انا تلميذ ليسوع او زي ما المعلم اطلق عليا "الصخرة" ( بطرس الرسول)

[walaa farouk]

انا تلميذ ليسوع او زي ما المعلم اطلق عليا
"الصخرة"
كنت بتبع المعلم في كل مكان، حتى في أوقات كان المعلم
ياخدني معاه، انا واتنين من القريبين ليه عشان نشوفه
وهو بيعمل معجزة وبيقيم اموات ..
.. كنت قريب اوي للمعلم وكنت بحبه ❤
لكن في وقت الصلب انا بعته و خنته .. انكرته تلات مرات
... كنت فاكر اني جدع وهاعرف أكون جانبه في اصعب وقت
لكني للأسف اكتشفت اني جبان وخواف .
.. قبل الصليب بص لي يسوع من بعيد لما سمع صوت الديك...
افتكرت الكلام اللي قالهولي ان هايجي يوم وهانكره 💔
كنت واقف خجلان من نفسي .... معقول انا اعمل في سيدي كدا !!
روحت استخبيت بعيد عن عينه و بكيت بكاء مر علي انكاري ليه ....
كنت بابكي من قلبي وكان نفسي يسامحني...

بعد القيامة على الشط - في اول مكان شوفته فيه،
جالي تاني وردني لمكانتي عنده ... مش بس كدا!
دا اداني مسؤلية اني أكون صياد للناس ورجع ثقته فيا تاني ❤❤✨

كان نفسي صاحبي اللي كان تلميذ ليسوع هو كمان يصبر شوية ويقدم توبة حقيقية من قلبه...
يوم ما راح و سلم سيده للناس اللي كانت عايزه تموته
... كان نفسي يعرف ان مافيش اطيب من قلبه
لو كان بس قدم توبة حقيقية... للاسف هو راح وشنق نفسه.
صلاة: ساعدني يا رب كل يوم اقدم توبة حقيقية
.. مافقدتش الامل ابدا في محبتك وغفرانك 🙏🙏❤

#بطرس_الرسول
#يهوذا_الخائن