفوظ ابن المعلم والريس مرسى - ميأسش أبداااااا، ولا قال انا فين ومستحيل اوصل ، ولا حتى حد هايسيبنى انجح ... - لذللك دايما ربنا كان بيحطله نقطة امل فى طريقه ( المعلم سىردينه اللى ساعده مليون مره لغاية ما وصل .. الخلاصه اللى عاوز اقولها هنا .. -طول مانت صارف مرتبك على استهلاكك الشخصى ومش بتوفر يبقى هاتفضل طول عمرك موظف .. - طول مانت راضى بوضعك الحالى وعاوز تستمع بحياتك فى الدلع والفسح والترفيه ، وحياتك الاجتماعيه والكلام اللى طالع جديد ده ، وماعندكش طموح واحلام تحسنه ، هاتفضل طول عمرك بآس .. - طول مانت بتخاف من عقبات السعى للنجاح هاتفضل طول عمرك تحت .. - لو فاكر ان النجاح بيحصل فى يوم وليله وحضرتك بتفرهد بسرعه يبقى خليك تحت احسن .. - اسمع كتير كتير كتير قوى ، خف لسانك شويه واسمع ، انت دلوقتى فى مرحله التعلم .. -مهما كبرت ونجحت خليك دايما عطشان للنجاح والتغير والطموح والتطور ، اوعى تحبس نفسك فى منطقة الراحه عشان مايجيش الزمن رازعك قلم مفجأه يخليك تفقد النطق وحياتك .. - اوعى تسيب شغلك واكل عيشك عشان تروح تدور على السعى الحر والكلام ده لا مستحيل استنى ، جرب الشغل الحر جنب شغلك دلوقتى وابدا بأى حاجه صغير جدا انشالله بجنيه ، واكبر واحده واحده ، اقع وقوم ، كل ده جنب شغلك ، اتعلم لغاية ما تحس نفسك انك تقدر تسيب الشغل دلوقتى وتروح تفتح حر مع نفسك ويجيلك دخل على الاقل زى شغلك القديم وثق ان الدخل ده كل كا تتعب كل ما يزيد وانك بتبنى وتتعب لنفسك ... - طول مانت بتأجل الخطوه دايما اعرف انك مستحيل هاتخدها ، خد الخطوه دلوقتى حالا .. 
|
 |
|
العرض العادي
