جمال مرسى علم فى كل حته فيها

[Ramez5]

جمال مرسى علم فى كل حته فيها ❤️
مرسي علم مليانة أماكن حلوه كل مكان في متعة خاصة 😍
💥 بـورتـو غـالـب 💥
أحلى ممشى سياحى فى كافيهات وحفلات ليله عشان المتعة تكمل✨
وكمان مرسي اليخوت .. كل اليخوت الكويسة بترسي هناك و بتطلع مكانين "مرسي شونه "و "مرسي مبارك " بيت الدجنجو و السلحفاه .
💥 شـاطئ ابو دباب 💥
شاطئ رملي غني جداً ب الاسماك الملونه 🐠 و الشعب المرجانيه ومليان بالسلاحف الجميلة 🐢🐢
واحسن الفنادق بتكون فى محيط منطقة ابو دباب. ❤️
💥 مـرســي حـماطة 💥
أحلى تجربة ممكن تعيشها بتشوف الدولفين بكميات كبيره جداً لانه مكان تجمع الدولفين و تقدر تعوم معاه علي مسافات قريبة جداً جداً. 🐬 🐬
🔸 المكان بيبعد عن مرسي علم حوال ساعه و ده مرسي بتركب منه عشان تروح سطايح ( بيت الدولفين )
💥 وادي الجـمال 💥
- اكبر محميات مرسي علم للسفاري ب اللاند كروزر بتعد طول اليوم بتدخل جوه الصحرا و تشوف شجر الاكاسيا و ممكن تشوف جمال زي الصور و في عين ميه ممكن تنزل فيها السفاري دي متعة تانية خالص ❤️
💥 خـليج القلعان 💥
المكان ده ساحر كل الي بيدخلة بينبهر
المشهور فيه شجرة ف وسط الماية ( شجرة المنجروف )
-المكان ده الميه فيه ضحلة بتوصل للقدم بس و لونها شفاف جداً زي الصور كده بتشوف فيها رجلك 😃
أحلى مكان للتصوير و فيه خيمة بعد متخلص تصوير اطلب فيها "جبنه" دي قهوة مش طبيعيه 😋
💥 شـاطـئ حـنكـوراب 💥
الشاطئ مصنف عالمياً من افضل شواطئ العالم
شاطئ رملى جميل و المكان فيه خيمة واحدة بتسيب فيها حاجتك و تنزل تنسي نفسك
وانت رايح هناك بتاخد الفوطة معاك وبس هتغير لما ترجع الفندق .
💥 شــاطـئ النيزك 💥
يُقال ان فيه نيزك خبط ف الأرض من آلاف السنين ف اتسبب بعمل حفره في الأرض اتملت بالمياه بقت شبه حمام سباحه طبيعي بتتميز بجمالها
💥 سـوبر_سـفاري 💥
لاند كروزر - بيتش باجي - جمال .
السفاري دي لا تقارن بإي سفاري طلعتها قبل كده سواء فى شرم او الغردقة متعه متخلفه خالص

[walaa farouk]

جميلة فعلا
ميرسى لمشاركتك الجميلة
ربنا يفرح قلبك

[Mary Naeem]

مشاركة جميلة جدا
ربنا يبارك حياتك