إتحرك زي ما يقولك بإيمان و ثقة

[walaa farouk]

يمكن تكون اخر واحد بيختاروه 😔
أو حتى أصغر واحد في اللي حواليك😪
أو يمكن شايف إن معندكش إمكانيات كتير😟
أو حاسس دايماً بالظلم و خصوصاً لما بيقللوا من رأيك🤐

يمكن ده شعور بيعدي علينا كلنا بس فيه أوقات بتحس إنك قليل قوي معندكش قيمة أو حاجة تضيفها أو حتى تحاول تعمل حاجة كبيرة😕

حابب أقولك إن جدعون كان بيقول انا أصغر إخواتي و عشيرتي هي اقل عشيرة ليها شأن في منسَّى
بس المفاجأة إن ربنا كان شايفه جبار بأس💪
يعني محارب جبار و باسل فيقول له أنا هأكون معاك
وبالرغم من خوفه و نظرته لنفسه إن إمكانياته قليلة
و شكه وطلبه أكتر من علامة من الله لكنه صبر عليه لأن الله كان ليه نظرة مختلفة عن كل اللي هو شايف نفسه فيه
و عمل بيه إنتصار عظيم بأقل عدد رجال و أقل إمكانيات

و إنت كمان يمكن شايف إن إمكانياتك قليلة
أو حاسس إنك أقل من ناس كتير
... عايز أقولك اتطمن نظرة الله ليك مختلفة عن نظرتك لنفسك 🤩
نظرة هو شايف فيها مستقبلك و قوتك و إنتصارك
و بيقولك أنا معاك صدق في قدرتي
و متفتكرش أبداً إن إحساسك بالشعور بالنقص
هيوقفك لكني هاخليك جبار بأس💪

هو عينه عليك و حاسس بيك💜
هو عنده ليك خطة 🗺
هو حاطط ليك هدف

قوم من كل اللي انت شايف نفسك فيه ،
إتحرك زي ما يقولك بإيمان و ثقة
إنه هيعمل بيك عمل عظيم تشوف فيه مجده💜

[رشا رجائي]

شكرا لحضرتك كتير