نوبات الذعر/الهلع Panic attacks

[walaa farouk]

هي بتيجي نتيجة ضغوط نفسية عاليه، عدم القدرة على التعبير عن اللي جواك فبتكتمه، الخوف من امور معينه او امراض او صدمه او مواقف صعبه اتعرضت ليها عملت هزة نفسيه جواك. مش لازم ابدا النوبه تيجي في وقت موقف فعلي بتتعرض ليه لكنها ممكن تيجي فجأة. اعراضها هتلاقيها موجوده في الصوره 👇 مع تأكيد ان برغم الاعراض دي لكن مفيش حاجة عضويه في الجسد.
مع احترامي الكامل للطب النفسي لكن غالبية الامراض النفسيه ملهاش علاج فعلي، كلها بتقلل من حدة الاعراض او النوبات دي فقط.
في كام نقطه محتاج تاخد بالك منهم علشان تخلص من النوبات دي او تتجنب التعرض ليها ...
١_لو بتصلي وبتقول للرب برمي عليك همومي واحمالي ومش شايف إختلاف محتاج تعرف ان ده مش كفايه ، انت محتاج تكون متاح في محضر الرب اوقات لسكب قلبك قدامه من وقت للتاني بإستمرار، وقلبك لما بيتسكب بيقع معاه كل هم وكل ضغوط مهما كان تقلها ومش هتتراكم عليك.(#تَوَكَّلُوا عَلَيْهِ فِي #كُلِّ_حِينٍ يَا قَوْمُ. #اسْكُبُوا_قُدَّامَهُ_قُلُوبَكُمْ. اَللهُ مَلْجَأٌ لَنَا. سِلاَهْ. (المزامير ٦٢: ٨)
٢_ وقت ما بتتعرض لأي افكار فيها خوف فكر نفسك علطول وحط الرب قدامك دايما وإعلن انه اعظم وشوفه اعلى من المخاوف دي هو دا اللي بيثبتك. (جَعَلْتُ #الرَّبَّ_أَمَامِي فِي #كُلِّ_حِينٍ، لأَنَّهُ عَنْ يَمِينِي #فَلاَ_أَتَزَعْزَعُ. (المزامير ١٦: ٨)
٣_ أطلب الروح القدس يشتغل فيك لو محتاج إتساع لنفسيتك اكتر، واطلب منه ينبهك دايما في كل موقف تعمل ايه، علم نفسك ترتاح في الرب، وإملا ذهنك وقلبك دايما بالحق الكتابي، لان في كلمته قوة رهيبه. (٢٤ إِذَا اضْطَجَعْتَ فَلاَ تَخَافُ، بَلْ تَضْطَجعُ وَيَلُذُّ نَوْمُكَ. ٢٥ لاَ_تَخْشَى_مِنْ_خَوْفٍ_بَاغِتٍ، وَلاَ مِنْ خَرَابِ الأَشْرَارِ إِذَا جَاءَ. ٢٦ لأَنَّ #الرَّبَّ يَكُونُ مُعْتَمَدَكَ، وَيَصُونُ رِجْلَكَ مِنْ أَنْ تُؤْخَذَ. (الأمثال ٣: ٢٤-٢٦)
بصلي بإسم يسوع كل ضغوط نفسيه تراكمت وأثرت على الجسد ان ييجي نوبات ذعر تتلاشى في محضره ، وكل حمل زايد على الذهن من حصار افكار ومخاوف يارب تعالى بروحك وهدي كل دوشة وانزعاج في الذهن وتقع كل افكار مش منك، حريه... حرية... حرية بإسم يسوع. ثبت كل قلوب مرتجفه، وشدد كل ركب مرتعشه، بأعلن ان الرب هو الصخرة وهو الملجأ ليك من اي شر ومن كل مخاوف. 😊🙏
كُنْ لِي صَخْرَةَ مَلْجَأٍ أَدْخُلُهُ دَائِمًا. أَمَرْتَ بِخَلاَصِي لأَنَّكَ صَخْرَتِي وَحِصْنِي. (المزامير ٧١: ٣)
١٧ لَوْلاَ أَنَّ الرَّبَّ مُعِينِي، لَسَكَنَتْ نَفْسِي سَرِيعًا أَرْضَ السُّكُوتِ. ١٨ إِذْ قُلْتُ: «قَدْ زَلَّتْ قَدَمِي» فَرَحْمَتُكَ يَا رَبُّ تَعْضُدُنِي. ١٩ عِنْدَ كَثْرَةِ هُمُومِي فِي دَاخِلِي، تَعْزِيَاتُكَ تُلَذِّذُ نَفْسِي. (المزامير ٩٤: ١٧-١٩)