تقول /
المعجزة دي حصلت معايا وانا ف الامتحانات
كنت ف الفنره اللي قبل امتحان الاحياء كانت حوالي اسبوع تقريبا وكانت اعصابي كويسه قوي ومفيش توتر او قلق من الامتحانات لأني كنت حليت كل الامتحانات لحد الوقت دا كويس
بس جيه يوم لقيت نفسي تعبانه تعب جامد قوي واول مره يجيلي قالولي ان دا اسمه (حصر بول) وطبعا انتوا عارفين اني مزنوقه ف الامتحانات ودي ماده احياء يعني مش هزار وطبعا مكنش فيه وقت انزل لدكاتره ولا اتعالج ولا حاجه وكنت بتألم بشده بجد والناس قالولي عليكي وعلي شرب السوائل الكتير ففضلت اشرب ومفيش فايده الالم بيزيد اكتر وتركيزي ف المذاكره بقا ضايع خالص وناس قالولي دا من ضغط المذاكره ودي حاله نفسيه وفي البيت شكوا انها تكون حصوه والموضوع كبر قوي ومش فاضل علي الامتحان غير 3 ايام
اعمل ايه ؟؟ اعمل ايه؟؟ ااااااه افتكرت
ابونا يسي شفيع المواضبع الصعبه دي والحصوات
جريت ع كيس كان فيه شويه رمله كنت جبتهم من ديره ف اخر رحله طلعتها وحطيت شويه ف كوبايه ميه وشربت
و مكملتش ربع ساعه بالظبط
قلت اجرب واشوف
فعلا حصلت المعجزه وخفيت تماما كأن مفيش اي حاجه خالص وبقيت طبيعيه جدا جدا
وانا وعدته انه لو عمل معايا المعجزه هكتبها ع المنتدي اول ما ادخل
واديني وفيت بوعدي للقديس العظيم دا اللي بجد اتحنن عليا وانقذني من ضياع حاجات كتير مني
بركته تكون معانا امين
