إنتِ بنت مستفزة��
بنتك بتعصبك
��بتكتمي عصبيتك جواكي علشان ما تهنيش بنتك أو تزعليها
��ولا بتزعقي فيها وتهزقيها عشان ما قدرتيش تستحملي إستفزازها ومعرفتيش تكتمي غيظك
��ولا بتضربي
بترجعي تهدي تاني
تتعاملي بهدوء ، تهزري ، تطبطبي ، بتضحكي مع بنتك
إنتِ مش مجنونه ولا عندك إنفصام في الشخصية( Schizophrenia) إنتِ أم طبيعيه إنسان عنده مشاعر ومزاج متقلب
�� بس محتاجه حاجه صغيره
الغضب شعور طبيعي عند كل إنسان
لكن التعبير عنه ممكن اللى يكون بطرق صح أو غلط
شوفي نفسك في أى مرحله من مراحل التعبير عنه ودربي نفسك أنك تعبري عنه بشكل أكتر هدوء وإحترام علشان صحتك ونفسية بنتك
إقفلي على نفسك أوضه ودربي نفسك بدل ما تضربي
��تمسكي إيدك بالإيد التانيه
��أو تضربي حاجه طريه جنبك زي مخده وتخرجي غضبك بكلمه مش جارحه زي "أنا مسمحش بكده"
��أو تحركي أيدك ورجلك بقوه لغاية ما تخرجي شحنة الغضب
��أو تعملي أنشاط فيه حركه لأنك أتعودتي من سنين تعبري عن غضبك بأيدك فمحتاجه تعوديها فى الأول تخرج الطاقه اللى فيها من غير ما تإذي حد
��وأفضلي فتره طويله لغايه ما تنتقلي من level التعبير بالضرب ل level التعبير بالكلام
وبعدين دربي نفسك على المرحله اللى بعدها
من التعبير بالكلام الجارح للتعبير بالكلام المعبر عن مشاعرك من غير إهانة
��أقفي قدام المرايه وتخيلي الموقف ودربي نفسك على البدايل
��بدل ما تهزقي او تشتمي تقولي مثلا (أنا مش عاجبني اللى انتِ بتعمليه لما أهدى لينا كلام تاني)وسبيها وأمشي
��أو إتنفسي بعمق واكتمي النفس من 7:10 عدات وإخرجيه(إعملي search عن تمارين التنفس وشوفي المناسب ليكي)
�� أو لوني
��أو شخبطي فى ورقه كبيره
��أو نامي على ظهرك وبحلقى في السقف
��أو عِدي بالعكس من عشرين لصفر
لغايه ما تتأكدي إنك فعلا هديتي وفكري فى حل المشكله نفسها اللى وصلتك لكده بهدوء وخدي قرار
وارجعي إتكلمي مع بنتك فيها في نفس اليوم أو بعدها بيوم
âڑ،وكل ما تعبيرك عن الغضب يخونك إرجعي دربي نفسك من الأول
��ومتسيش ان الموضوع مش سهل وممكن ياخد منك شهور تدريب فمتيأسيش
