سأل مامته هو أنا جيت للأرض إزاي؟

[walaa farouk]

سأل مامته هو أنا جيت للأرض إزاي؟
ردَّيت مامته وقالتله: «سؤالك غلط يا حبيبي»
طيب إيه الصح يا ماما؟
قالتله: «إتجوزني بابا، وبعدين ربنا منعني عن الولادة،
وحرمني من ثمرة البطن،
ودا عار زي ما أنت عارف يابني، لفت الأيام،
وماسبتهوش، فضلت متشعلقة في رقبته،
وفضلت أطلب اديني ثمرة بطن»

رد الولد بسرعة وقال: «وأنا جيت؛ صح؟»
ردَّيت عليه وقالتله:
«لأ يا حبيبي، لأ يا صموئيل ماجيتش»
قولي بقى بسرعة عايز أعرف
ربنا صحح لي السؤال!
يا صموئيل مش مهم جيت إزاي!
المهم جيت ليه؟ أنت هنا ليه؟؟
أنت هنا علشان إيه؟
دا الأهم يا حبيبي
طيب وأنا هنا ليه يا ماما
يا بني دي كانت صلاتي لربنا: «يَا رَبَّ الْجُنُودِ،
إِنْ نَظَرْتَ نَظَرًا إِلَى مَذَلَّةِ أَمَتِكَ، وَذَكَرْتَنِي
وَلَمْ تَنْسَ أَمَتَكَ بَلْ أَعْطَيْتَ أَمَتَكَ زَرْعَ بَشَرٍ،
فَإِنِّي أُعْطِيهِ لِلرَّبِّ كُلَّ أَيَّامِ حَيَاتِهِ،
وَلاَ يَعْلُو رَأْسَهُ مُوسَى»

يا حبيبي أنت هنا علشانه؛ معنى حياتك فيه هو بس!
يا أباء؛ يا أمهات علموا ولادكم هما هنا على الأرض ليه؟
ودا معناه إنكم أنتوا الأول لازم تكونوا
عرفتوا سبب وجودكم هنا!
جاوب سليمان الحكيم على أصعب سؤال وقال:
«فَلْنَسْمَعْ خِتَامَ الأَمْرِ كُلِّهِ: اتَّقِ اللهَ وَاحْفَظْ وَصَايَاهُ،
لأَنَّ هذَا هُوَ الإِنْسَانُ كُلُّهُ.»
يعني من الآخر ربنا يملك على قلبك
وتبقى أنت ضمن عيلة ربنا.
وهنا هاتقول زي ما أنا قلت: «مش قادر؛
مش عارف؛ فاشل في كل الوصايا، مذنب، فاسد،
شرير، مش بعرف أحب، قلبي كله بغضه وكره».

جاوب الرب يسوع وقال لو عرفت إنك فاسد
يبقى لازم: «إِنْ كَانَ أَحَدٌ لاَ يُولَدُ مِنْ فَوْقُ
لاَ يَقْدِرُ أَنْ يَرَى مَلَكُوتَ اللهِ».
لازم تتولدوا من فوق، من عندي، من السما،
يتغير انتسابكم ونسبك من الأرض للسما
طيب إزاي يارب أتولد؟ مالك بتقول كلام صعب كدا
لما تشعر إنك فاشل وشرير وفاسد ومحتاج لحد
ينشلك من النقع الطيني اللي أنت فيه
وزي ما عمل معايا ونشلني من طين خطايا
وقذر شروري، هايقدر ينشلك لو طلبت منه 😍👌

المسيح قال عن نفسه:
«أَنَا هُوَ الطَّرِيقُ وَالْحَقُّ وَالْحَيَاةُ. لَيْسَ أَحَدٌ
يَأْتِي إِلَى الآبِ إِلاَّ بِي. لَوْ كُنْتُمْ قَدْ عَرَفْتُمُونِي
لَعَرَفْتُمْ أَبِي أَيْضًا. وَمِنَ الآنَ تَعْرِفُونَهُ وَقَدْ رَأَيْتُمُوهُ.»

وهو بس اللي فيه الإجابة؛ أنا هنا ليه؟ 🤷