|
 |
 |
 |
|
رقم المشاركة : ( 1 )
10 - 03 - 2022, 07:52 PM
|
|||||||||||
|
|||||||||||
 أكبر كذبة منتشرة في جيلنا الحالي... إن الحياة مع الله مملة وكئيبة... وإن اللي بيعيش مع الله حياته بتكون حزينة... وإن الله مش عاوز البشر يفرحوا أبداً... لكن الحقيقة عكس كده تماماً... الله خلقنا هنا على الأرض علشان نستمتع بخليقته، وأجمل استمتاع هو بالعلاقة معاه... بولس قالها صراحةً إن "اللهِ الْحَيِّ الَّذِي يَمْنَحُنَا كُلَّ شَيْءٍ بِغِنًى لِلتَّمَتُّعِ." (1تي6: 17).. وده اللي عبر عنه داود لما قال: "فَيَلَذُّ لَهُ نَشِيدِي، وَأَنَا أَفْرَحُ بِالرَّبِّ." (مز 104: 34)، والمسيح بنفسه لما شاف التلاميذ في وقت حزانى، قالهم: "أَنْتُمْ سَتَحْزَنُونَ، وَلكِنَّ حُزْنَكُمْ يَتَحَوَّلُ إِلَى فَرَحٍ." (يو16: 20). وده يوضح لنا أد أيه الله مهتم إنه يشوفنا فرحانين والرائع إن الفرح اللي بيعطيه الله للإنسان مختلف عن أي فرح تاني... الفرح اللي بيكون بعيد عن ربنا بيكون فرح مؤقت ومزيف.. وده اللي بيقوله الكتاب المقدس إن "فَرَحَ الْفَاجِرِ إِلَى لَحْظَةٍ!" (أي 20: 5) لكن اللي بيميز الفرح اللي بيعطيه الله إنه فرح دائم وأبدي "سَأَرَاكُمْ أَيْضًا فَتَفْرَحُ قُلُوبُكُمْ، وَلاَ يَنْزِعُ أَحَدٌ فَرَحَكُمْ مِنْكُمْ." (يو 16: 22).. والفرح ده بيكمل مع الإنسان رغم كل الظروف الصعبة اللي بيمر بيها.. بولس الرسول كان مسجون وحياته مُعرضة للخطر لكنه كتب رسالة لكنيسة فيلبي واتكلم فيها كتير عن الفرح وقالهم أكتر من مرة: "اِفْرَحُوا فِي الرَّبِّ كُلَّ حِينٍ، وَأَقُولُ أَيْضًا: افْرَحُوا." (في 4: 4).. عندك فرصة إنك تختبر فرح من نوع مختلف.. فرح مش موجود عند أي شخص غير الله تعالى لله واستمتع بروعة وحلاوة الحياة معاه... وبلاش تصدق أي كذبة منتشرة حواليك، الله عاوزك تفرح فرح حقيقي من قلبك 
|
 |
|
| قد تكون مهتم بالمواضيع التالية ايضاً |
| الموضوع |
| إوعى تضيّع عمرك في كدبة |
| أمى كدبت عليا 8 مرات |
| اجمل كدبة فى الابدائية |
| اكبر كدبة للرئيس مرسى حتى الان الرئيس ينفى عملة بناسا بعد اعلان فوزة بالرئاسة وقبل الرئاسة يعمل فى ن |
| كن فى حياى الناس كحبة سكر |
العرض العادي
