|
 |
 |
 |
|
رقم المشاركة : ( 1 )
04 - 07 - 2024, 04:37 PM
|
|||||||||||
|
|||||||||||
 شادى بيحكى ويقول ... تجربه غيرت علاقتى بربنا تماماً , اعرفكم بنفسى الأول انا شادى ٣٥ سنه متجوز من ١٠ سنه فى المانيا ومعايا ابنى عينيه بتدمع وملتهبه على طول , كل الدكاتره قالو لازم عمليه ونجاحها ضعيف كمان .. يوم ١٢ ديسمبر لسنة ٢٠١٨ انا فاكر اليوم كويس جدا كانت ليله برد شديد جدا والمطره غزيره قوى , الساعه ٢ بعد نص الليل وقفت فى البلكونه ودعيت من كل قلبى , كأن قلبى هايشق ضلوعى ويمسك السما .. وقولت " يارب نفسى أفرح أرجوك انا مصدق فيك وفى قوتك العظيمه , كلام الطب والدكاتره انت اقوى منه , ارجوك غير الواقع , مش انت قولت بايمانكم تقدرو تحركوا جبال , انا طلبى بسيط جدا وانا كلى إيمانك فى قوتك " ساعتها وانا بدعى شوفت نجمه لمعت فى السما ، كان شكلها ملفت جدا وحسيتها رساله من ربنا انه سامعنى وحاسس بيا .. روحت بعدها للدكتور قالى العلاج مافيش منه اى فايده لازم نعمل العمليه لان ده فى خطر على عين الواد لو سكتو عليه .. قولتله يا دكتور مش هاعمل عمليات للواد نسبة نجاحها ٢٠٪ انا ابنى هايخف انا واثق فى ربنا .. قالى براحتك انا حذرتك وانت حر .. الليله دى طبعاً عيشتها كأنى ميت تحت الارض وبتعذب من شدة الوجع والحيره .. قلبى بيقولى ربنا هايشفى الواد وعقلى بيقولى حرام اسيب الواد يتعذب .. وقفت فى البلكونه وكلمت ربنا .. " انت سامعنى ؟؟ شايفنى ؟؟ حاسس بيا وبوجعى ووجع ابنى والخطر اللى ممكن يحصله ؟؟ انا خايف عليه من العمليه وواثق جدا فى مراحمك عليه .. ارجوك . لدرجة من التعب نمت فى عز البرد فى البلكونه .. تانى يوم الصبح قولت انا هاصبر اسبوع لو الواد ماتحسنش هاعمله العمليه .. وقد كان فى نهاية اليوم التالت من الاسبوع لاقينا تحسن عجيب جدا فى عينيه لدرجة ان الدكتور قال بالحرف " اللى انا شايفه قدامى إعجاز، مخى مايقدرش يستوعبه " قالى انت استعملت علاج ايه ؟؟ روحت لدكتور تانى ؟؟ رديت عليه وقولتله .. الثقه فى ايد ربنا اقوى من اى دكتور 😍 
|
 |
|
| قد تكون مهتم بالمواضيع التالية ايضاً |
| الموضوع |
| ربنا يرجعلك الثقه ف نفسك 😇 |
| ربنا يرجعلك الثقه ف نفسك |
| الثقه في ربنا |
| ربنا دكتور شاطر |
| اشطر دكتور هو ربنا |
العرض العادي
