|
 |
 |
 |
|
رقم المشاركة : ( 1 )
13 - 08 - 2021, 10:23 AM
|
|||||||||||
|
|||||||||||
 ايه الحماس الغريب ده اللي عند عيالك لصيامك!!... ما ده صيام برضه اللي الناس بتتعب منه. .. اشمعني انتي صيامك بيبقي علي قلبهم زي العسل وبيبقوا عايزينه يطول!! ☺... ده في ناس بتبدع في صيامك... ايشي زيت وملح بس...وايشي انقطاعي بالايام...الخ اشمعني انتي كل حاجه تخصك تفرح كده!!! مناسباتك كلها تفرح ... صومك واعيادك وشهر كيهك وذكري ظهورك بالزيتون..... الخ ترانيمك كلها تفرح... بدايه من (رشوا الورد) لحد (ولسه يا عدار بتحني)... الحانك حاله خاصه كده ومبهجه ... مرورا ب (شيري ني ماريا) التسبحه والقداس و (سيموتي) ...(تيؤي انهيكانوس) ... (راشي ني) ... ( افرحي يا مريم ) ... الخ معرفش المؤلفين للالحان دي بيجلهم هذا الوحي الموسيقي السمائي منين لما تبقي حاجه تخصك!! ... صورك حتي لما بنشوفها في اي حته بنرتاح كده ونتطمن... ايه السحر العجيب اللي طاغي علي شخصك دا !!! ايه الجمال الرباني دا لروحك اللي بيسبي اي حد بيتكلم عنك ويفكر في عظمتك !!! حب عظيم من كل الاجيال ليكي ... جميع الاجيال تطوبني كانت كلمه في محلها بل اقل من اللي حصل علي الارض من يومها... حقيقي يا ستي بنحبك ... كل الارض بتحبك ... مختلف الشعوب والاديان والالسن . .. من الحاجات النادره اللي اتفق عليها معظم البشر ... عايزين نقدملك اي حاجه تفرحك فبنقدملك صوم وتسبيح والحان وترانيم وابتسامه من القلب... انظري الي قلوبنا هذه المحبه لكي... واسكبي علينا من فيض حنانك ... ودايما اطلبي عند ابنك عنا... قوليله قد ايه الناس بسيطه وغلابه ولما بتحب بتخلص... خليه يغفر ويشفي ويعزي ويصبر ويفرح الكل ويرجع الكل ليه.. .عشان نستمتع يوما ما بلقائك الشخصي في ملكوته... ونبوس ايده وايدك. 
|
 |
|
العرض العادي
