27 - 07 - 2021, 07:33 AM
|
 |
..::| الإدارة العامة |::..
|
|
تاريخ التسجيل: Jun 2015
الدولة: مصر
المشاركات: 376,472
|
|
مشاوير بنمشيها معاك يارب طول حياتنا.. يا نعرف نشوفك فيها ونقّدر سندتك وقوتك وتشديدك لينا اللي بيساعدونا نعدي
.. يا نفضل متحيرين وماليانين اسئلة
ومش فاهمين في كل مطب يقابلنا.
والمطبات جزء من الرحلة مش هنقدر نلغيها ولا نتجنبه
.. كل شوية هتظهر .. دي طبيعة شوارع السكة اللي ماشينها في العالم ده.
وعيني إما تكون ع المطب و اللخبطة اللي حواليه فيملاني الخوف والقلق وابقى مش عارفة هاعرف أعديه ولا لأ.. أو تبقى ع الإيد القديرة الممدودة تساعدني عشان اعديه وتقوي رجلي امشي فوقيه.
وتفكرني باللي فات عدى ازاي لما مسكت فيه.
. واصدق اللي عدى معايا المطبات اللي فاتت هيعدي الحالي واللي جاي.
وربنا عايزني ارفع عيني خالص من ع المطب او الجبل اللي قدامي واركزها عليه هو .. على ابويا اللي شايفني وعارفني كويس قوي وكمان شايف الطريق وعارفه كويس قوي.. عارف قدرتي قد إيه وعايزني اعرف قدرته هو قد إيه.. وهو عارف ازاي يخرجني من كل أزمة أقوى وأصلب وماسكة فيه اكتر.
الرب السيد قوتي ويجعل قدمي كالأيائل ويمشيني على مرتفعاتي.
|
قد تكون مهتم بالمواضيع التالية ايضاً
العرض المتطور