|
 |
 |
 |
|
رقم المشاركة : ( 1 )
19 - 11 - 2023, 07:25 PM
|
|||||||||||
|
|||||||||||
|
اشياء لا تجدها الا عندنا !!   شعبنا الجميل هو الوحيد بين شعوب الارض "غالبا" الذى .. ١-لا يلقى اى شيء ، و هو بارع فى إعادة تدويره: الغيارات الداخلية فوط للتلميع، و الشباشب القديمة سنادات للكراسى و تأديب الاطفال ، و الزجاجات البلاستيك زهرية للورد ، و قطع الصابون الباقية يوصلها ببعض للغسيل حتى آخر "نفس" ، و السلوك القديمة "تنفع فى اى شيء" ، و عصيان المقشة القديمة لضرب القطط : المهم "ما ترميش حاجة" !! ٢- شديد الثقافة : يقرأ الفنجان و يمسح الزجاج بالجرايد القديمة (برضه ما بيرميش حاجة) .. ٣-شعب يكتب اى حاجة على اى حاجة : على الحجر من ايام الفراعنة ، على الشجر و الحوائط ينقش كلمات الحب ، على السيارات يكتب الحكم و الأشعار ، و حتى "الحمامات" يعبر فيها عن غضبه و مشاعره المتنوعة !! ٤-شديد التمسك بدينه لدرجة "التطرف" أحيانا، لكن وقت الأزمات يصبح يدا واحدة ، ووقت المرض يصبح شديد السماحة، فيسأل عن "احباب الله المباركين" : يذهب المسلم للقسيس ، و المسيحى للشيخ لطلب البركة و الصلاة.. ٥-شعب قليل الموارد و لكن شديد الكرم و البذخ حتى دون مناسبة .. و الدليل "نيش السفرة " و اللى بلا استخدام طول العمر .. ٦- الشعب الوحيد الذى يخلط كل مناسبة بالأكل: فى الفرح يأكل (طبعا) ، و فى الحزن يصر ان يأكل ، و يذهب إلى المقابر و معه "القرص" الشهيرة لياكلها و يوزعها !! .. يكتئب فيأكل ليداوى جروحه ، و يفرح فيأكل لبسعد روحه !! ٧-شعبنا الجميل عبر تاريخه الطويل ، قاوم الفقر و الضيق و الظلم و الاحتلال بالسخرية و بالنكتة .. اجمل نكت و احلى ضحكة تسمعها فى مصر .. شعب "عياش" ، يضحك ليحيا و يحيا ليضحك.. ٨-شعب يحب "اللمة" و الزحمة .. و أصدق دليل انه ساب اغلبية البلد ، و اتكربس على بعضه فى ٥% من مساحة البلد !! شوارعه و حواريه "ونس" : الباب فى الباب ، تمد ايدك من البلكونة (لو اصلا موجودة) او الشباك لتسلم على حبايبك و جيرانك، و جايز تاخدهم بالحضن!! 
|
 |
|
| قد تكون مهتم بالمواضيع التالية ايضاً |
| الموضوع |
| أمسك بيدها وساعدها على النهوض |
| رحلت اشياء وجاءت اشياء |
| اصنع 6 اشياء مذهلة ب اشياء بسيطة و غير مكلفة |
| اغلى هديه تديها لحد |
| تديها حنان |
العرض العادي
