من عزة نفسي مش ح احكي

[walaa farouk]

رغم ان الحكي شفا، لكن لا ح ابكي و لا ح اشكى و لا حتي ح احكي ..
ما انا ياما حكيت و اتصديت ، و اكتشفت ان ما حدش فاضي لي ، و لا فاضي يسمعني و يفهمني ..

و من كتر ما اتخذلت، لميت جروحي و خبيتها
في آخر حته جوه في عقلي ، و مش ناوي اخرجها ..
و لما وجعي يصل علي، و يطلع في ذكرياتي
، ح انساه تاني و اخبيه تاني ، بدل ما احكيه
و اتجرح اكتر و اتصدم تاني ..

من عزة نفسي ح اخبي دمعتي ورا ضحكتي ،
مش ناوي لا ازعل و لا احكي و لا اعاتب و لا أحاسب..

ح اروح بالليل لمخدتي ، و اخد وجعي لالهي و افضفض في سري ..
علي الاقل كده وجعي محترم و عزيز ، مهما كان كبير..