| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
19 - 09 - 2022, 07:06 AM
|
||||
|
||||
 جرب تتعامل مع ربنا كأنه حبيبك أول ما تقوم م النوم قوله صباح الخير يا حبيبي .. واحشني وواحشني الكلام معاك .. واجري علي أوضتك وأرمي نفسك ف حضنه وأبتدي اليوم بيه ومعاه وأنت بتفطر قوله سلم أيدك ع النعمه اللي بتبعتها كل يوم . وأنت نازل من بيتك قوله تعالي معايا .. رجلك علي رجلي ومش هروح مكان من غيرك . جرب وانت نازل امتحان تقوله مش هوصيك عليا أنا عارف أنك هتقوم بالواجب . جرب لما تكون مخنوق ومش لاقي حد تتكلم معاه تروحله هو .. أجرى عليه وقوله ماليش غيرك يارب ومعنديش حد غيرك أشتكي له . جرب وانت مريض تقوله بابا حبيبى انا تعبان وانا عارف انك طبيب الارواح والاجسام خليك جنبى جرب وانت عندك مشكلة كبيرة معقدة تقوله اروح لمين غيرك انت حلال المشاكل .. مش هاسيبك .. وانا عارف انى مش هاهون عليك تشوفنى بَتعذّب انا عارف انك موجوع بسببى . وأنت موجوع م الناس قوله خدني ف حضنك .. حضنك بيتي ومطرحي . جرب تقوله يا بختي بيك .. أنت نصيبي إللى طلعت بيه م الدنيا .. فضفض معاه واحكي له اللي جواك وأنت مطمن وواثق أنه سامعك .. وسامع صوت قلبك . لو بتفكر فى مشروع او خطوة جديدة فى حياتك قوله .. انت العارف بكل شئ * الماضى والحاضر والمستقبل * انا ابنك ماتسيبنيش اغرق نفسى .. ارشدنى بروحك وادينى حكمة من عندك .. لو عارف الموضوع فيه خير افتح الباب ولو مفيهوش الخير اقفل الباب فى وجهى وانا مش هازعل لانى عندى ثقة فى محبتك . لو هتعمل حاجه تزعله متعملهاش .. قوله مقدرش أخون عهدي معاك .. ولو غلطت أرجع لحضنه وقوله حقك عليا يا حبيبي .. مقدرش علي زعلك .. ومستحملش البعد عنك . قبل ما تنام قوله تصبح علي خير يارب .. ونام مطمن . خليه يشاركك شغلك ومذاكرتك ومشاكلك واتعابك .. وكل تفاصيل يومك .. خليه أقرب منك ليك . جرب تتعامل مع ربنا الحبيب الوفي والصاحب الجدع . جرب تدخله ف تفاصيل حياتك كلها .. وساعتها هتفرح من قلبك وتقول بكل فخر أَنَا لِحَبِيبِي وَحَبِيبِي لِي الرَّاعِي بَيْنَ السَّوْسَنِ { سفر نشيد الأنشاد ٣:٦ } أَنَا لِحَبِيبِي وَإِلَيَّ اشْتِيَاقُهُ { سفر نشيد الأنشاد ١٠:٧ } 🌸 يسوع بيحبك 🌸 نيافة الانبا انطونيوس مطران الكرسي الاورشليمي ... 
|
|
#2
19 - 09 - 2022, 08:51 AM
|
||||
|
||||
|
مشاركة جميلة جدا ربنا يبارك حياتك
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ايقونة القديس العظيم الانبا انطونيوس فى حضن ربنا يسوع المسيح | walaa farouk | صور القديسين والشهداء | 0 | 01 - 02 - 2023 10:24 PM |
| جدو انطونيوس ( القديس العظيم الانبا انطونيوس ) | walaa farouk | صور كرتون ، صور للتلوين | 0 | 29 - 01 - 2022 10:44 PM |
| ذكصولوجية الانبا انطونيوس و الانبا بولا- المعلم جاد لويس-Bekhit Fahim | Mary Naeem | قسم الألحان والتسبحة | 0 | 01 - 02 - 2021 04:48 PM |
| القديس العظيم الانبا انطونيوس فى حضن ربنا يسوع المسيح | sama smsma | صور القديسين والشهداء | 2 | 12 - 03 - 2017 05:11 PM |
| عظمه اتضاع الأنبا انطونيوس - قصص ومواقف حياة الانبا انطونيوس | بنت معلم الاجيال | ركن أرشيف المواضيع | 2 | 03 - 09 - 2012 02:45 PM |
العرض العادي
