ولاد الأصول بيبانوا ف نهاية العلاقات أكتر من بدايتها

[walaa farouk]

كتير تلاقي حد إتعلق بشخص و خلاه محور الكون .
. ومصدر للسعادة و الشعور بالأمان و الراحة النفسية
والداعم وقت الشدة و بير الأسرار و رفيق الضحك الخروجات
و الكلام و كل حاجة حلوة ف الدنيا

ولما الشخص ده بيبعد او يختفي بقصد او دون قصد
.. فتلاقي حياتك متدمرة، مطفي و متلخبط
مش عارف ترجع تعيش زي الاول ..
بتلاقي فجأه الدوبامين إختفى تماما من جسمك
و بقى عندك وقت فاضي في حياتك مش عارف تشغله غير بال overthinking ف ازاي و ليه ده حصل
ومش قادر تصبر او حتى ت move on

و ع العكس تلاقي حد بعد عن شخص معين ،
فتلاقيه بيقَطَّع كل حبال المودَّة، و نسي اي حاجة كانت حلوة حصلت في يوم.. وشغَّال تلقيح كلام وأفعال مؤذية و ماسبش اي باب مردود ممكن يحصل فيه رجوع في يوم من الايام -

العلاقات الجميلة مش بتدوم بسبب وجود الأجواء الحميمية
والرومانسية فيها وإنما دوامها مقرون بمرورها بالأوقات الصعبة
ودوام القلوب على الحب والتسامح والإهتمام
، قد تكون الأوقات الجميلة جزء مهم في العلاقة
لكنّ العلاقات لا تبقى هادئة دائماً ،
لا بُدّ من عواصف تهُب عليها لتُقوي الحب أو تنهيه

وكمان تخلينا دايما نفتكر إن النهايات أخلاق
..وإن وولاد الأصول بيبانوا فعلا ف نهاية العلاقات أكتر من بدايتها