عاوزة بنتك تكون نسخه منك؟
_سرحي شعرك ورتبي سريرك وأتوضي وصلي
=حاضر
_انت لسه مقومتيش وايه المج اللى مرمي ده ولسه متسرحتيش كمان لغاية دلوقتي ليه ،أرحمييييييني انا تعبت منك😫😫😫😫
=كل ما تشوفيني تزعقي تزعقي 😓😓
_إتكلمي بصووووت واطي وبأدب وخليكي هادية 😡
_____________________________________
كل أم مننا بتبقى نفسها بنتها تطلع نسخة منها
أو بمعنى أصح النسخه المعدله منها
وبتبقى بوعي أو من غير وعي حساسه جدا إتجاه أي غلطه البنت ممكن تعملها وخصوصاً لو الغلطة دي تخص عيوبها هي شخصيا
يعني مثلاً لو الأم دي عصبية تلاقيها دائما بتقول لبنتها خليكي هاديه ، إتكلمي بصوت واطي ، إتكلمي بأدب ....الخ
وعاوزه تجمع خبراتها في الحياه وتديهالها في كبسولة من النصائح
وتتصدم وتتفاجئ لما تلاقي البنت ما اتغيرتش وخفت من عيوبها رغم انها محافظة على إنها تديها الدوا يومياً لسنين (كبسولة النصائح وخبرات الحياه)
وبدل ما تطلع نسخه منها بقت بعيدة عنها جداً فى الصفات الكويسه تحديدا وبعيدة عنها فى القرب والعلاقة
💥لأنها غفلت عن أن
🌟بنتها عمرها ما هتكون نسخه منها
ممكن الچينات تخليهم متشابهين في بعض الحاجات لكن بنتها إنسان مختلف تماما في مميزاته وعيوبه
🌟غفلت عن أن التعليم بيثبت أكتر بالقدوه يعني ما بقاش اقوللها خليكي هاديه وانا عصبيه وصوتي عالي
🌟نسيت إن الضغط الدايم على البنت علشان تطلع فى قالب معين هيأثر تأثير نفسي على صحتها النفسيه والجسديه وبدل ما أساعدها انها تنمو وتتطور بقف قدام نموها من غير ما أحس
🌟غفلت عن أن لو ركزت على نقاط قوة بنتها هتكون أفضل بكثير من انها تكون نسخه معدله منها ووقتها بس هتكون فخورة بيها
علشان تعرفي أكتر عن مواطن قوة بنتك اللى بتميزها عن باقي البشر وبتعلي ثقتها فى نفسها ...... أطلبي product "بنتي" من رسائل الصفحه
اللى فيه هتلاقي اختبار سهل هيساعدك تكتشفي نقاط قوة بنتك وتطبيقات لكل نقطة قوة وازاي تقويها
ده غير مجموعة ألعاب نقاط القوة اللى هتقربك من بنتك أكتر
