|
 |
 |
 |
|
رقم المشاركة : ( 1 )
20 - 10 - 2021, 05:22 PM
|
|||||||||||
|
|||||||||||
 لما بنروح نعزي حد فقد عزيز عليه ، غالبا دورنا بيقف لحد التالت، ولو افتكرناه ف الاربعين يبقي حلو.... وممكن نبقي متضايقين عليه وبنصليله جوانا ... لكن غالبا م دورنا بيقف لحد كدا .. مش بطلب منك تكمل معاه المشوار، لانه اولا واخيرا مشواره هو ولازم يمشيه.... واولا واخيرا انت انسان " محدود" فمش هفترض منك اللي لا طاقه ليك بيه.... بس عاوزة اقولك كام حاجة يمكن انت لو ما ممرتش بتجربة فقد (ربنا يحفظك ) ماتكونش حاسسها اوي.... عارف يعني ايه اغلي حد ع قلبك يبقي اسمه فجأه "#مرحوم" او "#مرحومه" ، عارف ان الكلمه دي بتنزل ذي المطرقه ع قلب الواحد  عارف يعني ايه تبقي بتخلّص ورق اغلي حد ليك بنفسك وبتاخد اللي كان المفروض هو ياخده ف حياته  عارف يعني ايه المناسبات اللي المفروض انها سعيده، تبقي بالنسبه ليك مش اي حاجه غير انها وجع قلب رهيب، لان اللي اكتر حد اتمنيته يشاركك اللحظات دي خلاص مش موجود،، وانت ف المقابل لازم تلبس وتضحك وتبان فرحان ومتماسك علي الاقل عشان ماتألمش اللي حواليك زياده عارف يعني ايه بدل ما تصحي علي صوته وتحضنه وتضحك معاه ويشاكل فيك ، مايبقاش غير مجرد صورة متعلقه  طب عارف يعني ايه تشوف لبسه وحاجاته جنبك بس خلاص مافيش حد يستخدمهم... عارف يعني ايه تعافر يوميا بدونه ، وتبقي بتجتهد تسد مكانه وانت مش عارف تعمل دا ، والبهجة والدفا اللي كان حضوره بيسببه بتلقائيه ، انت بتعافر فيه علشان تعمله علشان اللي لسه حواليك وبرضو مش عارف...... عارف يعني اي تبقي بتبكي بليل بس انت عارف ان مهما بكيت ، خلاص الحد دا مش هيرجع تاني.... طب جربت تحلم انك بتحضنه جامد وتقوله ماتسبنيش ارجوك  ، وتصحي تلاقي نفسك بتعيط حقيقياو تبقي فرحان ف الحلم لانك شايفه ، لكن لثواني وخلاص بتصحي علي نفس الواقع! عارف يعني ايه تسمع حد بيفتح الباب ، ولوهله قلبك ينط م الفرحه مفكره هو وراجع من شغله وهتحضنه زي زمان... عارف يعني ايه يجي عيد اب او عيد ميلاده وهو مش موجود ، وانت نفسك تفرحه ذي كل سنه.... حبيبي اكاد اُجزم انك مش عارف حاجات كتيرة جدااا..... حقيقي اسفه لو كلامي وجع حد هو كمان مر بظروف صعبه، حقيقي حقكم عليّ.... وبصدق برغم كل اللي قولته الله بيسند وبيرفع وبيشجع وبيعزي بطرق انت برضو ماتعرفهاش ولا تتخيلها... كل اللي نفسي اقوله لو مش قادر تبقي #عكاز ما تبقاش #عصايه، المتآلم فيه اللي مكفية 
|
 |
|
| قد تكون مهتم بالمواضيع التالية ايضاً |
| الموضوع |
| المتألم .. مش عايز وعظ ولا حكم |
| المتألم القدوس |
| طول ما أنت مش مكان المتألم |
| صرخه المتألم |
| ابراهيم المتألم... |
العرض العادي
