|
 |
 |
 |
|
رقم المشاركة : ( 1 )
25 - 01 - 2022, 09:56 PM
|
|||||||||||
|
|||||||||||
 مرة واحد زمان.. قال لي جملة مش ناسيها لحد دلوقتي، قاللي: أنا بشكر ربنا إني مش ربنا. ضحكت واستغربت الجملة!! وسألته: ليه بتقول كده؟؟ قاللي: أصل ربنا ده شايل بلاوي! قلت له: ازاي يعني؟؟ قاللي: كل واحد فينا بيقابل ناس في حياته مش ممكن ينزلوله من زور.. وبيحاول على أد ما يقدر يتعامل معاهم لكن مش بيعرف، لحد ما في الأخر بتخرجهم من حياتك علشان تعرف تعيش، ده حتى الواحد مننا أوقات كتير بيبقى تقيل على اللي حواليه.. ومش لاقي حد يحتمله. تخيل بقى ربنا مستحمل الناس اللي حوالينا بكل اللي فيهم.. ومستحملنا معاهم ببلاوينا، وعمره ما اشتكى مننا ولا زهق من حالتنا... بالعكس، ده كل ما الواحد وحاشته بتزيد ربك بيحبه أكتر وبيحتمله أكتر.. وعمرك ما هتلاقي سبب واضح يخليه يعمل كده معانا، غير إنه بيحبنا من غير سبب.. ومحبته دي خلته يختار إنه يموت عن البشر.. ويفديهم ويكفر عن خطاياهم.. رغم إنه مش مضطر إنه يعمل كده، ومحبته لينا كمان بتخلينا نتغير للأفضل.. ونسعى إننا منفضلش زي ما إحنا. عرفت ليه بقى أنا بشكر ربنا إني مش ربنا؟! قلت له: أنا بشكر ربنا إنه هيفضل علطول ربنا 😃😍 
|
 |
|
| قد تكون مهتم بالمواضيع التالية ايضاً |
| الموضوع |
| لقيتنى بشكر ربنا على معجزة كل يوم |
| انك تشكر ربنا |
| جربت تشكر ربنا |
| تشكر ربنا |
| اتعود انك تشكر ربنا في كل وقت |
العرض العادي
