|
 |
 |
 |
|
رقم المشاركة : ( 1 )
05 - 06 - 2022, 10:24 PM
|
|||||||||||
|
|||||||||||
 الإدمان مش مخدر بس ، إنت ممكن تدمن ضحكة نظرة صوت ، ممكن تدمن شخص ، وساعتها هتدمن كل تفصيله فيه و تحبها مهما كانت صغيرة وعادية .. لما تحب شخص لدرجة الادمان مش هتحس ان اي حاجة فيه عادية .. و لا اي حاجة معاه عادية .. كل الحجات المتعلقة بيه و اللي بتعيشها معاه هتحس ان ليها طعم خاص .. و احساس مختلف عن اي حاجة عيشتها قبل كدة .. مع انه ممكن مايكونش أحسن شخص انت قابلته في حياتك .. و ممكن كمان يكون عدي عليك احسن منه بكتيير .. و فيهم مميزات عنه .. لكن دة اللي انت حبيته لدرجة الادمان .. دة اللي لمس قلبك و شال منه اي حد كان موجود قبله .. و ماسابش فرصة لأي حد انه يجي بعده .. خلاك تعيش معاه الحياة و الحب و المشاعر بطريقة مختلفة عن كل اللي قابلتهم في حياتك .. الشخص دة بيكون دخل قلبك .. واتمكن منك .. و حفظ كل تفصيلة تخصك و تخص احساسك و مشاعرك .. باختصار بقي معاه الكتالوج بتاع قلبك .. عارف كويس اووي انت محتاج ايه .. وعارف ازاي يحققلك دة و يفرحك .. عارف ازاي يخليك تعيش الحلم اللي ياما اتمنيته .. الشخص دة نظرته بتفرق .. كلمته بتفرق .. نبرة صوته بتفرق .. بيقدر في لحظة ان ينسيك الدنيا باللي فيها .. و يدخلك العالم بتاعه هو .. عالم هو اللي بيرسم تفاصيله .. الشخص دة بيخليك تعيش احلي لحظات ممكن تعيشها في حياتك .. بس وقت ما بيبعد روحك بتروح معاه .. بيسحب الحياة من جسمك بفراقه .. ما بتقدرش تكمل الحياة من غيره .. ما بتعرفش ترجع زي ماكنت قبل ماتعرفه .. لان دة بيكون حب عمرك .. و نصك التاني اللي غالبا قليل اووي لما بنلاقيه و الحياة بتدينا فرصة اننا نشوفه و نقابله .. عشان كدة لما تلاقي نصك التاني و حب عمرك اتمسك بيه .. اياك تتخلي عنه .. لانك بكدة بتتخلي عن روحك بتتخلي عن جزء منك .. وهتكمل عمرك كله وانت ناقص روح 🖤✋🏻 
|
 |
|
العرض العادي
