|
 |
 |
 |
|
رقم المشاركة : ( 1 )
17 - 05 - 2022, 08:28 PM
|
|||||||||||
|
|||||||||||
 نجوم_مضيئه_في_الخدمة الكاهن اللي بيلم الزبالة. !!!! الكاهن اللي مات بسبب خطئ طبي !!!! قيل عن ابونا ده انه اتشاف كتير بيلم الزباله و ينضف حمامات الكنيسه… ابونا😍✝️ اثناسيوس ابراهيم ✝️😍 كاهن كنيسة مار يوحنا بنها اللي رحل عن عالمنا من خمس سنوات فقط في ريعان شبابه بخطأ طبي ..... انما بيقولوا الغبي هو اللي الحقيقه تبقي قدامه اكتر من مره و مع ذلك يتجاهلها و يكمل طريقه في جهل ! كام مره ربنا شاور لنا علي ناس بسيطه دخلت السما بدون كلكعه ؟ بدون سفسطة وجدال عقيم… كام مره حط لنا ف عيننا أمثلة إنه يحب اللي غلابه بروحهم طب بلاش كام مره قالها علنا ف الكتاب المقدس أن الطوبي راحت للمساكين بالروح متواضعي القلب و المزدري و غير المعروف الي آخره . ! و مع ذلك احنا مسيطر علينا روح مخلينا فاهمين أننا هنفرح ربنا ب دخولنا الاكليريكيه و ب الخدمه الجامده بقي و يبقي اسمي آمين خدمه ثانوي بنين و المزيكا تدق و انا داخل الخدمه و صوري مع ولادي تملا فيس بوك بقي و انا بالمايوه و نازل معاهم البسين علشان يتعرف اني مقرب لسنهم و أنهم بيحبوني و كده أو بقي اقعد اقول أدي الكهنه اللي حبت ربنا بجد مش ابونا فلان اللي عربيته قد الشارع و ابونا علان اللي عنده شاليه ف الساحل و ابونا ترتان اللي عنده البزنس بتاعه و عنده مناحل عسل الي آخره من الكلام اللي يحدفنا لموت ابدي مش عشان نقد كهنه لكن عشان هتلهينا عن حاجات اهم وهي خلاص انفسنا في امثلة كتير جيدة لكهنه منهم ابونا اثناسيوس وكهنه كتيررر قامات كبيره… . لكن ازاي نعمل كده نتعب نفسيا المصلح الديني اللي جوايا يزعل لازم نجيب نموذج سئ ونرغي فيه عشان ندي لانفسنا مبرر لاخطائنا ! ربنا شاور بدل المره ستين لينا علي طريق السما و قال لنا ان يهمه " القلب " ، و قلب ابونا المتنيح ابونا اثناسيوس ✝️ ده كان مسكين و غلبان و الدليل انه كان ب يقوم بأقل الأعمال اللي هي وظيفة عامل النظافة مع انه كان مهنته دكتور قبل الكهنوت… فا نعمل معروف لانفسنا نركز علي الطريق الصح للسما نقي القلب نخدم الله في صمت (صمت) (صمت ) اسال دوافعك ( انا بعمل كده ليه ؟ انا ليه عاوز الناس تهلل لي و العيال يحبوني و باكل الجو ليه ؟ ) و شوف لك هدف صالح و لو هدفك غير صالح تاكد انه كل تعبك قدام ربنا غير مقبول و غير مرئي اساسا!!!! تعرف مره ، كان كاهن الدير صوته وحش بس كان الرهبان ب يصلوا وراه القداس حاجه كده عظمه ف يوم تعب و جه كاهن تاني صلي و كان صوته بقي حلو قعد يطول و يجود و يلحن و الرهبان منسجمين ع الآخر آخر اليوم ظهر ملاك لرئيس الدير قال له ازاي متصلوش قداس النهارده ؟ الرئيس قال له ازاي احنا صلينا !!! ( افتح ودنك للجمله الجايه دي انا هسيب لك مسافه بين كلماتها علشان تركز ) الملاك قال له : " مفيش حاجه وصلت لنا السما منكم النهارده ! الكاهن صلي علشان يبين صوته الحلو و الرهبان انشغلوا ب التلحين معاه و نسيوا جوهر الذبيحة ربنا بعتني اعاتبك أنكم النهارده مصلتوش " قصه حزينه موجوده ف فردوس الآباء لكن فهمتنا أن لو هدفك راح انت قدام ربنا متوزنش حاجه مهما عملت ! و متشغلش بالك ب الكهنه و الأساقفة و البطاركة اللي عايشين خمس نجوم في ناس بتلبس الأسود علشان تهلك بيه وهلاكها كبير جداً لانها كانت مسئولة عن شعب… نهتم بخلاصنا فقط ربنا هيحاسب كل انسان على اعماله فقط ..... . الزمن ليس في صفنا و الأيام بالحق شريره . ومن يريد اصلاح الكنيسة عليه ان يصلح من نفسه لانه عضو فيها نياحا لروحك الطاهرة ابونا اثناسيوس ابراهيم ✝️ ¤¤وانتوا كمان ﻻزم يكون ليكم خدمتكم اللى متستنوش عليها مقابل خدمه بلا مقابل ربنا يجعلنا سامعين عاملين بالكلمه ...امين ¤¤ 
|
 |
|
| قد تكون مهتم بالمواضيع التالية ايضاً |
| الموضوع |
| في الخدمة الغيرة تحمل داخلها محبة الله |
| الكاهن لخادم المحب للادانة يفسد الخدمة |
| الكاهن والخادم الغضوب يفسد الخدمة . |
| نجوم قدسوا الخدمة العسكرية رغم شهرتهم |
| ما هى الملابس التى يرتديها الكاهن أثناء الخدمة ؟ |
العرض العادي
