|
 |
 |
 |
|
رقم المشاركة : ( 1 )
13 - 10 - 2022, 07:39 PM
|
|||||||||||
|
|||||||||||
 في مرة رحت أزور متحف لفنان مشهور.. وأنا بتفرج على اللوحات لفت نظري لوحة منهم كان الرسم عليها بارز وشكله حلو اوي فقربت منه وحبيت ألمسه، لكن جت واحدة من المسئولين في المتحف وقالتلي ممنوع تلمسي اللوحات، ومش عارفة ليه فضولي دفعني اسألها "ليه؟" (رغم اني عارفة السبب الشهير بتاع إن كدا هنقلل عمرها الافتراضي بسبب عوامل التعرية ولمسنا ليها) لكني فوجئت بردها المختلف قالتلي "اللوحات دي مش بتاعتنا، هي ملك الفنان (فلان) فقط ومش من حقنا نلمسها ودا كان طلبه لما سابلنا اللوحات دي نحطها في المتحف! وقفت عند الفكرة دي كتير وكملت بيها فرجة على اللوحات وكل ما أحس بإغراء اني ألمس اي لوحة.. أفتكر الفكرة المهمة دي.. انها مش ملكي ومش من حقي ألمسها.. لكن كمان مهم أوي أطبق الفكرة دي برة المتحف كمان.. في حياتي اليومية، مش من حقي أتعدى على حد بنظرات تقتحمه وتكسر خصوصيته، مش من حقي أحكم على حياة حد أو سلوكه لأنه مش شىء بملكه! مش من حقي آخد لحد قراراته بالنيابة عنه حتى لو كانوا عيالي! ..مش من حق أي راجل انه يتحرش ببنت أو ست في الشارع لأنها مش ملكه، ولا حتى من حقه يأذي مراته لأنها برضة مش ملكه! 
|
 |
|
| قد تكون مهتم بالمواضيع التالية ايضاً |
| الموضوع |
| مكتوب عليها ممنوع اللمس |
| حقك وحدك تستخدمني ولغيرك ممنوع اللمس |
| ممنوع الاقتراب او اللمس |
| لغيرك ممنوع اللمس |
| ألبوم لغيرك ممنوع اللمس - نشأت واصف |
العرض العادي
