|
 |
 |
 |
|
رقم المشاركة : ( 1 )
12 - 03 - 2022, 04:12 PM
|
|||||||||||
|
|||||||||||
 البطريرك العجيب الصورة موجز لتاريخ البابا كيرلس كانت علاقة باباوات الكنيسة بالشعب زى علاقة الموطن مع وزير او رئيس من الصعب تشوفة من الصعب مقابلتة يادوب تتابع اخبارة القليلة جدا من المجلات والجرائد وفى اخر تلاتين سنة قبل حبريتة ماكنش في حاجه اسمها البطرك زار ايبارشية او قابل شعب او حد حضر قداس مع البابا مافيش حاجة اسمها الكاتدرائية مفتوحة لكل الناس . . كان البطريرك فى نظر الاقباط ملك يعيش فى قصرة العالى العاجى يدير الاحوال بدون ملامسة الشعب.. حتى فى عملية اختيار البطريرك كان الشعب بعيد كل البعد عنها كانت طائفة من علية القوم ومن المجلس الملى ومن الوزراء الاقباط بالاتفاق مع بعض من كبار المطارنة والقائمقم يهندسون عملية نقل السلطة الكنيسة من بطرك للاخر حسب هواهم لدرجة ان فى مرة القائمقام نفسة المسئول عن الاختيار والانتخاب طمع فى الكرسى فرشح نفسة وبقى بطرك اما البابا كيرلس الراهب المتوحد العفيف فكان لاول مرة منذ عقود ان يتم اختيارة بحسب القوانين الكنيسة كان الاسد حامى الامانة الانبا أثناسيوس مطران بنى سويف القائمقام حاربوة وتحمل مالا يتحملة احد من أجل ان تتم عملية انتخاب البابا بحسب القوانين بل لاول مرة منذ قرون يعيد القرعة الهيكلية الى النور وكان النور كان البابا كيرلس البابا كيرلس كل مافعلة اسلافة خطاء قام بتصحيحها بالافعال بطريرك اللتصق بشعبة بطريرك مننا تخبط على بابة يفتحلك تقعد معاة يسمعك يطيب خاطرك ويصليلك وتمشى من عندة مجبور الخاطر وان ماقبلتوش فى مكتبة تقدر تقابلة بعد القداس او فى صلاة العشية. . كان البابا كيرلس موجود فى كل حتة فى كل الوقت.. كان اعظم تحول في بطريركية البابا كيرلس هو النزول للشعب معايشة الشعب سماع شكواة وطلباتة وانينة من غير اى وسيط.. من اليوم الاول لتربعة على الكرسى المرقسى خلع التاج ونزل الى الشعب جال فى البلاد من شمالها لجنوبها ركب القطارات والمعديات والفوالك والحناطير وسار فى الشوارع والاذقة زار الكنائس والمعدمين والمحتاجين والمستشفيات والمرضى فتح الكنائس وعمر الاديرة وصارت القداسات والصلوات تصدح فى كل ارجاء الكنائس طول الوقت وفى المقابل الشعب القبطى لما حس ان البابا منهم على عكس مايروج لة البعض فى وقت قليل جدا اصبح الاقباط جميعاا على قلب رجل واحد وعاد الشعب الى حضن الكنيسة وفى سابقة تاريخية اصبح فى كل بيت توجد صورة للبابا كيرلس للبركة بل الادهة ان الشعب دعاة قديسا اثناء حياتة وبعد نياحتة دون انتظار ان يعلن المجمع المقدس قدسيتة.. الشعب القبطى شعب بالفطرة شفاف يقدر ان يختار بين الصالح والطالح يعلن القدسية او يسقطها البابا كيرلس لما تتابع الاف الصور لقداستة تستعجب كان بينام امتى ويصلى امتى ويسافر امتى ويقابل ولادة امتى وبيعمل كل الحاجات دى امتى .. يا احبائى نحتاج عمر على عمرنا علشان نعرف ازاى البابا كيرلس قدر فى ١٢ سنة بس يغير شعب ورعاية الكنيسة بركة البابا كيرلس تشملنا جميعا 
|
 |
|
العرض العادي
