|
 |
 |
 |
|
رقم المشاركة : ( 1 )
21 - 12 - 2023, 06:59 PM
|
|||||||||||
|
|||||||||||
 زي اليومين دول في نهاية كل سنة بيتجدد جوايا الأمنية إياها ( سنة التعويضات) ، و سامحني يا رب مابحسش باختلاف سنة عن قبلها ، دا يمكن الموضوع بيزيد سوء ؛ و الحقيقة مابقيتش عارف دا عدم رضا مني ولا انا فعلاً حالتي بتتدهور ، لكن السنادي حسبتها بشكل جوهري و مختلف شوية ، و فعلاً مش طالب السنة الجاية التعويض المادي اللي كنت بطلبه باستمرار ، انا طالب المرادي ان روحي تكون مرتاحة و متعلقة بيك اكتر م الأول ، و دا هيساعدني ابص لكل المغريات اللي حواليا بشكل سطحي ، عايز اشوفك انت متصدر المشهد و التفاصيل عشان اقدر اميز صوتك في المواقف و الأحداث ، و إن كان ع السنين اللي اكلها الجراد فانا خلاص مش هفكر فيها تاني ولا ندمان عليها و هركز في اللي جاي معاك ، حتى لو الجراد مستمر فانا مش هقلق طول مانا حاسس بوجودك لأنك مصدر حماية و أمان ضد أي ضربات أو سقطات أو حتى حروب ، و دا في حد ذاته التعويض الحقيقي اللي انا محتاجه في السنة الجديدة 🙏 
|
 |
|
العرض العادي
