ليك مكان ثابت و بالمجان

[walaa farouk]

وسط دوشة الحقايق..
و الواقع اللي مش رايق
سألتني عنيا .. 👀

هو صح اللي شايفينه؟
و لا النظر بقي بعافيه حبتين ..
ولا نقولك؟..تعالي اضحكي علينا بكلمتين
قوليلنا ان كله تمام .. و عال العال
تعالي و حكيلنا شويه عن الاحلام ..
و نسرح فيها انا و القلب و ايه المانع ننادي العقل؟
و يجي يسرحله معانا شويه كمان..

نط العقل و جالنا اوام.. 🤓🧐
و سأل و هو غضبان .. هو انا عبيط؟
هتضحكوا علي مين؟! .. عليا انا!
ده انا شايف و فاهم .. كل التفاصيل ..
انا عارف كويس ان الواقع بقي تقيل
اياكم تحاولوا تستعبطوا و تسكتوني شويه بالاوهام..

وقف القلب في ركن ضيق و قعد يبكي يا حرام ..
سكتنا علي صوته و هو بيتشحتف و يقول.. 💔
شوفولي حل .. انا تعبت .. لا ريحني البكا والالم علي الواقع ..
ولا هداني ضحكي الكداب كمان..
قولولي اروح لمين يشيلني و انا هَلكان؟!

وسط ربكة و حيرة بقت جوا كل إنسان.. 👱🏻‍♀️👴🧑🏻👵👩‍🦱
وسط واقع شايفينه لامسينه ..
لمين يروح يا ناس كل ما فينا التَعبان؟
مين يقدر يشيل .. يتحمل ..يطيب
مين يجاوب.. مين يسند ..
مين يقوم تاني بعد كل الم وفقدان؟
.. ياريت نلاقي حل يهدي علينا تقل الايام..

لمحت عنيا من بعييد نور واضح و جميل ..💥

جه و قرب ..و سمعت صوت بيقول ..
"" الله موجود ""
و ساعتها افتكر عقلي الترنيمه.. 🎶
"تليفون السما عمره ما كان مشغول .. 📞

ابونا السماوي بيرد عليه ..هو وعد بنجدتي لما قال..اطلبني في وقت الضيق انقذك تمجدني .."

ليك مكان ثابت .. و بالمجان
ليك ملجأ ينفع تروحله .. طول الوقت و تطلب معونة .
. تخليك تكمل ..
بالايمان اللي يسند الكيان كله بالحق ..
مش بالاوهام ..