سلسلة حلقات ميلادية 🌟

[walaa farouk]

سلسلة_حلقات_ميلادية 🌟
بمناسبة اقتراب عيد الميلاد المجيد (إنجيل عيد الميلاد)
بيكلمنا عن المجوس والهدايا اللي قدموها لربنا
وازاي ربنا أخلي ذاته وأخذ صورة العبد،
فهذه الحلقات هي تأملات سريعة في شكل حلقات ..

1️⃣ الحلقة الأولى :


يعنى ايه ربنا أخلى ذاته .. وأخلى ذاته فى إيه ؟!

👈🏻 ربنا من محبته للبشر لما وجد انه لا ملاك ولا رئيس ملائكة
ولا نبى ولا رئيس آباء يأتمه على خلاصنا ..أخلى ذاته و اخذ صورة العبد:

- اخلى ذاته من صفات ملك الملوك ورب الارباب.
- أخلى ذاته من كرامة الرئاسة.
- أخلى ذاته فى ميلاده : معاد ميلاده فى الشتا فى عز البرد ومكان ميلاده مزود فقير
مع الحيوانات لاكان عنده هدوم يلبسها ولا غطا يغطيه ويدفيه.
- أخلى ذاته حتى فى صنع المعجزات.
- عاش المسيح بغير لقب وبغير وظيفة.
- لم يكن للمسيح مكانا يُعَلّم فيه.
- كان يحيط به جماعة من المساكين ومن الذين ليس لهم أحد يذكرهم.
- عاش المسيح فقيراً ومرفوضاً (الحجر الذى رذله البناؤون هذا قد صار رأسا للزاوية)
اترفض من أهله اليهود اللى اصلا كان جاىعلشانهم.
- عاش يسوع مضطهداً فى حياته من الكتبة والفريسين ورؤساء الكهنة .
- أخلى ذاته عندما سمح للشيطان ان يجربه.
- أخلى ذاته ورفع شأن اولاده.
- أخلى ذاته ليعالج السقطة الولى ويردنا مرة أخرى الى فردوس النعيم

[walaa farouk]

2️⃣الحلقة الثانية :



سر المجوس؟ من هم؟ وكم كان عددهم؟
فى انجيل معلمنا متى نلاقى أنه لم يذكر المجوس اللى جم دول جم منين
ولا حتى اسماءهم كانت ايه؟ ولا إمتى ظهر لهم النجم اللى ارشدهم لمكان ميلاد ربنا يسوع؟
ولا حتى مدة الرحلة اللى استغرقوها عشان يوصلوا للمولود العجيب؟

👈🏻 كل دى اسئلة مهمة هنحاول نلاقي لها إجابات فى الحلقات السريعة اللى جاية:
🧐 الحلقة الثانية: سر المجوس : من هم المجوس؟ وكم عددهم؟

• كلمة مجوس ماخوذة عن الكلمة البابلية (ماجو) ومعناها حكيم أو عالم بالفلك.
• قيل عنهم انهم عبدوا العناصر الأربعة (النار والماء و الهواء والتراب)
- بعض منهم كانوا يؤمنوا بوجود الله الواحد وكانت أعمالهم أعمال خير وكانوا بيبعدوا عن الشر.
- كانوا يرتدون ملابس مميزة خاصة بهم.
- كلمة مجوس التى وردت فى انجيل متى بمعنى (wise men) يعنى حكماء.
· ورد ذكر المجوس فى العهد القديم 📖 فى سفر دانيال :
( دا 1 :19 و كلمهم الملك فلم يوجد بينهم كلهم مثل دانيال و حننيا
و ميشائيل و عزريا فوقفوا امام الملك ... دا 1 :20
و في كل امر حكمة فهم الذي سالهم عنه الملك وجدهم عشرة اضعاف
فوق كل المجوس و السحرة الذين في كل مملكته ).

• كما أن الملك نبوخذ نصر جعل دانيال كبير المجوس والسحرة والكلدانيين والمنجمين (دا 5 : 11 – 12)

• لم يذكر لنا الكتاب المقدس كم هو عدد المجوس ؟
ولكن جرت العادة على اعتبارهم 3 اشخاص نسبةً الى أنهم قدموا 3 هدايا ..
و قيل أن واحداً منهم كان يونانى والآخر فارسى أما الثالث فهو مصرى
.. وقيل ايضا أنهم من نسل أبناء نوح الثلاثة (سام وحام ويافث) اللى منهم تشبت كل الأرض بعد كده.

⚠️ والحقيقة احنا مش مهم عندنا أسماءهم أو عددهم أو جنسياتهم اللى يهمنا
هو دورهم فى قصة الميلاد حيث انهم صاروا باكورة (أول)
من أمن من الأمم وبرغم اختلاف جنسياتهم ونسلهم إلا أنهم أجتمعوا على السجود
أمام ملك الموك ورب الارباب

[walaa farouk]

3️⃣ الحلقة الثالثة :


سر المجوس وياترى العهد القديم قال عنهم إيه؟

👈🏻 أول حاجة بقى ازاى عرف المجوس ميلاد المسيح؟
الحقيقة أن المجوس عرفوا عن ميلاد المسيح من قبل مايشوفوا النجم العجيب فى السما .. ازاى بقى؟
كان المجوس عندهم مجموعة من النبوات هى اللى ساعدتهم يعرفوا زى:

📜نبوة بلعام بن بعور (عد 24 : 15- 17) :-
يقال أن المجوس يتبعون مذهب بلعام اللى اتنبأ بمجئ المسيح
والمجوس كانوا يعرفوا نبوته فاستنوا ظهور هذا المولود العجيب اللى اتكلم عنه بلعام وسماه (كوكباً)
وذلك قبل ما المجوس يشوفوا النجم ب 1400 سنة
ودى تعتبر أول و أقوى نبوة عن ميلاد المسيح تخرج من فم نبى أممى
فقال كما جاء فى سفر العدد (ثم نطق بمثله وقال: وحي بلعام بن بعور.
وحي الرجل المفتوح العينين .. وحي الذي يسمع أقوال الله ويعرف معرفة العلي.
الذي يرى رؤيا القدير ساقطا وهو مكشوف العينين .. أراه ولكن ليس الآن. أبصره ولكن ليس قريبا.
يبرز كوكب من يعقوب، ويقوم قضيب من إسرائيل، فيحطم طرفي موآب ويهلك كل بني الوغى).
وهكذا وبناءً على نبوة بلعام يكون النجم حقيقة وتصديقا لنبؤة سابقة
من فم الله نفسه على لسان نبى أممى.

📜 نبوة زرادشت زعيم المجوس (القرن السابع قبل الميلاد) :-
زرادشت كان زعيم المجوس ونبيهم ويُقال أن زرادشت تنبأ وقال (فى أخر الزمان يكون أن بكراً تحمل بجنين من غير أن يمسها رجل وعند ميلاده يظهر بالنهار كوكب وترى فى وسطه صورة صبية عذراء وأنت يا أولادى ستحسون بظهوره قبل جميع الأمم فإذا شاهدتم هذا الكوكب فإذهبوا معه الى حيث يقودكم واسجدوا لذلك المولود واحملوا له القرابين والهدايا فهو مُقيم السماء).

📜 نبوة دانيال النبى(دا 7 : 13-14) :-
زى ماعرفنا قبل كده فى الحلقة التانية أنه لما كان دانيال فى بلاد السبى أن نبوخذ نصر عينه كبير المجوس فطبيعى أن المجوس كانوا يهتموا بالكتب او النبوات اللى كتبها دانيال باعتباره كبيرهم وقد تنبأ دانيال عن مجئ المسيح قائلاً:
(كنت ارى في رؤى الليل و اذا مع سحب السماء مثل ابن انسان اتى و جاء الى القديم الايام فقربوه قدامه .. فاعطي سلطاناً و مجداً و ملكوتاً لتتعبد له كل الشعوب و الامم و الالسنة سلطانه سلطان ابدي ما لن يزول و ملكوته ما لا ينقرض).

فلا شك ان المجوس استخلصوا من هذه النبوة مايلى :
- ظهور حادثة فلكية او ظاهرة سماوية وذلك من قوله (وإذا مع سحب السماء مثل ابن انسان أتى وجاء)
- ستكون الحادثة مرتبطة بالنجوم حيث قال (كنت أرى فى رؤى الليل) والنجوم تظهر بوضوح فى الليل.
- هذا المولود سيكون ملك الملوك وصاحب الملكوت الأبدى.
👈🏻 والاسباب الثلاثة السابقة كانت هى السبب فى معرفة المجوس بميلاد السيد المسيح.

◀️ سؤال هل تنبأ الأباء بسجود المجوس للمسيح ؟
الإجابة : بالتأكيد ايوه وقد جاءت هذه النبؤة فى موضعين:

📖 سفر المزامير (مز 72 : 10 -13) :
ملوك ترشيش والجزائر يرسلون تقدمة. ملوك شبا وسبإ يقدمون هدية
، ويسجد له كل الملوك. كل الأمم تتعبد له، لأنه ينجي الفقير المستغيث
، والمسكين إذ لا معين له، يشفق على المسكين والمزمور ده بنقراه قبل الانجيل
فى صلاة عشية قداس عيد الميلاد حيث تنبأ داود النبى عن زيارة المجوس اللى أتوا و سجدوا للمسيح.

📖 سفر إشعياء (أش 60 : 1 – 2 & أش 60 : 6 - 7) :
(1 قُومِي اسْتَنِيرِي لأَنَّهُ قَدْ جَاءَ نُورُكِ، وَمَجْدُ الرَّبِّ أَشْرَقَ عَلَيْكِ. 2 لأَنَّهُ هَا هِيَ الظُّلْمَةُ تُغَطِّي الأَرْضَ وَالظَّلاَمُ الدَّامِسُ الأُمَمَ. أَمَّا عَلَيْكِ فَيُشْرِقُ الرَّبُّ، وَمَجْدُهُ عَلَيْكِ يُرَى).
(6 تغطيك كثرة الجمال، بكران مديان وعيفة كلها تأتي من شبا. تحمل ذهبا ولبانا،
وتبشر بتسابيح الرب. 7كل غنم قيدار تجتمع إليك. كباش نبايوت تخدمك
. تصعد مقبولة على مذبحي، وأزين بيت جمالي).

وهنا يتكلم النبى الإنجيلى عن بكران وهى أولاد الجمال وعن مديان وعيفة وشبا
وهم من قبائل العرب فقدمت النبؤة وصفاً دقيقاً لقوافل عربية تاتى بثرواتها وتفرح وهى تعبد الرب.

[بشرى النهيسى]

فى منتهى الروعه
كل سنه وانتم بخير

[walaa farouk]

4️⃣ الحلقة الرابعة :



سر النجم وطبيعته ورموزه الطقسية والهدايا ؟!

◀️ اولاً : طبيعة النجم:
ساد اعتقاد وهو الأقرب إلى الواقع إلى أن النجم اللى ظهر للمجوس ده مكانش نجم عادى ..
دى كانت ظاهرة خارقة فوق الطبيعة المالوفة،
قصد منها اللَّه إرشاد المجوس لمكان ميلاد المسيح لاتمام نبوة بلعام اللى كان المجوس عارفينها
ومستنين تحقيقها.

🤔 حقيقة النجم: طيب ليه بنقول أنه مكانش نجم عادى ؟
ايه الدليل على كده مثلاً؟

تعالوا نعرف الاسباب:
1. ظهوره للمجوس فقط:
فلو كان نجم عادى كان شافه كل الناس ولكنه كان قوة إلهية مُرسلة من الله مخاطباً بها هؤلاء المجوس عشان كده محدش شافه غيرهم، ظهر فى سماء بلادهم و تاملوا ظهوره ولمعانه المستمر واتاكدوا ان ظهور النجم ده ليهم يحمل رسالة ومعنى و قرروا يمشوا وراه وأعدوا رحلتهم وحملوا كنوزهم لغاية اما وصلوا للطفل يسوع.

2. حركة النجم وسيره:
نلاحظ ان كل الكواكب تسير من الغرب إلى الشرق لكن النجم العجيب ده كان متجهاً من الشمال إلى الجنوب .

3. الوقت اللى ظهر فيه النجم:
العجيب أنه لم يكن مضيئاً فى الليل فقط لكن كمان فى النهار حتى فى وجود الشمس وده الغريب أنه مفيش نجم بيظهر بالنهار.

4. تعاقب ظهوره و اختفائه:
مشى النجم قدامهم لغاية ما وصلوا فلسطين ولما عينيهم راحت لقصر الملك هيرودس
وراحوا يسألوا عن المولود هناك اختفى النجم عنهم ولما سابوا قصر هيرودس ظهرلهم النجم مرة تانية ففرحوا به فرحاً عظيماً جدا .
. ما يؤكد أنه قوة وظاهرة فريدة يتحرك معهم ويتوقف حيثما يتوقفون مراعياً مقتضيات السفر ومشقته.

5. لم يكن مكانه فى الفلك:
يعنى مكانش بعيد أوى وعالى فى السما لكنه كان فى مستوى قريب جدا منهم .. عشان يقدروا يشوفوا حركته بسهوله ويبقى متشاف طول الوقت .. ولكى يصل المجوس إلى مكان الصبى كان لابد ان يسيروا وسط الشوارع وده بيؤكد أنه لم يرشدهم فقط للقرية لكن للبيت اللى كان بيقيم فيه الطفل يسوع مع امه ويوسف النجار.

⁉️ سؤال مهم جدا:
👈🏻 ليه ربنا استخدم النجم بالذات؟ ليه مش أى حاجة تانى؟
- اتعودنا من ربنا دايما انه بيكلم كل انسان باللغة اللى بيفهمها يعنى كان بيكلم اليهود بالناموس
والنبوات و اتكلم مع التلاميذ الصيادين عن طريق صيد السمك الكتير
وعشان كده اتكلم مع المجوس بلغة النجوم اللى بيفهموها.

◀️ ثانياً : الرموز الطقسية لنجم المجوس فى الكنيسة:

🟥 القبة التى توضع فوق الصينية:
على شكل قوسين متقاطعين توضع فوق الصينية حيث يوجد الجسد والتى ترمز للمزود
والقبة تشير لنجم المجوس وقام بإدخالها القديش يوحنا ذهبي الفم للطقس الكنسى.

🟨 قنديل الشرقية:
وتضعه الكنيسة فى شرقية الهيكل فة حضن الآب ويشير لنجم المجوس الذى يهدينا إلى أحضان النعمة.

🟦 المنارة:
منارة الكنيسة تهدى كل إنسان يراها من بعيد الى ميناء الخلاص كما هدى النجم المجوس لمكان المسيح.

🎁 ثالثاً : هدايا المجوس :
يقولنا الكتاب أن المجوس قدموا للرب يسوع هدايا ذهباً ولباناً ومراً:

🔸الذهب :
- إشارة إلى ملكه بالرغم من مظاهر البساطة اللى اتولد فيها ..
و الذهب اللى قدمه المجوس للرب يسوع ساعد العائلة المقدسة فى رحلتهم الى مصر.

🔸اللبان:
- إشارة الى كهنوته كما ورد فى سفر المزامير (أقسم الرب ولم يندم أنت كاهن الى الأبد
على طقس ملكى صادق مز ١١٠: ٤)

🔸 المر :
- إشارة الى ألامه على الصليب

[walaa farouk]

5️⃣ الحلقة الخامسة والأخيرة :



⁉️ سؤال مهم هو فين وإمتى زار المجوس الرب يسوع؟

- فيه أراء بتقول أنهم شافوه فى بيت لحم اليهودية وأراء تانية بتقول فى الناصرة
.. أراء بتقول قابلوه وهو عنده أيام وأراء تانى بتقول أنهم قابلوه وهو عنده سنتين؟
إيه اللخبطة دى والحقيقة فييين ياترى؟!

تعالوا ناخدها واحدة واحدة مع بعض وندرسها من 3 نواحى
(الناحية الكتابية والناحية الجغرافية والناحية المنطقية) :-

◀️ أولاً: الناحية الكتابية 📖:
من خلال النصوص الواردة عن الميلاد فى إنجيلى متى (الاصحاح الثانى) ولوقا (الاصحاح الثانى)
نستخلص مايلى:
• ولد السيد المسيح فى بيت لحم اليهودية.
• النجم ظهر فى وقت غير محدد كتابياً.
• المجوس تبعوا النجم الى أورشليم فى رحلة تستغرق وقت غير مذكور.
• بعد أن أتم الطفل أربعين يوما ذهبوا الى اورشليم لإتمام الشريعة.
• سأل المجوس هيرودس عن مكان ميلاد المولود وهو سأل الكهنة فاجابوا فى بيت لحم حسب نبوة ميخا.
• أشار هيرودس على المجوس ان يذهبوا إلى بيت لحم ظنا أنه مازال هناك.
• فى الوقت ده كانت العائلة المقدسة أنهت طقس الشريعة فى أورشليم
وعادوا الى محل إقامتهم اللى هو غالبا كان الناصرة.
بحسب ماجاء فى انجيل لوقا (وفى الشهر السادس ارسل جبرائيل الملاك
من الله الى مدينة من الجليل اسمها نصرة الى عذراء مخطوبة لرجل من بيت داود اسمه يوسف)
(لوقا1 : 26 - 27)
• أوحى الله للمجوس فى حلم أنهم لا يرجعوا إلى هيرودس فأنصرفوا من طريق أخر.
• العائلة المقدسة هربت فى نفس الليلة اللى قابلوا فيها المجوس
لمصر كما ذكر انجيل معلمنا متى.
• ظلوا فى مصر حتى أمرهم الملاك بالعودة بعد موت هيرودس.
• لم يسكنوا فى اليهودية خوفا من ارخيلاوس ابن هيرودس.
• رجعوا الى الناصرة إتماما لنبوة أن المسيح سيدعى ناصريا.

👈🏻 ومن ترتيب الأحداث السابقة نستنتج أنه صعب أن يكون المجوس سجدوا للمخلص
فى بيت لحم فى المزود بعد ميلاده مباشرةً أو بعد سنتين
من ميلاده لان أخر مرة تم ذكر المسيح فى أورشليم كان عند تقديمه فى الهيكل
فى عمر اربعين يوم وبعد أن أتمت أمه العذراء أيام تطهيرها
يُعتقد أنهم رجعوا مرة تانى إلى الناصرة و ده للأسباب الاتية:

- إيه اللى هيخليهم يعيشوا فى أو يستقروا فى بيت لحم بعد ماخلصوا السبب
اللى كانوا رايحين علشانه وهو الاكتتاب وخاصةً ان المدينة كانت زحمة جدا وملقيوش فيها مكان غير مزود البقر.
- يوجد نص صريح فى انجيل لوقا (لو 2: 39) يثبت أن العائلة المقدسة تلقت خبر هروبهم لمصر من الملاك وهم فى الناصرة.
- ولا يمكن تكون المقابلة تمت بعد التطهير (40 يوم من الولادة) وده علشان هما هربوا فى نفس الليلة الى مصر.
- كمان صعب تكون تمت المقابلة فى بيت لحم بعد التطهير لأنه كما ذكر معلمنا لوقا ذهبوا للناصرة (لو 2: 39)
- ولا يمكن ايضا أن تكون تمت المقابلة بعد الميلاد مباشرة
وإلا فده معناه أن العائلة المقدسة هربت لمصر والطفل عنده ايام.
لذلك ففى الأغلب أن الناصرة هى المكان المنطقى الأقرب اللى يُعتقد انه تمت فيه المقابلة.

◀️ ثانيا: من الناحية الجغرافية 🗺️:
• فيه اراء بتقول ان زيارة المجوس تمت بعد سنتين من ميلاد المسيح ومنطقياً صعب الاقتناع بهذا الرأى:

- المسافة بين بلاد فارس وأورشليم مابين 500 ل 1800 كم تقريباً وبما أن الجمال كانت هى أنسب وسيلة للسفر فى الوقت ده فالقافلة كانت بتمشى من 16 ل 40 كم يوميا لو اخدنا المتوسط وهو 28 كم .
. وجينا قسمنا المسافة الكلية (1800 ÷ 28 = 65 يوما) وبفرض انهم كانوا بيستريحوا يوم فى اللاسبوع فتكون الفترة الاجمالية لمدة الرحلة لا تتعدى 3 اشهر.

◀️ ثالثا: من الناحية المنطقية 🤔:
- من المستحيل تكون الرحلة استغرقت عامين لأن ترتيب رحلة هتستمر لمدة سنتين منطقياً كده محتاج أد إيه أكل وشرب للمجوس وللجمال وفلوس وملابس؟!
- كون ان الرحلة اخدت سنتين ذهاباً .. فاكيد كمان سنتين إياباً وده غير منطقى أبداً أن فيه رحلة تستمر 4 سنوات.

⁉️ طيب الاعتقاد ده جه منين؟
- جاء من فهم حرفى لما ذكره معلمنا متى عن أمر هيرودس بقتل الأطفال من ابن سنتين ..
- طيب هو كمان هيرودس عمل كده ليه؟
👈🏻 الإجابة ببساطة انه وهو فى ثورة غضبه كان ميعرفش المولود اللى بيتكلموا عنه ده عنده أد ايه وعشان يضمن أنه مايفلتش من سيفه قال اقتلوا كل الاطفال اللى فى عمر سنتين او أقل.
🔸مثال : لو محاسب فى شركة أخطا فى الحسابات فى شهر ما وعرض المر على مديره اول حاجة هيعملها انه يخليه يراجع أخر 3 شهور للاطمئنان وتلافى الخطأ.






كل سنة وانتوا طيبين 🥰🌲