|
 |
 |
 |
|
رقم المشاركة : ( 1 )
02 - 03 - 2022, 06:05 AM
|
|||||||||||
|
|||||||||||
 نفسي في صيامي .. أكون بامنع نفسي من أكل معين في توقيت معين، مش عشان أحطها في حالة زهد .. لكن عشان أبدل تلذذي من أكلات شهية لجسدي، بأكلات مشبعة لروحي من كلامه القدوس.🤲 نفسي في صيامي .. أكون باقلل كلامي اللي ملوش داعي، مش عشان معنديش طاقة "داانا صايم" .. لكن عشان أسيب المساحة لنفسي تتواصل معاه في خلال تفاصيل يومي.🤲 نفسي في صيامي .. أكون بابعد عن كل الخطايا "ومسبباتها"، مش عشان أحس إني أكتر قداسة .. لكن عشان قلبي يتنقى فاقدر أشوف إلهي وأعرف شخصه أكتر.🤲 نفسي في صيامي .. أكون باكتر صلواتي وحضور بيته، مش عشان "ربنا يرضى عني" .. لكن عشان في محضره باتغير وباتملي من جماله.🤲 نفسي في صيامي .. أكون باضحي بأوقات وأفعال وحتى أكلات"ممتعة" .. عشان "أستمتع" اكتر في عشرتي معاه.🤲 نفسي في صيامي .. أستمتع بيه، واتغير لصورته💜 قول أمين وخلي دا توجه قلبك السنة دي… صيامي_مختلف_السنة_دي 
|
 |
|
العرض العادي
