برنامج فى حب والدة الاله الحلقة التانية

[مورا مرمر]

اهلا بيكم اعزائى المشاهدين
اهلا بيكم
فى تانى حلقة من
برنامج
فى حب والدة الاله
كل سنة وحضراتكم طيبين وبخير

اول فقرة معانا هى تأمل
تابعواااا

فضيلة الاحتمال :
وهنا أقصد الاحتمال من ناحيتين ( احتمال الآلام و احتمال الكرامة ) .
قد يظن البعض إن احتمال الآلام صعب ولكن يجب أن نعرف إن احتمال الكرامة يحتاج إلى مجهود أكثر من احتمال الآلام والإهانات وقد قال أحد القديسين : ” هناك الكثيرون يحتملون الإهانات ولكن القليلين يحتملون الكرامات ” .
ونجد أن السيدة العذراء منذ صغرها وهي كانت محتملة لكل الأمور حتى في حياتها داخل الهيكل ولم يكن من السهل أن تعيش طفلة عمرها 3 سنوات بداخله .
واحتملت أيضاً البشارة وفرحتها بأن تكون أم المخلص واحتملت الإهانات والمطاردة من هيرودس واحتملت مشاق الولادة في مزود واحتملت الآلام التي جازت في نفسها وقت الصلب وفراق وحيدها .

الفقرة التانية
ترنيمة ام النور ي جميلة

مين فينا مطلبش العدرا قبل كدا ..مواقف صعبة كتيرة بنعدى فيها وشفاعتها بتسندنا وبترفعنا فوق كل صعب وانهارده اخترت حد مميز معانا يحكيلنا عنها وعن علاقته بيها وهو
(مستر راااااااااااااامز )
اهلا بيك يمستر رامز
منور البرنامج ومبسوطين انك معانا ف حلقة انهارده


احكيلنا ايه اصعب موقف عديت فيه وحسيت فيه ان العدرا كانت معاك ؟!
دايماً بجد بحس أن العدرا معايا فى مواقف كتير
هى مش بتتأخر أبدا

قولنا ايه طبيعة علاقتك بالعدرا صديقة ..ام ..اخت كدا يعنى ؟!
أم

موقف عمرك مهتنساه عملته العدرا معاك ؟!
بجد مواقف كتير جداً

حابة انك تشارك معانا باى حاجة للعدرا يعنى ترنيمة..تأمل..معجزة .....؟!
بحب جداً الترنيمة دى
حنونة ومعينة وبتحس بينا... وجواكي لينا محبة وحنان
وجواكي طيبة كتيرة وعجيبة... يا أمي الحبيبة يا حصن الأمان

ق : يا عدرا يا أمي... ده حبك في دمي
وحضنك ده بيطمِّني... يا مريم يا أم يسوع
يا أمي الوديعة... يا أعظم شفيعة
لأنك قريّبة مني... مايبقاش ف عيني دموع

بننده عليكي تصلي لفاديكي... في وقت المخاطر ووقت الآلام
عشان يا حبيبتي مفيش زيك انتي... بيعملُّه خاطر ويبعت سلام

يا سكر وأحلي مدايحك بتحلي... عشان فيها اسمك يا نور العيون
ولازم تكوني يا أمي حنونة... عشان انتي ابنك إلهنا حنون


قولنا ايه اكتر صفة فى العدرا ونفسك تكون عندك ؟
إنكار الذات

اوصف العدرا بالنسبالك فى كلمة ؟!
أم

شكرا ي مستر رامز بجد مبسوطين بمشاركتك معانا
الى اللقاء
انتظرونى فى حلقة جديدة

[Mary Naeem]

رووووووووووعة
ربنا يفرح قلبك

[Ramez5]

الفكرة جميلة جداً والموضوع ناجح
ربنا يفرح قلبك

[walaa farouk]

ميرسى على الحلقة حبيبتى
ربنا يفرح قلبك