مار مينا كله

[walaa farouk]

مرة ابونا رافائيل آفا مينا تلميذ القديس البابا كيرلس السادس قال :
ناس كانت بتسأل ليه رفات مار مينا تجزأ الى 3 اماكن مش في مكان واحد؟
انا ارد واقول قصة حصلت ولو أن الواحد مايصحش أنه يحكي عن نفسه ..
انا كنت بعمل التسبحة يوميا في كنيسة مار مينا بالدير الساعة 4 صباحا
وكنت باخد ساعة في التسبحة ففكرت في يوم من الايام افتح الأنبوبة اللي فيها جزء من مار مينا واشوف في ايه داخلها هل في سيرة أو مخطوط أو صورة الخ وفكرت اعرف ايه الجزء الموجود فيها من رفاته ..
فجبت ادوات و عدد النجارة معايا وقلت اعمل التسبحة الاول كي اتنقى واتقدس
لأكون مستحق أن أفتح على هذا القديس
وقفلت باب الكنيسة كويس بالترباس عشان ماحدش يدخل عليا
وانا بعمل هذا العمل لاني لا استأذنت رئيس الدير ولا اي حد ولا اي مخلوق .. سامحوني في ذلك ..
فابتديت اعمل التسبحة وابتدا صدااااع يمسكني شوية شوية لغاية
لما مسكني صداع جامد جدا فبصيت في الساعة ولقيتها مرت ساعة تمام
ولسه ماخلصتش الا ربع التسبحة ودا معناه عشان اخلص التسبحة
هاخد اكتر من 4 ساعات وكدا هايكون النور طلع وانا لسة ماخلصتش
، فقلت انام شوية في الكنيسة ارتاح من الصداع وأقوم اكمل ..
فاستغرقت في نوم عميق جدا ..
فلقيت ايدين انسان بتاخد الأنبوبة اللي فيها رفات مار مينا نيمته جنبي على الارض
وشالت الكسوة وفتحت الأنبوبة الخشبية ومسكت في أكتاف رجل وشدته
وطلعته من الأنبوبة ونيمته جنبي .
. رجل بطولي بجلابيه بيضا وجهه يضئ كالثلج أو الرخام الأبيض
ورجليه اللي بانت من توبه نفس الكلام وايديه حاططها على صدره بشكل صليب بيضا جدااا
كالثلج أو الرخام واكتر فانفزعت واخذت دقات قلبي تتسارع ..
ازاي الشخص ده طلع من أنبوبة طولها 40سم وهو طوله ييجي اكتر من 175 سم
بقيت قلبي بيدق ومحتار اقول للناس والرهبان ايه؟!..
واقول لرئيس الدير ايه؟!.. ازاي راجل طلع من الأنبوبة بالشكل ده ..
وفجأة قمت من نومي ..
وعرفت أن مار مينا بيقول لي انا بحالي هنا وماتشكش فيا
قمت سجدت وعملت تمجيد ..
ومالقيتش لا صداع ولا حاجة ولا تعب فعرفت أن دي أعجوبة من الله ..
وعاوز اقول انه لما بييجي واحد عليه ارواح أو شياطين
وبنصلي عليه عند رفات مار مينا بيصرخ وبيقول انا شايف مار مينا مش حتة عضم ..
فعاوز اقول إن وجود جزء من الجسد فلا يشككنا في اننا نجمع أو مانجمعش .
. اي مكان بيكون فيه جزء منهم بيكونوا موجودين فيه وربنا بيكرم قديسيه ..

[بنت معلم الاجيال]

بركتة فلتكن مع الجميع امين
شكرا علي المعجزة