|
 |
 |
 |
|
رقم المشاركة : ( 1 )
29 - 05 - 2024, 09:21 PM
|
|||||||||||
|
|||||||||||
 اعظم معجزة صنعها السيد المسيح ليست فى اقامة الموتى او شفاء الامراض المستعصية فقط ، بل هي ان يظل الاقباط المسيحيين فى العالم الي اليوم .. الأقباط هم التاريخ اللي ماحدش قراه .. الاقباط معجزة وقف أمامهم التاريخ حائرا ، كيف استمروا عبر ٢٠٠٠ سنة أحياء اقوياء رغم كل موجات الاضطهاد الرهيبة التى شربوا مرارها .. انهم جبابرة الاقباط ولا حد قدر يهز شعرة من راسهم.. تقويمهم مبني علي بداية عصر الشهداء، العصر الي كان فيه "الدم للركب" بجد ، ومنه جت الكلمة دى : عذابات و ذبح و تنكيل و جلد و سلخ و صلب .. الاقباط الي لبسوا صلبان حديد في رقبتهم باوامر الحاكم بامر الله لحد ما عضمة الرقبه ازرقت وبقى اسمهم "عضمه زرقا" ، و هم فرحانين و شاكرين .. الاقباط اللى بيصوموا مدة تصل اكثر من ٢٢٢ يوم فى السنة انقطاعى الي الغروب (اكثر من ٦٠% من العام) ، و لما يفطروا ياكلوا الاكل المطبوخ فقط بالزيت حتى سخر منهم الناس و سموهم "ملة الزيت" .. الاقباط اللى اتشتموا و انتف عليهم، و اتضربوا و سخروا منهم "أربعة ريشة" سخرية من الصليب و كوفتس" نسبة للاقباط" و هم يحتملون بشكر و فرح .. الاقباط اللي رغم كل الاضطهاد ادخلوا الرهبنه فى مصر وصدروها للعالم، و علموا العالم ازاي ممكن انسان يعيش طول عمره فى الصحرا لوحده العمر كله من غير اهله و لا ناسه ، يصلى و يتعبد فقط ، وبنوا اول دير في العالم ، دير الأنبا أنطونيوس أب رهبان العالم كله.. الاقباط اللي اتحاربوا طوال ٢٠٠٠ سنة في لقمة عيشهم وفي بيوتهم وفي كنايسهم و هم راضيين و عايشين .. الأقباط إللى لما منعوهم من وضع الصلبان علي كنايسهم دقوا الصلبان على ايديهم و ايدين ولادهم علشان يعيشوا و يموتوا مسيحيين ؛ و كمان رسموا "رمز السمكة" علي جدران الشوارع علشان يدلوا المسيحيبن لمكان الصلاة.. الاقباط اللى لما اليهود غدروا بيهم عند الحاكم بأمر الله، نقلوا جبل المقطم من مكانه فى معجزة سجلها لهم التاريخ .. الأقباط هم الوحيدين الي احتفظوا بباقي اللغه المصرية القديمة من ٥٠٠٠ سنة ، لغة العظمة ، و كتبوها و لحنوها و صلوا بيها الى اليوم فى كنايسهم .. الأقباط هم اللي حبوا تراب بلادهم و عمرهم ما حرقوا و لا قتلوا و لا خربوا بل أحبوا الكل حتى آخر نفس و صلوا حتى لمن أساء إليهم ، بل أحبوا حتى من قتلهم مثل السيد المسيح .. الاقباط اللي حققوا ما قاله الحلاج "دينى لنفسي و دين الناس للناس " .. و هم اللى عاشوا مع اخوتهم المسلمين المحترمين المعتدلين ، و قالوا معهم "الحمد لله رب العالمين (و ليس رب طائفة من الناس) ، و قالوا ايضا "رب الناس ، اله الناس" (و ليس رب طائفة من البشر) ... الاقباط هم اللي حافظوا علي سلام البلد مع كل وطنى شريف ، و لم يصدر منهم اي عمل غير وطنى او فيه اى ضرر علي بلدنا العزيزة مصر طوال عمرهم .. الاقباط هم من نسيج مصر، القوة والعظمة والبأس ، االى ممكن بتكلموا عن نفسهم للصبح و ما يقلبوش الصفحة الاولي من كتابهم.. الأقباط يعنى الحب و الأخلاق و التفانى و الصبر و العطاء للغريب قبل الحبيب و للعدو قبل الصديق .. الفبطى تجرى فى دمائه محبة الله و محبة الناس كل الناس، و محبة البلد كل البلد .. حافظوا علي الأقباط معجزة العالم ، فلولاهم ما استمرت الحياة جميلة في عالم قلت فيه الانسانية.. 
|
 |
|
العرض العادي
