|
 |
 |
 |
|
رقم المشاركة : ( 1 )
18 - 01 - 2022, 06:05 PM
|
|||||||||||
|
|||||||||||
|
فرق كبير قوي بين المؤدي والي بيعمل الحاجة من قلبه  المؤدي بيأدي دوره كويس و مظبوط جدا كمان... بس لما بتشوف النتيجة النهائية بتحس ان رغم ان شغله ممتاز بس فيه حاجة ناقصة... حته كده مش موجودة... عارفين دي ايه؟؟؟ دي الروح... الروح مش موجودة و علشان كدة الشغل رائع بس فيه حاجة ناقصة.. الروح دي مهمة قوي... الروح دي بصمتك... لما تحط روحك في الي انت بتعمله... لما تعمله من قلبك.. النتيجة بتبقي مختلفة تماما... بتوصل للناس و بيحسوا بيها حتي لو هما مش شايفينها... بس روحهم لمساها... الي بيطلع من القلب بيوصل للقلب بسهولة.. ده مش بس في الشغل انما في كل حاجة في حياتك.. في علاقاتك.. في تربيتك لأولادك... في خدمتك في طبخة... في رسمة.. في أغنية... في لمسه.. في كلمة... في ضحكة وبسمة... هي دي بصمتك... بصمتك الخاصة جدا الي مافيش حد ابدا عنده زيها... هي دي الي بتفضل من بعدك... هي دي الي بيفضل الناس فاكرينها حتي لو انت مش موجود... هي دي الي بتعمل الفرق و هي دي الي بتغير... عرفت ليه دايما في ناس مابيتنسوش؟؟؟ عرفت ليه دايما فاكرينهم و عايشين جوانا مهما عدت السنين؟؟ ليه دايما في بالنا و خيالنا حتي لو مش معانا؟؟ عرفت ليه بتسمع صوتهم بيرن في ودانك و بتشوف ضحكتهم قدام عنيك و هما مش موجودين؟؟ علشان بصمتهم عملت فرق... غيرت جواك حاجة... سابت جواك أثر... دايما خليك حريص انك تسيب بصمة... دايما خليك موجود.. و لو مش بجسدك يبقي بروحك... دايما خلي الناس تفتكرك و تفتكر البصمة بتاعتك... عيش حياتك من قلبك و بروحك... اوعي تعيشها بس مؤدي.. لأ انت مايسترو حياتك 
|
|
| قد تكون مهتم بالمواضيع التالية ايضاً |
| الموضوع |
| ❤️الرب يستجيب لمن يطلب من قلبه❤️ |
| ❤️من يعيش حياته مع يسوع سيمتلئ قلبه بالمحبة❤️ |
| ❤️إجعلوا يسوع هو الملك الأوحد على قلوبكم❤️ |
| بيعمل احسن حاجة ❤️❤️ |
| ❤️هساعد كل محتاج وهفرح قلبه❤️ |
العرض الشجري