بيخبّروا عن طبيب عربي كان عايش بضيعة بعيدة عن المدينة، كان يعالج أهل الضّيعة إذا مرضوا، وإشتهر بمعالجة الكسر، مين ما إنكسرت إيدو أو إجرو كان يعالجو، وبعد فترة مش طويلة يصحّ ويكمّل حياتو بشكل طبيعي، بيوم من الإيّام كان في مجموعة من الصّحافيين عم بيزوروا الضّيعة يلّي عايش فيها الطّبيب، واحد منّهن وقع وإنفكشت إجرو حملوه لبيت الطّبيب العربي يلّي بسرعة عالجلو، الكلّ إندهشوا من عمل الطّبيب، وقدّام هالخفّة بالعمل، المسؤول عن الفريق الصّحفي سألو للطّبيب شو أصعب حالة كسر شفتها بحياتك؟
قلّو كسر القلب، لأنّو ما بينسمع صوتو ولا حدا بيشوفو وأصعب من هيك ما حدا بيحسّ فيه.
29 - 08 - 2023, 04:49 AM
رد: زوّادة اليوم : أقسى الكسور : 29 / 8 / 2023 /
العرض العادي
