|
 |
 |
 |
|
رقم المشاركة : ( 1 )
12 - 03 - 2023, 03:43 PM
|
|||||||||||
|
|||||||||||
|
مقتطفات بسيطه جدا 🙏عن الابن الضال🙏🙏❤️  +انهارده أحد الابن الضال و هو مثل ضمن الامثال الثلاثه التي ذكرت في الاصحاح 15 من إنجيل معلمنا لوقا. +هذا المثل هو مثل الاب الحنون و أولاده الاثنين. +الابن الضال وهو الابن الأصغر و الابن المعاند هو الابن الكبير +والحقيقة عاوز اتكلم عن موقفين في هذا المثل لكل ابن . +الابن الضال له موقفين ...موقف خروجه من البيت و موقف دخوله الي البيت . +موقف خروجه من البيت لما تبصله كده نلاقيه خارج مبسوط .. .خارج في حريه...خارج في قوة .. خارج معاه فلوس ...يعني خارج في غني ... في شبع ده لو فكرنا فيه شويه نلاقي أنه الابن الضال دة كان عايش في نعمة كبيرة بمعني ايه.. .بمعني أنه الحياة مع ربنا فيها نعمة فيها غني فيها قوة الحياة مع ربنا فيها شبع حقيقي الموقف ده يكشف الحياة مع ربنا فيها متعة حقيقية .. الحياة مع ربنا لا يساويها شئ .. .الحياة مع ربنا فيها كل المجد ..للاسف هنا الابن الضال اتخدع وساب بيته ساب بيت ابوه و للاسف كان فاكر أنه لو ساب بيت ابوه دة هيعرف يتمتع بره البيت . +خلي بالكم الموقف و هو خارج من البيت بيكشف لينا اد ايه الحياة الجميلة( الحياة مع ربنا) اللي كان عايش فيها ( القوة و الغني و الحرية...) +طيب تعالوا نبص للموقف و هو راجع بيوضح تماما الحياة برة بيته . ..وصل ل مستوي أنه مش قادر .. .وصل ل مستوي أن البلد اللي كان مبسوط فيها حصل فيها مجاعه ...بلد غنيه يحصل فيها مجاعه .. الدنيا كده .. .يوم في سلام و يوم في اضطراب .. ..يوم شبع و يوم جوع.. .وهنا عايز اقول اللي يربط نفسه بالأرض كده . .يجي مره وحده فقد كل شئ يلاقي نفسه متبهدل ... +منظر الابن الضال و هو راجع و منظره متبهدل و ريحه الخنازير اللي فيه ...و الجوع و المذله ...ده كله ثمرة الخطية ده ثمر الارتباط بالعالم . +الشطارة انك تفضل في العز(بيت ربنا) ده علي طول .. .و متبهدلش نفسك بعيد عن ربنا... +صدقوني الغني في بيت ربنا بس .. . و النعمة عنده بس الحريه عنده بس للاسف الشيطان لغاية انهارده بيضحك علي الناس. +منظر الابن الضال و هو راجع لازم نحطه إمامنا علشان نطرد اي فكره تخلينا نسيب بيت ربنا أو نبعد عن حضن ربنا و الكنيسة. ++تعالوا نشوف الأبن الكبير ...برضوا ليه موقفين ..موقف و هو جوه البيت مبسوط مع ابوه و موقف وهو معاند و بره البيت الموقف الاول و هو داخل بيت ابوه ..ابوه بيقوله يَا بُنَيَّ أَنْتَ مَعِي فِي كُلِّ حِينٍ ، وَكُلُّ مَا لِي فَهُوَ لَكَ." (لو 15: 31) لكن يا خسارة هو جوه البيت لكن مش مش متمتع بأبوه يا خسارة مش كل الناس اللي جوه متمتعين .. .يعني يبقي جوه لكن قلبه بره.. .صدقوني خسارة كبيرة يبقي الإنسان في الكنيسة و قلبه بعيد عن ربنا...زي ما قال ربنا يَقْتَرِبُ إِلَيَّ هذَا الشَّعْبُ بِفَمِهِ، وَيُكْرِمُني بِشَفَتَيْهِ، وَأَمَّا قَلْبُهُ فَمُبْتَعِدٌ عَنِّي بَعِيدًا." (مت 15: 8) + وهنا عايز اقول خلي بالكو من الموقف ده للاسف ده موقفنا انهارده و احنا في الكنيسة ... موقف الابن الكبير و هو في بيت ابوه ...ياتري احنا مستمتعين ب ربنا ياتري احنا تايبين ياتري احنا بنصلي من قلبنا و لا قلبنا فيه شهوة العالم ... + الابن الكبير كان موجود في بيت ابوة ولكن مش مستمتع بيت ابوة علشان كده النهاية كانت وحشه جدآ انتم عارفين لو كان مستمتع بحب ابوه ...كان يحب أخوه ...ولو كان مستمتع بحب ربنا كان مستحيل يكره أخوه كده و يكره أنه يرجع لحضن ابوه مرة ثانية ...انتهي المثل و هو برة الكنيسة ....يا خسارة ... + ربنا يدينا انه احنا نكون مستمتعين بحضن الاب ، مستمتعين بالنعم و الخير و الغني و العز . .. بالشركة مع ربنا و الهنا و مخلصنا يسوع المسيح. 
|
 |
|
العرض العادي
