|
 |
 |
 |
|
رقم المشاركة : ( 1 )
02 - 05 - 2023, 06:43 AM
|
|||||||||||
|
|||||||||||
 "يعني ليه هو قدر وانت ماقدرتش؟، ازيد منك بإيد؟، ازيد من برجل؟، ازيد منك بعين؟" جملة تراثية عظيمة غذت فينا عملية المقارنة لحد ما بقت جزء من نظرتنا للآخر .. شخصياً باحب الشخصيات الملهمة .. اللي كان وبعدها صار .. اللي مشي السكة واتشنكل ووقع بس عافر وقام وكمل لحد الاخر .. اللي اتحدي ظروف واوضاع صعبة عشان يكون الشخص اللي اصبح عليه .. باشوف الشخصيات ديه محفزة ليا اني اتحرك واشتغل علي نفسي لحد ما اتغير .. لكن برضه ساعات باقع في فخ المقارنات . . والفخ بيكون إني مش باقارن قدرات وإمكانيات او حتى ظروف إنما باقارن "نتايج" .. ازاي هو بقى كده و"اشمعني" انا مبقتش كده، من غير ما افكر في المشوار اللي مشيه لحد النتيجة ديه .. فبتكون المقارنة سطحية جداً .. مش بس بتكون مفيهاش أي "إلهام" لكنها كمان بتكون نتايجها جوايا "سلبية" .. باغير وبابقى متضايق من نجاحه او فرحته .. باتمني فشله او ان اللي وصله ده يزول .. باركز على نقط ضعفي وباستصغر نقط قوتي .. باتملي برسايل من صغر النفس وإني قليل ومش هاقدر .. اتكاسل أكتر لإحساسي بالفجوة اللي بيني وبينه .. ومع زيادة ده جوايا ممكن يوصلني إني مش قادر "أحب" الشخص نفسه ومش بأحب أتعامل معاه .. وعشان كده كل يوم بآجي وانفض كل افكاري قدامك ياسيد .. محتاج كل مرة تعرفني انا مين .. محتاج من جديد تفهمني شخصيتي المتفردة وقدراتي المميزة وجمالي الخاص .. باحتاج اسمع صوتك وانا مستخبي في حضنك "انت مميز بطريقة تفكيرك وبرد فعلك وبكل حتة في روحك وكل حاجة غريبة في شخصيتك" محتاج تملاني بإدراك جديد بأبعاد مختلفة عن "قيمتي فيك" .. 
|
 |
|
| قد تكون مهتم بالمواضيع التالية ايضاً |
| الموضوع |
| اصحى بقى |
| اسجد واقترب |
| فالان اسجد |
| اصحي |
| اسجد لك |
العرض العادي
