|
 |
 |
 |
|
رقم المشاركة : ( 1 )
01 - 05 - 2024, 08:27 PM
|
|||||||||||
|
|||||||||||
 أنت عارف الغريب في قصة ايوب ايه؟ مش التجارب ولا الألم ولا حتى التعويضات في النهاية.. الغريب أن أيوب في النهاية مافهمش برضو سبب الألم ولا كل دا حصل معاه ليه.. حتي بعد القصة كلها ما خلصت.. أيوة ايوب مافهمش كل ده حصل معاه ليه! و الأغرب كمان هو أن ربنا لما جه اتكلم معاه في الآخر، مجابلوش سيرة ابليس ولا الحوار اللي دار بينه وبين الله في البداية.. فا كل ده ايوب مش فاهم ولا عارف حاجة.. فا حسيت أن الله في الآخر عايز يسأل أيوب -ويسألني- السؤال ده.. "هو ايه الاهم عندك؟ انك تفهم سبب الألم؟ ولا اني اكون معاك جواه؟ طيب هاتفضل تحبني حتي لو مش فاهم اسباب الالم اللي عندك؟ هاتفضل شايفني صالح حتي لو اتأخرت عليك وماتدخلتش دلوقتي؟ هاتفضل مُتمسك بيا حتي لو فضلت ساكت مجاوبتش علي أسئلتك؟ هاتفضل مستمتع بعلاقتك معايا حتي لو الالم موجود مش بيروح؟ ". ... ولقيت الاجابة جوايا هي بالظبط اللي قالها أيوب. . قولتله "نطقت بما لم افهم".. يمكن أكون يارب مش فاهم سبب الالم ولا اللي بيحصلي من وراه.. بس اللي اقدر اعمله هو اني "اسألك فتعلمني".. مش سايبك ومش هاتغير من ناحيتك مهما اسودت الدنيا في وشي. هاتفضل صالح في نظري (حتي لو أنا مش فاهم). وهافضل شايفك حنين .. حكيم.. وبتحبني.. وهاحاول افهمك علي قد ما اقدر.. ولو برضو مافهمتش.. هاتفضل في نظري صالح.. وهافضل أحبك.. حتي لو أنا مش فاهم. *** 
|
 |
|
| قد تكون مهتم بالمواضيع التالية ايضاً |
| الموضوع |
| لسه مافهمتش مشيئتك ومع ذلك لسه مستني |
| القديسة فوستينا | يشبه نظري في هذه الصورة نظري من على الصليب |
| انت لسه مافهمتش صح |
| احلف انك هاتفضل تحبنى |
| انا قريت الدستور كله أنى أفهم كلمة مافهمتش حاجة خالص |
العرض العادي
