|
 |
 |
 |
|
رقم المشاركة : ( 1 )
10 - 02 - 2022, 10:17 AM
|
|||||||||||
|
|||||||||||
 ناس كتير مننا اختبرت في وقت من الأوقات مشاعر الحب.. وده من خلال ارتياحنا لشخص معين وانجذاب ليه.. وحسينا بسعادة كبيرة بسبب المشاعر دي، وكل ما بنشوف الشخص ده ونتواجد معاه، المشاعر دي بتزيد أكتر جوانا.. وبتخلينا عاوزين ندي الشخص اللي بنحبه أفضل حاجة، وعندنا استعداد نضحي بكل شيء في سبيل سعادته، ومهما أخطأ في حقنا بيبقى عندنا استعداد نغفر له ونسامحه.. ولما بنيجي ناخد قرار الزواج بنحط الحب ده من أول الشروط.. وبنقول لنفسنا: أنا لازم اتجوز من شخص بحبه وبيحبني.. بس يا ترى هل نقدر ناخد قرار الزواج على أساس المشاعر الجميلة دي..؟! الحقيقة إن المشاعر دي بتتكون نتيجة حاجة اسمها "الصورة الذهنية"... كل حد فينا بيرسم جواه صورة عن فارس/ فتاة الأحلام وبيدور وسط الناس اللي حواليه على الشخص اللي بيشبه الصورة الذهنية اللي جواه.. وده لأن الصورة دي بتسدد احتياج نفسي داخل صاحبها ولما بنلاقي شخص حوالينا متوفرة فيه مواصفات الصورة الذهنية اللي جوانا.. بتبدأ المشاعر دي تتدفق ناحيته تلقائياً، لكن للأسف المشاعر دي متضمنش زواج ناجح للطرفين لأن مهما كانت المشاعر دي ملتهبة هيجي لها وقت وهتهدى.. وأوقات كتير بتخلينا مش قادرين نشوف عيوب الشخص اللي قدامنا بوضوح.. المشاعر جميلة جداً، لكن محتاجين نديها حجمها ووقتها، ومناخدش قرار مصيري زي الزواج مبني عليها هي بس، لكن كمان نشغل عقولنا في تقييم شخصية اللي قدامنا ونستفيد من خبرة الناس اللي حوالينا وشايفين إن علاقتهم الزوجية ناجحة.. 
|
 |
|
| قد تكون مهتم بالمواضيع التالية ايضاً |
| الموضوع |
| الحب قبل الجواز 💔 |
| اسمك لوحده كفاية يطرد مني خوفي 🥰❤️ |
| ’ الحب لوحده مش كفايه ’ |
| قرار عاجل من كفاية بالإسماعيلية بعد خطاب السيسى |
| تبرع ولو بحنيه لمشروع النهضة تعاطفك لوحده مش كفاية |
العرض العادي
