خرافة الأم المشغولة (معنديش وقت)
_بضرب بنتي وبتعصب عليها كل يوم ومش عارفه اعمل ايه
=محتاجه تشتغلى على نفسك في ١،٢،٣
_معنديش وقت خالص انا عاوزه حل سريع
_بنتي مش بيتسمع الكلام خالص
=طيب جربتي تتنقاشي معاها بدل الاوامر او تديها اختيارات
_معنديش وقت ولا طاقه للمناهده دي الصراحه هي المفروض اوقولها الكلمه تسمعها بدون نقاش ونخلص
----------------------------
مفيش حاجه اسمها معنديش وقت
ولكن الموضوع كله ترتيب أولويات
كل الأمهات اللى فى العالم عندهم نفس ال24 ساعه بتوع حضرتك ياست الكل
ومهما كان وضعك وظروفك فيه أمهات كتير لهم نفس الوضع والظروف وحياتهم مع بناتهم أكتر سلام نفسي وهدوء وتطور
ده لأنهم رتبوا أولوياتهم صح
واستثمروا في طاقتهم وصحتهم وتطورهم الأسري
تعالي اقولك إزاي
-------------------------------
1- ممكن يكون أنك تعلمي نفسك وبنتك المناقشه والحوار وإنتوا مأخدوتش على كده خالص هياخد منك فى الأول بعض الوقت والجهد لكن هيوفر عليكي بعد كده سنين من الصراعات والمشاكل والوقت والجهد لحلها
2-ممكن تكوني شايفه إنك تاخدي quality time لنفسك ولو بسيط رفاهيه
ولكن اللى متعرفيهوش إنك تفصلي ولو 10 دقايق من التأمل والسكون أو تعملي حاجه بتحبيها هيساعدك تعطي لساعات وهيعلى تركيزك لإنجاز أكبر مع بيتك وولادك واللى شايفاه مضيعه للوقت هتلاقيه بيوفرلك أوقات
3-رتبي أولوياتك صح شوفي ايه أهم حاجه عاوزه توصلي بنتك لها وأكتبيها وركزي عليها واللى يليها واللى يليها وكل أوليه اعرفي ايه الدرجه المرضيه ليكي فيها لانك عمرك ما هتبلغي الكمال لأنك ببساطه إنسان
ولأن المعارف حولنا دلوقتي بقت أكبر بكتير من طاقتنا فركزي على المهم اللى هتلاقي معظمه (نقاط قوتها)
4_ فوضي
فوضي بعض التعليم والتربية مع بنتك فى بعض الأوقات لأماكن وانشطه متخصصه تثقي فيها ووفري وقت ومجهود تنزجزي فيه حاجات تانيه وتاخدي هدنه
وفوضي بعض المهام لأشخاص تانيين (زي زوجك، جارتك حد من العيله، ست بتساعدك فى التنظيف، دليفري...الخ)طالما هيقدروا ينجزوها حتي لو بدرجه اقل من درجة إنجازك شويه وتقبلي عدم الكمال حضرتك مش Super Woman 😏
5_علّْي طاقتك النفسية والجسدية وحافظي على صحتك
ورتبي أولوياتك
وأعرفي بنتك محتاجه أيه أهم من أيه
حياتك هتفرق
أكتشفي نقاط قوتها علشان تثتثمري طاقتها ومجهودها ووقتها صح من الأول
📌متقوليش بقى معنديش وقت في العموم ولكن قولي عند وقت لدي علشان مهمه ومعنديش وقت لدي علشان مش مهمه
