|
 |
 |
 |
|
رقم المشاركة : ( 1 )
08 - 02 - 2023, 03:54 PM
|
|||||||||||
|
|||||||||||
 غريبة يارب طرقك 🤔 طائر أسود شكله يخوف، يمكن ذكي وبيعرف يتصرف.. لكن مايمنعش أنه بيدل على شؤم وكآبة وخطف وضرر.. غريبة انك تبعت غراب لإيليا بعيش ولحم .. غريب أن غراب مايخطفش الاكل ويفضل مواظب لوقت طويل وفي مكان ثابت يوصل لإيليا احتياجه.. ماحدش عارف العيش واللحمة دي جم من فين .. بس الاكيد أنهم استمروا موجودين كل صبح وكل ليل.. وافتكرت إن احنا في حياتنا بنقابل غربان🦅.. غربان بتخطف مجهودنا.. غربان عايزة تضرنا.. غربان بتخوفنا... غربان عايزة تخطف لقمتنا.. غربان عايزة تعكنن علينا الحياة.. وجت الآية "وَكَانَتِ الْغِرْبَانُ تَأْتِي إِلَيْهِ بِخُبْزٍ وَلَحْمٍ صَبَاحًا، وَبِخُبْزٍ وَلَحْمٍ مَسَاءً، وَكَانَ يَشْرَبُ مِنَ النَّهْرِ." (الملوك الأول ١٧: ٦) لاقيت إنه الله قادر يطوع الغراب لخيرنا.. يخلي اللي بيخطف مننا حاجة يجيبهالنا لغاية عندنا .. يقدر يخلي اللي بيعكر صفو حياتنا موجود لخدمتنا... دورت عن اللي بيخوف الغراب؟! .. لاقيته بيخاف من المرايات والأسطح اللامعة🪞.. وعلى طول جه في ذهني أننا زي المرايات.. موجودين نعكس صورة الله.. والغربان هتهابنا... هتحترمنا... لأننا مرايته اللامعة غريبة؟! الحقيقة غريبة لكن اللي عمله مع إيليا زمان قادر يعمله معانا النهاردة🦅🪞 
|
|
العرض الشجري